Boy Ma Ayra Ma JAŊ Ɓiirimma 1:47 - Boy Lonana

⁴⁷ Yesu wi Natanael mbay egem na ni, nam di kam ana, «Gola ni sa Israel ma gasina ma mbambara ka hurumbina.»

Boy Ma Ayra Ma JAŊ Ɓiirimma 1:47 ပူးပေါင်းရင်းမြစ်များ

SOOLLA 32:2

Furira ka kay sa ma Yawe ka ndumum coomba oloɗina, dlara co ka hurum oloɗi.

SOOLLA 73:1

Soolla vi Azaf. A gasira ni Lona nam jivi kay suu Israelna, nam jivi kay suu hurusi haɓma.

Boy Ma Ayra Ma JAŊ Ɓiirimma 2:25

Nam ka min ana sa haɗam kay suunaɗi, nam u tamba wi dlara huu suunara.

Boy Ma Ayra Ma JAŊ Ɓiirimma 4:16

Yesu daɗ ana, «Tuɗ yi njufuk aya hoŋogi ay tani.»

Boy Ma Ayra Ma JAŊ Ɓiirimma 8:31

Yesu di suu Juif suu tin hurusi kamma ana, «Lini agi tin hurugi kay haɗ manda ni, agi hin mbuɗ a suu haɗi mansina.

Boy Ma Ayra Ma JAŊ Ɓiirimma 8:39

Asi hoŋom dira ana, «Bumi ni Abraham.» Yesu dasi ana, «Agi li gasi ni goryoŋ Abrahamma ni, agi hin lini dlara nam laɗta may.

ROMMA 9:4

Asi ni njaf suu Israelna Lona hin mbuɗusi ki a goryomu, ɦasi ana nam ka egesi hu ŋgol mamba tew tew, nam vi galamba u asiya, ɦasi gaɗta, li tokka, vi vunna u asiya.

ROMMA 9:6

An ka min di ana vi vun ma vi Lonna mbuɗ ki ɦawaa naɗi, njafna vi suu Israelna ni ka asi suu Israel suu gasina halaŋgi.

FILIPINA 3:3

Aygi ni suu tak gasira vi caw ɗiwra, ni ka asiɗi, aygi ni suu sun Lona u Musuk mamba, aygi col gasi maygira ni hu Yesu Kristu, aygi tin huruygi ni ka kay dlara vi sa warnaɗi.

1 PIYER 2:1

Hinigi huu ma cona ki halaŋ, u kaboyna u mbambara u ŋgiziɗta u ɦay ɦayra cora halaŋ.

1 PIYER 2:22

Nam li co kaɗi, sa hum boy ma kaboy ka funum faɗ taa dewɗi.

WIRA ŊGAYRA 14:5

Suu asina ni suu bay kaboyna ŋgul ka egesiɗi lay.