Boy Ma Ayra Ma JAŊ Ɓiirimma 1:51 - Boy Lonana

⁵¹ Nam di olo ana, «An dagi ni gasira, agi hin wi huulona ki maliya, agi hin wi suu sunda huulona tuɗ koloo, hoŋ ay kaŋga kay Goŋ Sanna.»

Boy Ma Ayra Ma JAŊ Ɓiirimma 1:51 ပူးပေါင်းရင်းမြစ်များ

URA TIN AYRA 28:12

Doyra dam ana, nam wi jaŋalana col ha kaŋga kay ndaŋgara day yam tuɗ tew ha ki kolo huulona. Nam wi suu sunda huulona ɗiŋ ha kolo hu jaŋalana hoŋi ay kaŋga may.

EZEKIYEL 1:1

Hu basara dok-hindira, hu til ma fiɗina, hu buurum ma vadlna ni an ay duk suu yowosi ha ki balna laki na tok eg mbo lum ma Kebarna, huulona mal kiyo, an wi tlesuu ha kolo huulonna.

ZAKARI 13:7

Ŋgewra col ki kolo kay saan ma taa yoona, kay sa tuɗ u an ma jivi cocona, Yawe, ma Saɓakŋa Kom Belna, di na. Waɗ sa taa yoona, timigiina hin njay kiyo, kon hin hoŋ waɗ suu gorina lay.

MATIYE 25:31

«Mayra Goŋ Sanna hin mbay kay mul mambara wanni, suu sunda huulona umu, nam kak kaŋga kay dlam mamba mulla ta bibiŋilla.

MATIYE 26:24

Goŋ Sanna hin miɗ ko magaara di ki fok jewra na. Hahawra ŋgolla kay sa ɦal Goŋ Sanna ki na. Nam vuɗ ki ginɗi ni mariyaɗ.»

MATIYE 3:16

Yesu fi batemma fi ni, a ɗuŋ ay ki kolora wanni, huulona mal ki gaw. Nam wi Musuk Lonara si ay kam ko gugukka na.

MATIYE 4:11

Hu li namma Satanna hinimu. Asi suu sunda huulona mba eg Yesu, mbuɗ sunum ni na gaw.

MATIYE 8:20

Yesu dam ana, «Bayakka zuluɗ ka lay, laygina ziisi kasi lay. Goŋ Sanna, li nam koɗ tam hu kaɗi.»

MATIYE 9:6

An min a agi wi ana Goŋ Sanna ka u saɓak ma daɓ cora vi suu hu duliyara egemu.» Nam di sa gugufura ana, «Col koloo, tli dlaɗ maŋga kaŋu, hoŋ voo varaŋu.»

MARK 1:10

Hu li ma nam taɓa ay kolo doŋ lumma taɓana, nam wi huulona ki maliya. Musuk Lonara sii ay kaŋga kam ko gugukka na.

MARK 14:62

Yesu dam ana, «Ni an ɗaŋ may. Agi hin wi Goŋ Sanna kagi kay bik Lona ma njufna ma saɓakŋa kom belna. Agi hin wam nam hoŋ ay duk ɗugulla.»

Boy Ma Ayra Ma LUK Ɓiirimma 2:13

Vunum bay ndi kaŋga tu may ni suu sunda huulona bolowo gijaŋ geleɗ Lona ha kolo huulona gaw, di ana,

Boy Ma Ayra Ma LUK Ɓiirimma 2:9

Sa sunda vi Bu Suuna tak tam irisi u bibiŋil mamba weleɗ kasiya. Asi mbuɗ ndaana.

Boy Ma Ayra Ma LUK Ɓiirimma 22:43

Hu li namma sa sunda huulona tak tam irim a ɦam saɓakŋa.

Boy Ma Ayra Ma LUK Ɓiirimma 22:69

U wandara agi hin wagi Goŋ Sanna kagi kay ko Lona ma njufna ma saɓakŋa kom halaŋŋa.»

Boy Ma Ayra Ma LUK Ɓiirimma 24:4

Saara ana va tlamma ni megera ka kasiɗi. Suuna mba' cuk ki irisiya, baraw ma tasina weleɗ ko me kalara na.

Boy Ma Ayra Ma LUK Ɓiirimma 3:21

Suuna halaŋ fi batemma eg Jaŋ ma mbus batemma wanni, Yesu fi batemma may, hu li ma nam cen Lona na ni, huulona mal kiyo.

Boy Ma Ayra Ma JAŊ Ɓiirimma 1:50

Yesu hoŋom dira ana, «Aŋ tin huruŋ kan ni kayra an daŋ ana, an waŋ ay u ŋgus tulummara. Aŋ hin wi dlara jivira ŋgol sura wanda.»

Boy Ma Ayra Ma JAŊ Ɓiirimma 10:1

«An dagi ki ni gasira ana, Sa kal ha ka vun goŋga vi timigiinaɗi vekeɗ uɗ ha kaŋga na ɗowna ni sa kulna, ni u sa buu suuna voɗna.

Boy Ma Ayra Ma JAŊ Ɓiirimma 10:7

Yesu di ana, «An dagi ha ni gasira, anni vun goŋga vi timigiinara.

Boy Ma Ayra Ma JAŊ Ɓiirimma 13:16

An dagi ni gasagi ana sa li sunda ka ŋgol su malammaɗi, sa ay sunnina ka ŋgol su sa sunum aynaɗi.

Boy Ma Ayra Ma JAŊ Ɓiirimma 13:38

Yesu hoŋom dira ana, «Aŋ min a ba taŋ ki un gasagi su? An daŋ ha ni gasagi ana, jew golok tlekŋa a hella wanni, aŋ hin tin vunuŋ ki kan yaŋ hindi ana aŋ ka wanɗi.»

Boy Ma Ayra Ma JAŊ Ɓiirimma 14:12

An dagi ni gasira ana, Sa ma tin hurum kanna hin li ni sunda an laɗta may. Nam hin li ta ŋgolora lay, kayme an tuɗ eg Bunu.

Boy Ma Ayra Ma JAŊ Ɓiirimma 16:20

An dagi ni gasi, Agi hin tiirigiya, yoo tagi lay. Suu hu duliyarana hin furiya, agi hin kak u yoora may, yoo magira hin mbuɗ ki furira.

Boy Ma Ayra Ma JAŊ Ɓiirimma 16:23

«Buu namma hin mba wa ni, agi ka joɓon kay va dew oloɗi. An dagi ha ni gasira, Bun hin ɦagi tlesuu agi joɓosi u senna halaŋ.

Boy Ma Ayra Ma JAŊ Ɓiirimma 21:18

An daŋ ha ni gasira, aŋ ay u goo taŋŋi, njun ɗik maŋŋa ni u taŋga, li aŋ a tuɗ huna aŋ tuɗ lay. Aŋ mbuɗ ki maara wani, ɗik maŋŋa ka njun koŋ oloɗi, sa daŋŋa hin njunuŋŋa ni namu. Nam tiniŋ hu li ma aŋ ka tuɗumbina lay.»

Boy Ma Ayra Ma JAŊ Ɓiirimma 3:3

Yesu dam ana, «An daŋ ha ni gasira, sana vuɗ ka vuɗta wiliraɗi ni, nam ndak a kal hu Mul Lonaraɗi.»

Boy Ma Ayra Ma JAŊ Ɓiirimma 3:5

Yesu dam ana, «An daŋŋi gasira, sana vuɗ ka u yonaɗi may ka u Musuk Lonaraɗi may ni, nam ndak kal hu Mul Lonaraɗi.

Boy Ma Ayra Ma JAŊ Ɓiirimma 5:19

Yesu hoŋosi dira ana, «An dagi ni gasira, Goona ndak ka a li va kay tambi. Nam li ni tlesuu nam wi Bum ay lasina. Tlesuu Buna lasina, Goona lasi ni asi may.

Boy Ma Ayra Ma JAŊ Ɓiirimma 5:27

Nam ɦal saɓakŋa maŋ Goromma a kaɓakŋa, kayme nammi Goŋ Sanna.

Boy Ma Ayra Ma JAŊ Ɓiirimma 6:26

Yesu hoŋosi dira ana, «An dagi ni gasi u voɗoɗu, agi halan ni kayra an ɦagi funara, ni ka kay dlara mbuɗta agi wan an laɗtaɗi.

Boy Ma Ayra Ma JAŊ Ɓiirimma 6:32

Yesu hoŋosi dira ana, «An dagi ni u voɗoɗu, Moiz ɦagi funa ni ka nambi. Bun Lona ɦagi fu ma gasi ma col ay kolo huulona, ni namu.

Boy Ma Ayra Ma JAŊ Ɓiirimma 6:47

«An dagi ni gasira, sa ma tin hurum kanna, iirira daɓ kiɗira ka hurumu.

Boy Ma Ayra Ma JAŊ Ɓiirimma 6:53

Yesu hoŋosi dira ana, «An dagi ni gasira, lini agi ti tliw Goŋ Sanna kaɗi may, cam busuum kaɗi may ni, agi hin ka fi iirira hurugiɗi.

Boy Ma Ayra Ma JAŊ Ɓiirimma 8:34

Yesu hoŋosi dira ana, «An dagi ni gasira ana, Sa li cora, nammi googomma vi cora.

Boy Ma Ayra Ma JAŊ Ɓiirimma 8:51

An dagi ni gasira, sa humun boy manna na hin ka miɗɗi.»

Boy Ma Ayra Ma JAŊ Ɓiirimma 8:58

Yesu hoŋosi dira ana, «An dagi ni gasira, jew Abraham bay vuɗ tu ni, An kaa.»

SUNDA 10:11

Nam gol irim ha kolo na ni, huulona mal kiyo, vana ay giɗi u ladarana keŋem fiɗi ndi ay kaŋgaa.

SUNDA 7:56

Nam di ana, «Humugiya, an wi huulona ki maliya, Goŋ Sanna coli kay bik ko Lona ma njufna.»

2 TESALONIKŊA 1:7

Nam hin ɦagi koɗ tara magi agi suu ka wihawrana u ami lay. Ni hu li ma Bu Suuna Yesu kal ay ki huulona u suu sunda hu lona suu saɓakŋa umu.

2 TESALONIKŊA 1:9

Kaɓak masina ni ɓalakka a fafatta, ha ki day eg Bu Suuna u saɓak mamma bibiŋilna.

1 TIMOTE 3:16

Sa ndak ka a di va ma daŋgi, ŋgayra vi ɗegee ndaɗta wanni ŋgol ɦay. Nam mba tak tam ki ko sa warna na, Musukka takam tam ki ana nammi sa ma ɗegeena. Suu sunda huulona wamu, suuna halaŋ dlaamba di ay ki dukusiya, suuna vi um coco lay. Nam kal ki kolo huulona.

HEBRENA 1:14

Suu sunda huulona asina ni suurage? Ni ŋgussa suu sun Lona suu nam cukusi a njun u suu fi suɗtana.

Magaara JUD Ɓiiriɗta 1:14

Henok ma hu njafna vi Adam a kiɗisiyana di ki kasi hu boy ma jok vun Lona mamma jew day anaba, «Humugiya Bu Suuna ka mbay u suu mam suu sunda huulona suu teteɗna va ma bup bup ŋgolo.

WIRA ŊGAYRA 19:11

An gol irin ha kolo ni wi huulona ki maliya, kulum haɓma kal ki kiɗiki, sa ma fuli kamma sem ana ɗegeena, gasina, ma kaɓakŋa, ma duu duu ma ɗegeena.

WIRA ŊGAYRA 4:1

An wi va ma daŋŋa tak tam irinu, gola ni vun zira ha ki mali kolo huulona. An hum della soo ay kolo huulona ko dif tokolomma ɓakan ay jewra na, dan ana, «Ful ay kolo tani, an min takaŋ dlara hin mbay fokka.»