Boy Ma Ayra Ma JAŊ Ɓiirimma 1:29 - Boy Lonana

²⁹ Faɗta vinda wanni, Jaŋ wi Yesu mbay egemu, nam di ana, «Gola ni Goo Timiina vi Lona ma daɓ cora vi suuna kina.

Boy Ma Ayra Ma JAŊ Ɓiirimma 1:29 ပူးပေါင်းရင်းမြစ်များ

KALKIRA 28:38

Ndaɗ hin li ni vok Aaron kay a nam mba dla mayra li ay cora eg tlesuu teteɗna, tlesuu suu Israelna ɦasi a li ɓivunnana, lor ndaɗta mba li njunni vogom tew tew kay ana ɓivun masina li jivi ii Yawe.

EZAYI 53:10

Yawe min a las saam ma sunda nam hin iiri mamba ki kayra vi suu daŋŋara. Nam hin wi njaf suuna ha fokosiya, fokosiya. Buu mam ma hu duliyara hin ɦuɗ foko, minda vi Yawera hin li kiyo.

EZAYI 53:11

Iiri mamba las cocoo, kay ndaɗta nam hin furi su olo, nam hin wi ki ana nam las kini ɦawaa. Nammi saan ma sun ma gasina, nam yow dla cora vi suu daŋŋa ki bolowo, kay ndaɗta nam ka ziirisi dlaasira.

EZAYI 53:7

Nam hin tam asi lasamu, mal vunum ka a di boyɗi, ko goo timii ma asi vam tuɗum hu li ma ŋgaɗta na, ni ko timii ma asi vam a cawam tlimiɗim kina na. Vunum dugiya di va ka dewɗi.

Magaara Vi Sa Jok Vun Lona OZE 14:2

Hoŋ ay eg Yawe, Lookŋa, ndak, Israel, kay ana ni dla cookka gak kaŋga ni ndaɗu.

DLAŊ LEVIRA 10:17

«Agi kom ɦu ma ɓivunna hu Li ma Teteɗnaɗi ni kay mege? Kay ana nammi tliw ma teteɗna. Yawe ɦagi tliw namma ni a bulum cora vi suuna kira, kay a agi li dlara ɓivunna kayam fok Yawe a mbus cora vi suunara kira.

ZAKARI 13:1

Hu buu namma ni mbona hin ɓaɗ hu ziŋ Davidna, suu Yerusalemma a fi kumuna kay sulukŋa u dla cora.

NDUMBA 18:1

Yawe di Aaron ana, «Aŋu, goryoŋu u gorseŋŋa, agi ni suu may suu a hin hoŋ dira kay cora li hu Ziŋ Lonara, agi daɓaɗ ki ni agiya, na may cora li koŋ hu sunda li ɓivunnara, aŋ u goryoŋ daɓaɗ ndaɗta ni agi doy hol.

NDUMBA 18:23

Goryoŋ Levina li sunda hu Mbutluɓ ma Tokkana ni asi doy hol. Lini asi li dla co hu liisi ma sunda wa ni, coosi ndaɗta ni kay yasira eŋga. Gaɗ ndaɗta irigi ni a gaɗta din dinda, ka jokgi, suu vi Levina halaŋ fi joo ka duk suu Israelnaɗi.

NDUMBA 21:9

Moiz yoo guy kawina gaɓam ki kolo fun guna. Hu li ma guy eɗ sa ay wa ni, sa namma gol guy kawi ma gaɓi kolona na ni suɗ ki ni na gaw.

NDUMBA 7:27

bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,

NDUMBA 7:39

bolo mbutlna dew, gamlana dew, goo timii ma basaɗam dewna dew a li ɓivun ma ŋgalam kina may,

MATIYE 1:21

Ndaɗ hin vuɗ goona, aŋ tinim sem ana Yesu, kayme nam hin suɗ suu mamsina ki hu coosira.»

MATIYE 20:28

Gola. Goŋ Sanna mba ka ana suuna lam sunu naɗi. Nam mba ni a lasi sunda masi naɗow. Nam warak u iiri mamba a buɗ suuna ki bolow cocoo.»

Boy Ma Ayra Ma JAŊ Ɓiirimma 1:35

Faɗta vinda wanni Jaŋ ay hu li namma olo u suu haɗi mamma mba'.

Boy Ma Ayra Ma JAŊ Ɓiirimma 1:36

Nam wi Yesu jak tuɗta na ni, Jaŋ di ana, «Gola ni Goo Timiina vi Lona.»

Boy Ma Ayra Ma JAŊ Ɓiirimma 1:43

Vin ɗaŋi, Yesu a tuɗ Galilera wanni, nam fi Filip, dam ana, «Tuɗ ay unu.»

Boy Ma Ayra Ma JAŊ Ɓiirimma 2:1

Ŋgoo dagan buuna mba' suuna toka, sana a li ɗumba hu zina Kana hu mbassa Galilera. Su Yesu mbay hu may.

Boy Ma Ayra Ma JAŊ Ɓiirimma 3:16

Lona min suuna cocoo, nam ɦasi Gorom ma dewna, a gegelay ma tin hurum kamma ba kiɗi, fi iirira bay daɓa.

Boy Ma Ayra Ma JAŊ Ɓiirimma 4:42

Asi di cara ana, «Cecemi ami tin hurumi kay Yesu ni ka u boy ma ndak damma dewɗi, kayme ami hum u hum tamira may, ami wi ana nam gasi ni Sa Suɗta vi suuna halaŋ.»

Boy Ma Ayra Ma JAŊ Ɓiirimma 6:51

An ni fu ma iiri ma col ay kolo huulona, sa ma ti fu nammana, kak iiri ni a fafatɗa. Fu ma an hin ɦammana ni tliw tanu, tliw tan ma an ɦagina a tirana ni ana suuna kak iiriya.»

SUNDA 8:32

Boy ma nam ndumum hu Boy ma Ɓiiri namma wanni namu, «Nammi ko goo timii ma sana tuɗum hu li ma ŋgaɗta na, nammi ko goo timii ma malamma cawam belesem ma tamma kira na, nam mal vunum ka kiɗi.

1 KORINTNA 15:3

An haɗagi ni dlara ŋgolla an faɗ ayra, ana Kristu miɗ ni kay cooygira, ko magaara di ki jewra na.

2 KORINTNA 5:21

Kristu coomba kaɗi Lona mbuɗum ki sa ma li dlara cora kay cooygira kay aygi mbuɗ ki suu ɗegeena fokom nam Lona.

GALATENA 1:4

Kristu ɦal tam ki u min mamba kay a suɗuygi ki hu cooygira, a buɗuygi ki hu duliyara co wanda, u minda vi Lona ma buygina.

GALATENA 3:13

Kristu mbuɗ ki sa ma baayna balamaya, nam buɗuygi ki ko gaɗta, magaara di ana sa ma ki ɓali kolo hu gu garakŋa ni sa ma ki baayna.

1 TIMOTE 2:6

Nam sa ma ɦal tam ki kay warakŋa a buɗ suuna ki halaŋŋa, ni dlara di ki kay li ma nam ŋgaamma ana nam min suuna bel bel mba fi suɗta.

TITTA 2:14

Nam ɦal tam ki ni kaygiya, a buɗuygi ki hu cora a suu mam suu pasiyakŋa mam nam dew a ay mba li ki feɗ tew tew kay li sunda jiviya.

HEBRENA 1:3

Nam weleɗ kiɗikka ŋgolla vi Lonara, nam tli tammi u Lona tamba gasi, tlena coli hu liisi ni u saɓakŋa vi boy mamma. Hu li ma nam mbus cora vi suuna ki pasiyak mbusni, nam i kolo huulona kaki hu bik ko Lona ma njufna ma saɓakŋa kom belna.

HEBRENA 2:17

Ni kay ndaɗta nam mbuɗ tam ki ko gorsemma na kay a mbuɗ ki mul ŋgol ma li ɓivunna ma jivi ɗegee fok Lonna. Kay cora vi suuna mba daɓ kiyo.

HEBRENA 9:28

Kristu ɦal tam a ɓivunna sem dew ni na may, kay yow cora vi suuna ki bolowo. Nam hin hoŋ tak tam a mbara ni ka kay yow cora oloɗi, ni kay a suɗ suu ka juɓumma.

1 PIYER 1:19

Nam buɗugi ay ki ni u ɓivun ma dlam ŋgolna vi Kristu, nam ay ni ko goo timii ma bay cora bay ŋgulla egemma na.

1 PIYER 2:24

Kristu u tamba yow cooygira ki kam kolo hu gu ma garakŋa, kay ana ay miɗiygi ki hu cora, lak iiri ɗegee may. Mbil mamma nam famma agi suɗ kini umu.

1 PIYER 3:18

Ni kay ndaɗta Kristu miɗ sem dew kay cora vi suuna halaŋ, jivi ndaɗta ha ni na din din. Nam li co kaɗi miɗni kay suu cona kay a tuɗugi eg Lona, suuna cam ki ni tliwim ma sa warna, Musuk Lonara colom ay ki kolo iiri duk suu miɗina.

1 JAŊ 2:2

Kay me Yesu ni sa ma ɦal tam ki ana cooygira daɓ kiyo na ka co maygi aygira doy holɗi, ni cora vi suu warna halaŋ.

1 JAŊ 3:5

Agi wi ana Yesu Kristu mba wa ni a yow cora vi suu warnara kiyo, lini namu ni co ka hurumbi.

1 JAŊ 4:10

Lon tak min mamba ki ni ko ndaɗta na, aygi min Lona ay jewni ka aygi na ɗowɗi. Lona miniygi ay jewni namu nam sun goromma ay ana nam bulumuygi cooygira ki u ɓivun mamma.

WIRA ŊGAYRA 1:5

U minda vi Yesu Kristu sa ma ɗegee ma di kina, goo ma vuɗ jewna, sa ma col ay ki kolo iiri hu miɗna jewna, mulna vi muli suu kay ndaŋgarana lay. Nam miniygiya, buɗuygi ay ki hu cora u miɗ mamma.

WIRA ŊGAYRA 12:11

Gorseygina su kay dragoŋ u jivira vi busu Goo Timiina, u jivira vi boy ma asi damma, asi vi kasi a ɦal iiri masira kiyo miɗ kiyo.

WIRA ŊGAYRA 13:8

Suu kay ndaŋgara halaŋ lay cenemmi namu, ni suu ay u gijaŋŋa vi ndaŋgara day sesi ay ka ɓiiri hu magaara vi iiriraɗina, ni magaara vi Goo Timii ma cam kina.

WIRA ŊGAYRA 14:1

Ŋgoo dagan an gol irin na ni wi Goo Timiina coli kay ɦinira Siyon, suuna moli egem bup bup kis duk dok fiɗi yam fiɗi, ni suu sem u sem bum ɓiiri vokosina.

WIRA ŊGAYRA 14:10

nam hin ci sum yara vi Lona ma nam voom hu kop yarana. Suu li ko ndaɗta nana hin guruɗ duk kura ŋgolla ŋgal cocora, fok suu sunda huulona fok Goo Timiina.

WIRA ŊGAYRA 14:4

Suu asina taɓ tasi ka u boyogi a mbuɗ ki njenjeɗi, ni suu gol u tasi teteɗna, asi tuɗ kay ce Goo Timiina hu li ma nam tuɗ huna halaŋ. Suu asina gususi ay ki duk suuna ni asi mba li maŋ Lona u suu fok jewna maŋ Goo Timiina may.

WIRA ŊGAYRA 15:3

Asi gi soolla vi Moiz sa ma sun Lona u soolla vi Goo Timiina ana. «Bu Suuna, Lona ma Saɓakŋa Kom Belna, sun maŋga ni ta ŋgolla, ta dlaɗ su ki kay suunara mul ŋgolna vi njaf suuna dlaaŋga aŋ ŋgaaɗta ni ɗegee, gasi lay.

WIRA ŊGAYRA 17:14

Asi hin duu Goo Timiina nam hin su kasiya, kay nammi Bu Suuna vi Bu Suuna, mulna vi mulina, nam hin su kasi u suu mamsina, ni suu mam suu ɗegee suu yasi ay manasi kina.»

WIRA ŊGAYRA 19:7

Furiyugiya laygi ayra, ɦam ŋgolla, kay li ma vogodona vi Goo Timiina ndak wa, caamba min taɗ ki wa.

WIRA ŊGAYRA 19:9

Sa sunda huulona dan ana ɓiira, furira ka kay suu yasi ay hu luu ma vogodona vi Goo Timiina, nam hin dan hu olo ana, Boy namma ni boy ma gasina vi Lonna.

WIRA ŊGAYRA 21:14

U gulumunna gii ni kay ɦinira doogo yam mba'. Ҥini ndaɗta sem suu vovoɗta vi Goo Timiina ka ɓiiri kayam doogo yam mba'.

WIRA ŊGAYRA 21:27

Va ma njenje ka hin kal hu ɦoŋzi nammaɗi. Sa ma hin tam a li dlara njenjera ka hin kal huɗi lay, sa ma ka boyna ka kalɗi lay. Cuk hu ni suu sesi ɓiiri hu magaarana doy hol, ni magaara vi Goo Timiinara.

WIRA ŊGAYRA 21:9

Sa sunda huulona duk suu kiɗisiyana, suu u kopma kosi kiɗisiya ma oy u tuguɗira kiɗisiyara daɓ daganna mba dan ana, «Mbaya, an min takaŋ cara vi Goo Timiinara.»

WIRA ŊGAYRA 5:6

An wi Goo Timiina dew coli kolo duk dlamba mulla, tlesuu iiri suu fiɗina u suu ŋgolona ki ŋguy kamu. Nam gol ko ay ki jew miɗi na. Mekem kiɗisiya irim kiɗisiya lay, asi kiɗisiya ni Musuk Lonara sunusi ay ki kaŋga kay ndaŋgara halaŋ.

WIRA ŊGAYRA 5:8

Nam vi magaara vini, tlesuu iiri suu fiɗina, u suu ŋgolo suu dok mba' yam fiɗina mba goɓ kaŋga fok Goo Timiina. Dukusi ni gegelay ni u diŋ mamma komu, u tassa ma lorra oy u mbul ma his fayatna, tle asina ni cenda vi suu vina vi Lona.

WIRA ŊGAYRA 6:1

An wi Goo Timiina haw vun tampoŋŋa dew duk suu kiɗisiyana kiyo, an hum della dew duk tlesuu iiri suu fiɗina di ay eŋga ko lona a bayra na ana, «Mbaya.»

WIRA ŊGAYRA 6:16

Asi di ɦinira ana, «Bow ay kamiya ŋgayami ki ii sa ma kaki kay dlamba mulla. Ha ki na day eg yara vi Goo Timiina.

WIRA ŊGAYRA 7:14

An hoŋom dira ana, «Aŋ wasi ni aŋgi su, Bu Suuna manna.» Nam dan ɗaŋŋi ana, «Ni suu cuk ay ki hu lassa ŋgolona. Asi mbus baraw masira ŋgolla kiyo, ndaɗ mbus ki haɓpa ni u busuna vi Goo Timiina.

WIRA ŊGAYRA 7:17

Kay Goo Timii ma ka kaki duk dlamba mulla ka golosi ni namu, nam tuɗusi hu lii yo ma law iirira, Lona hin vaasi simi ma irisina ki halaŋ.»