JEREMI 9:23 - Boy Lonana

²³ Lini sa min a ŋga tamu ni nam ŋga tammi u dlara wanda, ko nam li yal coco a wanda, an, Yawe, ma taɓ suuna eg tasina, ma jivina u ma ɗegeena kay ndaŋgara. Gasi dla ndaɗta ni hurun vaɗu, Yawe di na.

JEREMI 9:23 ပူးပေါင်းရင်းမြစ်များ

JOB 32:13

Ka dagi ana, «Ami wi dlara wa, Lona dew ndak a su kammi namu ka sa warɗi.»

JOB 41:15

Tliwim ki cili eg tam eŋ cocoo. Nam ki coɓi eŋga na ki ki ka ŋgenɗi.

SOOLLA 33:5

Nam minni gasira u ɓak ma ɗegeena, yam ndaŋgara halaŋ ki oy u ɗegee Yawera.

SOOLLA 34:3

Hurun furi kay Yawe cocoo, suu hoŋ yasi gana furiya hu li ma an ka gi soolla.

SOOLLA 44:9

Hu buuna tew tew ami gi soolla ŋga Lona, ami ka geleɗeŋ seŋ tew tew.

SOOLLA 62:10

Na daŋ may suu warna ni semeɗna ɦawaa, asi suu ŋgolona takŋi kaboyna. Lini sa a ŋgaasi nekesiya ni, asi ki ni fet ko semeɗna na.

VUN ŊGOLNA 11:4

Hu buu ma yara vi Lonara ni begera ka li vaɗi, may ɗegeera hin buɗ sana ki fun maɗna.

VUN ŊGOLNA 21:30

Yal ma vi sa warnana, neemba u mbeleŋ mamma halaŋ ka ndak a col fok Yaweɗi.

VUN ŊGOLNA 3:5

Hum u Yawe u huruŋ halaŋ. Col kay neeŋ taŋgara ɦawaɗi.

DI BOLLA 2:19

Lini nam sa ma wi dla kala ma giniŋ kala ni, sa ka wiɗi. Nam hin mbuɗ ni malaŋ sunda an laɗ wandara halaŋ. Sunda an laɗ u yal man ma ga kay ndaŋgara u faɗta tanina. Halaŋ ca ni ŋga tara ɦawaa.

DI BOLLA 9:11

An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.

EZAYI 10:8

Nam ɓii tam ana, «Suu ŋgolo man suu duuna kay tasi ni a mulina layɗi su?

EZAYI 20:5

Suu li tin saa masira kay Etiyopi u Egipte dewna hin mbuɗ ki ndaana cocoo, ni suu may suu li fi njunda ay ko suu Egiptena cocona.»

EZAYI 47:10

Aŋ tin saa maŋga kay tlesuu aŋ lasina, di ana, «Sa ma wan kaɗi.» Aŋ ŋga taaŋ mayra ana aŋ wi cocora u haɗ maŋga tuɗuŋ ki ni hu li ma aŋ ba kina. Aŋ di ana, «Anni an dew sa ma ko an na kaɗi.»

EZAYI 5:21

Hahawra, asi koɗ tasi ni ana asi ni suu neeyna. Asi wi tasi ni ana asi yal cocoo.

JEREMI 31:34

Asi hin ka haɗ tasi u banayasina oloɗi, duk tasira wayaraɗi lay, ka hoŋoɗ ndumba ana, «Halagi yal ma wi Yawena», kay ana asi hin wan ki halaŋ halaŋ, kem gorira u suu ŋgolona. Yawe di na. An bulumusi dla coosira kiyo, suluk masina, an hin ka ɓak kasi oloɗi.

JEREMI 48:14

Agi min a di ana, «Ami ni suu saɓakŋa, suu duu suu sunusi ki kay duunana.»

JEREMI 48:7

Ni kay ana ndak hin tak ki ni kay saɓak makŋa u bege makka, asi tlak wa. Kemok tuɗ ki mbaɓura wa. Muli mam suu li ɓivunna u suu muli mamsina halaŋ lay.

JEREMI 49:4

Ni kay me ndak ŋga tak kay liik ma duk ɦoŋ ɦinirana nanige? Liik ma duk ɦoŋ ɦinira namma jivi cocoo, goora ndak viɗ ki wa. Ndak mayra hin tak kay bege makka sasak di ana, «Sa hin mba duurunna ni gegera?»

EZEKIYEL 29:9

Mbassa Egiptera hin mbuɗ ki ni ŋgoo bagira. Suuna hin wi ki ana anni Yawe kay nam di ana mbo lum ma Nilna ni manna, an lammi anu.

EZEKIYEL 7:19

Asi cuk gursu masira ki hu voɗta cuk lor masira ki lay. Ndaɗ mbuɗ ki njenjee. Gursu masira u lor masira ka ndak a suɗusi ki ko yara vi Yaweraɗi lay. Hayasi ka hoɓ oloɗi lay. Hurusi ki ni hamaliya kay lorra u gursura ni tlesuu mbaarasi cora kasina.

DANYEL 3:15

Na ni cecem wanda agi tagi mini su? Hu li ma cecem wanna li ni agi humugi del tokolomma, del diffa, del diŋŋa, diŋ ma ŋgolna, dadarina u cakiyawra, u tlesuu bu suu zeɗ zeɗna wa ni agi a cuk vok givigi kaŋga a goɓ mbuu doonora an miniɗta su? Lini agi ka a goɓoɗɗi ni, hu li namma gaw ni hin cukugi ki hu zulla kura ŋgik ŋgikka. Lo ma hin buɗugi ki konna ni maanage?»

MISE 6:8

Aŋ sana, asi haɗaŋ tlesuu jivina wa, tlesuu Yawe min ana aŋ lasiyana. Va daŋ kaɗi, ni humba gasira, minda ɗegeera may, tuɗta aŋ tuɗ hu voɗta vi Lona u voɗoɗta may.

SOFONI 1:18

Gursu masira ɗowba bege masira ka ndak a buɗusi ki hu buu ma yara vi Yawenaɗi, ko yomus ma nam lam u kuranaɗi, yam ndaŋgara hin ŋgal kiyo, kay nam hin a bulum lina kiyo, dla ndaɗta hin ti tara cocoo, eg suu kay ndaŋgarana halaŋ halaŋ.

MARK 10:24

Suu haɗi mamsina lak na jim kay boy namma, Yesu dasi olo ana, «Goryonu, a kal hu Mul Lonara ni loɓ ɦay.

ROMMA 1:22

Asi di kay tasi ana asi ni suu wira ni asi ni laɓaa.

1 KORINTNA 1:31

Ko magaara dira na, «Sa ma ŋga tamma ŋga tammi u tlesuu Bu Suuna lasina.»

GA 8ATAMBARA 8:17

Agi mba ŋga tagi ana, «Ami ɦiz ki ni u saɓak tamiya naɗi.»

FILIPINA 3:10

Va ma an saaramma ni kay a wi Kristu, u saɓakŋa vi paɗ mamba kolora, a taɓ hu wihaw mamba, mbuɗ ki ko nam na may hu miɗ mamma.

FILIPINA 3:8

Cecemi an gol tle asina halaŋ ko tlesuu ba kina na, kay wira wi Yesu Kristu Bu Suuna manna, ndaɗta ni mayra ŋgolla, kam nammi an vi dla mayra ba tle asina kira kanu, an gol tle asina halaŋŋ ko tlesuu tokosi kina ɦawa na kay an a fi Kristu.

1 TIMOTE 6:10

Minda vi gursura ni sari dlara vi njaf cora halaŋ, suu ɦiw ni ŋgiziɗ hurusi na, asi viɗ tasi ki day eg vira, asi oy hurusi u yoora ŋgolo.

1 SAMUEL 17:42

Sa ma Filistinna gol irimu, hu li ma nam wi David na ni nam panam ana ni gogoo ma goona, ma irim ki saɗina, ma irim jivina.