JEREMI 9:19 - Boy Lonana

¹⁹ Boyogina humugi boy ma vi Lonana haa. Ko humugi hum boy ma funumma haa. Haɗagi soolla maŋ gorɓii magisina, yootara maŋ ndarayagina.

JEREMI 9:19 ပူးပေါင်းရင်းမြစ်များ

EZAYI 32:9

Boyogi suu haw va ka cagiɗina, yowogi koloo, humun ki vunun haa. Gorɓii suu ka yoo haw vaɗina tin humugi ha hum boy ma an min a damma.

JEREMI 15:1

Yawe dan ana, lini gi Moiz u Samuel col fokon lay, an hin ka mbuɗ hurun kay suu asinaɗi. Dikisi ki fokonu, asi tuɗ kiyo.

JEREMI 2:14

Israel ni mbaɓura su? Ndaɗ vuɗ ni hu mbaɓura su? Ndaɗ mbuɗ ki va komba ni kay mege?

JEREMI 4:13

Ko ndal ɗugulla na asi col kolo duuna, pupus mamma soo ko ndal semeɗna na, kulumi mamsina jaŋ ko ndal ɓarawna piira na. Aygi ki hahawi. Asi caygi ki wa.

JEREMI 4:20

Asi yi kolo ana, «Dla cora u dla cora.» Gasi, mbassa halaŋ ki ɓeŋiya. Gol irinu ni, liimina u suu mansina ki ɓeŋi lay. Kak na njokŋi mbutluɓ manna lay.

JEREMI 7:15

An hin dikigi ha ki egen na day, ko ndal an dik gorsegina ki egenda na, njaf suu vi Efrayimma na may.

JEREMI 7:19

Na ni gasi co ndaɗta asi laɗ ni egen su, Yawe di na. Na ni co ndaɗta ka ni egesi tasiraɗi su? Asi hin mbuɗ ki zolona.

JEREMI 7:29

Ŋgaɗagi tlimiɗ yagira ɓivunna, cukuɗ kiyo, gagi soolla hahawra hu voɗta kay ana Yawe noy njaf suu loɓom tam ki cocona kiyo.

YOORA 4:15

Gol taŋ jiviya, sa cona suuna yasi ay kolo na. Gologi tagi jiviya, gologi tagi jiviya, tinigi kogi egesiɗi. Asi liŋa, asi talalla, na may njaf suuna jok tasi ana, Aygi ka ndak a vasi varaygi a koyogina oloɗi.

YOORA 5:2

Joomina mbuɗ ki maŋ koyogina wa, zigini mamisina mbuɗ ki maŋ suu ami ka wasiɗina wa.

EZEKIYEL 27:2

«Goŋ sanna, humun vunun haa, gi soolla kay a tii ɦoŋzi ma Tirna.

DLAŊ LEVIRA 18:25

Mbassa halaŋ mbuɗ ki njenjera, an gaɗasi ni kay dla ndaɗta asi laɗ cora. Mbassa noy suu cuki huruɗna ki wa.

DLAŊ LEVIRA 18:28

Na ni mbas ndaɗta ka noyogi ki oloɗi, kay ana agi mbuɗuɗ ki njenjeraɗi, ko ndaɗ noy suu ki fokogi jewna kira naɗi.

DLAŊ LEVIRA 20:22

«Vangi vun gaɗ manda jiviya, lagi ni dlara an miniɗta. Ni kay ana ndaŋgara an min tuɗugi hura ka noyogi kiɗi.

MISE 2:10

Cologi kolo, tuɗugiya, ka ni li ma koɗ tara tuɗi. U cookka, ndak hal dlara ɓeŋ lina, may ɓeŋga ŋgolla hin mba kaku.

MISE 2:4

Hu buu namma asi hin njaɗ boy ma cona, asi hin gi soolla yoora, dlara ki liya. Asi hin di ana, «Ami halaŋ halaŋ ki ɓeŋiya. Asi ɦal tlesuu vi suu mansinana ki maŋ suu hiŋŋa. Dla ndaɗta li ni ana me asi tlanna ki konni ge? Asi ɓorowomi sene mamina ki maŋ suu ci suuna.»

GA 8ATAMBARA 28:29

Faali ŋgolla lay ni agi daɓ hu voɗta ni ko suu dugina na, ka fi voɗtaɗi lay, sunda agi laɗta ni agi ka fi va huɗi lay. Suu babali magisina hin lasagi ni hu buuna halaŋ, asi vagi balna, sa ma njun kagi kaɗi lay.