JEREMI 7:24 - Boy Lonana

²⁴ Na may asi hum kaɗi, na lay asi tin humusi kaɗi. Asi li ni dlara u min masirara kay yasira eŋga. Asi hin dlara ɦan hurusira tani ɦanni ŋgorosi na ɗow.

JEREMI 7:24 ပူးပေါင်းရင်းမြစ်များ

NEHEMI 9:29

Aŋ neesi ana asi hoŋ ay eg gaɗ maŋga lay ni. Asi u yasira eŋga li ni dlaasira, ka hum u gaɗ maŋgaɗi. Asi li sulukŋa eg gaɗ maŋga, sana ndak a li uɗ hin kak iirira. Asi yow jiirisiki kolo na heeŋ, so delesi ki may, ka min humbi.

SOOLLA 81:13

an dikisi ki u hurusi ma sooyna, asi li dlara asi min a laɗta.

JEREMI 13:10

Suu may suu co suu ka min a humun boy mannaɗina, tuɗ fok u su vunna, liŋ ki u loogi suu daŋŋa a goɓosira. Asi mbuɗ ki cora ko gandi namma ka jivi oloɗira na.

JEREMI 13:11

Ko ndaɗta na asi njunusi gandina u furusiya, ni ko an njun suu Israelna halaŋ, suu Yudana halaŋ ki u furundana, Yawe di na, a asi mbuɗ ki suu mansina, sen ma geleɗta, sem ma saɓakŋa, dla jiv tara, na may asi min ka hum va dewɗi.»

JEREMI 15:6

Ndak noyon ki ni ndaku. Yawe di na. Ndak ɦan ŋgorok wa, an tli kon kolo kak a cak ki ni na may. An ɦuɗ buuna fok ŋgol cocoo.

JEREMI 16:12

Agi may ɗaŋŋi lagi dla cora ni suu somoyogiya, dukugi ni gegelay tuɗ irimmi fok u yamba eŋga, ka humunɗi.

JEREMI 17:23

Asi may ni hum kaɗi, tin humusi kaɗi lay. Asi so delesi ki eŋga ka min a humbi lay, ka vi u gaɗtaɗi lay.

JEREMI 17:9

Va ma ganyamba su belna ni saara sa ka ndak a gaɗ iriɗɗira. Sa hin waɗ uɗna ni gege?

JEREMI 18:10

May ɗaŋŋi lini asi hin dlara humun delenda tani lini dla co mayra an ka miniɗɗira ni, an hin ka lasi jivi mayra an gin a lasira egesiraɗi.»

JEREMI 18:12

Na may asi hin di ana, «Ҥawaa, boy kaɗi. Ami hin tuɗ irimi ni foko, gegelay hin tuɗ irim fokŋi u yam eŋ mamba.»

JEREMI 2:27

Asi di guna ana, «Aŋŋi bumiya.» Di gogoyra ana, «Ndakŋi cara vuɗumira.» Gasi daŋ may asi ɦan zagaɗasi wa, ɦan hurusi kaɗi. Na may hu li ma asi mbuɗ hahawrana, asi dan ana, «Col kolo, suɗumi kiyo.»

JEREMI 22:21

An ɓak u aŋŋi hu li ma dla ka kaŋ tuɗi na, aŋ hoŋon dira ana, «Aŋ ka min a humbi.» Ni dlara aŋ laɗ ay u goo taŋ dayra, aŋ humun delen ay kaɗi a fafaɗta.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 3:13

Na may ndak wi cookka. Ni eg Yawe, Lookŋa, ndak mbuɗ yara. Ndak nja kok ki u tuɗta cora kay cee suu daŋŋa u ŋgusu ma ɗufina lay. Agi humun delen kaɗi. Yawe di na.

JEREMI 3:17

Hu li namma ni asi hin yi Yerusalem ana, «Dlamba mulla vi Yawera.» Njaf suuna halaŋ hin hoŋ irisi ay kaɗu kay sem Yawena ma ɦam ki maŋ Yerusalemma. Asi hin ka su vunna u yasira eŋga kal ki na nderaɗi.

JEREMI 32:23

Asi tuɗ hu mbas ndaɗta hin kak huruɗu. Na may asi humuŋ deleŋ kaɗi lay, gaɗ maŋga lay. Asi tuɗ ka uɗɗi. Asi min ka a li dlara aŋ dasi ana asi laɗuraɗi halaŋ. Ni kay ndaɗta aŋ mbaasi dla cora ay kasi halaŋŋi na.

JEREMI 32:33

Asi ɦan zagaɗasiya, ka ɦan hurusiɗi, an haɗasi na tew tew lay ni asi ka humunɗi, ka van haɗ manda kasiɗi lay.

JEREMI 35:15

An sunugi suu man suu sunda suu jokon vununna ha egegi tew tew lay asi dagi ana agi homogi kiyo, gegelay kay tuɗ mamba cora, gasi mbuɗugi dlaagira lira ki zeɗ liŋigi kay cee loogi suu ɦawana a goɓosiɗi, agi hin kakagi ni kay ndaŋgara an ɦagira ki magilay, maŋ somoyogi layra. Na may ni agi tinigi humugi kaɗi lay, humungi kaɗi lay.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

JEREMI 7:26

Na may asi humun kaɗi. Asi tin humusi kaɗi, asi so yasi kiyo. Asi ki suluk su somoyosiya.

JEREMI 8:5

Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

JEREMI 9:14

Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, an hin ɦasi beɗeera kasiya, ɦasi yo ma ci suuna asi camu.

EZEKIYEL 20:13

Na may suu Israelna hin mbuɗ ki yara u an ay ki ŋgoo bagi hu fulla. Asi ka tuɗ u gaɗ mandaɗi. Asi hinin neenda sana a kak iiri uɗta kiyo. Asi ɓalak Buu ma vi Lonna kiyo. An ɓak tan ana, an kuluɓ yaanda kasi ŋgoo bagi hu fulla daɓasi kiyo.

EZEKIYEL 20:16

Kay asi li ka u neendaɗi, asi tuɗ ka ko gaɗ manda dira naɗi. Asi mbuɗ Buu ma vi Lonna ki lalassa, hurusi ki tini ni kay fuli masisina.

EZEKIYEL 20:21

Na may asi gorra hin mbuɗ yara u anu. Asi ka tuɗ u gaɗ mandaɗi, asi ka li u neendaɗi lay, ka saa kaɗɗi lay. Sa kak iirina ni sa ma li u neendana. Asi mbuɗ Buu ma vi Lonna ki lalasi. An ɓak tan ana, an kuluɓ yaanda kasiya, an min takasi yaanda ki ŋgoo bagi hu fulla.

EZEKIYEL 20:8

Na may asi hin hoŋ li yara u an na ɗow, ka min a humun vununɗi. Sa min ka a cuk fuli mam suu ay kom asina kiɗi. Asi hin fuli vi suu Egiptena ka kiɗi. An hin di ana an mba kuluɓ yaanda kasiya. An hin takasi yaanda ay ki ni hu mbassa Egiptera gaw.

DANYEL 9:6

Ami hum vun suu sun maŋsina suu jokoŋ vunuŋ kina kaɗi, suu ɓak boyna u seŋ maŋ muli mamisinana, maŋ goryoŋ muli mamisinana, maŋ somoyomiya, maŋ suu kay yam mbassana halaŋ.

Magaara Vi Sa Jok Vun Lona OZE 10:6

Goo mbutl namma lay asi hin tlam tuɗum ha ki Asiri, ɦam ki a ɓivunna maŋ mul ma ŋgolna. Efrayim hin fi ni dlara zolona. Israel hin tii taɗ kay cora ndaɗ laɗ ndaɗta.

Magaara Vi Sa Jok Vun Lona OZE 4:16

Gasi, Israel yaɗ ay jew eŋ daŋ may, ko ndal mbutla ka min a sa tlaɗ va kaɗɗira na. Cecem wan daŋga Yawe hin cukusi kay haɗna ko ndal gor timigiina na.

MISE 6:16

Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.

ZAKARI 7:11

Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.

GA 8ATAMBARA 29:19

Sa namma ni Yawe ka bulumum coomba kiɗi. Yara vi Yawera tokŋi kay sa namma na ɗow. Givun ma ɓiiri hu maga ndaɗtana tokŋi kam halaŋ halaŋ. Yawe hin bulumum sem ki duk suu kay ndaŋgarana.