JEREMI 7:20 - Boy Lonana

²⁰ Na ɗaŋŋi Bu Suuna Yawe ɓak anaba, yaanda hin li hu li namma kay suu warna u mburina lay, kay ŋgusugi suu duk buburana u vuɗ tlesuu kay ndaŋgarana, ni kura hin ka tew kiɗira.

JEREMI 7:20 ပူးပေါင်းရင်းမြစ်များ

2 MULINA 22:17

Kay ana asi noyon kiyo. Asi ŋgal mbitla his jivira ni maŋ loogi suu daŋŋa. Asi ɓalakan hurun ki u sun masira asi laɗ u bik kosira. Yaanda tli kura eg li nammawa, ndaɗ ka tew oloɗi.

EZAYI 10:17

Lo ma vi suu Israelna ni kura, Lona ni kiɗikka vi suu Israelna, nammi sin kura ŋgalla, ni Lo ma teteɗna. Nam hin ŋgal gu ma siina kiyo, u meera lay ŋgalasi ki ni hu buu ma dewna.

EZAYI 42:25

Kay ndaɗta nam vo yaamba kay suu Israelna, cukusi suu duuna kasiya, asi ŋgufusi kura ay ki kasi halaŋŋi asi ka wiɗi lay. Ku ndaɗta ŋgalasi ni asi ka caa yasi huɗi lay.

EZAYI 66:24

Asi cuk ay ki kiɗik wa ni wi ni maɗ suu babali mansina sak sak. Njuful masina ka miɗɗi. Kura ŋgalasira ka tewɗi lay. Maɗ masina hin tuɗ ta suu warna halaŋ halaŋ.

JEREMI 11:16

«Gu conora humuɗ warra tew tewra, jivira u vuɗuɗ ma jivi cocona,» sek ma Yawe tinikŋa kakŋa ni na. Duk vun ma ŋgol cocona, nam ŋgalaɗ humuɗ ki u kura. Asi kusuɗ gogor koɗ kiyo.

JEREMI 12:4

Ndaŋgara hin yoo taɗ ni buuna ta ta gage, usu ma bagina hin so ki ni saɓa mayge? Mburi suu bagina miɗ ki ni kay cora vi suu maɗsinara. Asi suu di ana, «Nam ka wami voɗomiɗi.»

JEREMI 14:16

Suu asi ɓakasi dla ndaɗta nana hin cuk ki kaŋga keŋ voɗta Yerusalemba ko baktara u ŋgewra. Sa hin ka tososi maɗasiɗi lay. Asiya, boyogosiya, goryosi suu njufiina u gorɓiina ko ndaɗta na an hin cukusi coosira kasiya.»

JEREMI 17:27

Lini agi humungi ka kay buu ma vi Lonna ŋgaɓam ki duk ndarayammanaɗi, ka saa kay tlira tli nekka hu buu nammaraɗi lay, kay kalla kal hu vun grek ma Yerusalemma hu buu ma vi Lonnaɗi lay ni, an hin ŋgal kura vun grek namma ndaɗ hin ŋgal zigini suu jivi suu Yerusalemma ki lay, hin ka tew kiɗi lay.

JEREMI 17:4

Aŋ hin hoŋ mbassa kiyo. Aŋ u dew taŋga hin col ha ki eg jo ma an ɦaŋŋana na day. An hin cukuŋ suu maŋ suu babalira kaŋu. Suu asina mbay ni hu mbassa aŋ ka waɗɗira, kay ana agi cukungi ku yaanda kagi wa, ndaɗ ka ŋgal na gak gak.

JEREMI 18:23

Yawe aŋ wasi saa masira maŋira egenda. Aŋ bulumusi dla coosira ci maɗna kiɗi, hin a coosira bulum taɗ ki fokoŋgi. Ko asi casi ki kaŋga fokoŋgi liiŋ ma yara mba wa ni aŋ lasiya.

JEREMI 21:12

Suu vi Davidna, Yawe ɓak anaba, kaɓak ma ɗegeena maɗii hu buuna tew tew, buɗugi suu suu saɓakŋa lasasina kiyo. Li ka naɗi ni yaanda hin mba kagi ko ndal kura na. Ndaɗ hin ŋgal lina, sa ka ndak a caɗ kiɗi, ko dlaasira cora asi laɗta.

JEREMI 42:18

Gasi Yawe, ma Saɓakŋa Kom Belna, Lona vi Israel, ɓak anaba, ko yaanda li eg suu Yerusalemma na ni, yaanda hin li egegi hu li ma agi hin tew ha ki Egiptena ni na may. Agi hin mbuɗ ki zolona. Suuna hin li dla cora ni u segi na tew tew. Agi hin ka fagi li namma oloɗi.

JEREMI 44:6

Na ɗaŋŋi yaanda mba kasiya. Kura ko wanda na. Ndaɗ ŋgal ɦoŋzi ma Yudana u voɗta Yerusalemba kiyo. Asi mbuɗ ki ni didiŋga hu jonara, li ma hahawra. Ni dlara ka cecem wanda daŋ may.

JEREMI 6:11

«An ki u yara vi Yawera hurun oy cocoo. An ka ndak a ɦeɓeɗ duk oloɗi.» Hin ya ndaɗta li kemba hu ɦoŋzina, kay gorzoŋŋi suu irisi kaay ko tasina. Njufiina u boyogina yowosi ki wa, sa maana u sa buu mamma ki ŋgol cocona.

JEREMI 6:12

Ziisina ɦam ki maŋ suu hiŋŋa, sene masina u boyogosi lay. An maɗ kon ha kay suu hu mbassana wa. Yawe di na.

JEREMI 8:13

An hurun ki tinira a daɓasi ki cira. Yawe di na. Gugutlura ka vuɗ oloɗi, tulumma ka vuɗ oloɗi, humum yak kiyo. An ɦasi ki maŋ suu hin tli voɗta ay kasina.

YOORA 4:11

Yawe tew ki fun yaamba wa, nam mba yaamba ŋgolla ay wa. Nam gi kura hu Siyon bowoɗ zigini maɗsina kiyo.

EZEKIYEL 22:22

Ko ndal suuna yoo doonona ga fun zul caffara na. An hin yoorogi ki hu Yerusalemmi na may. Ni agi hin wi ki ana an Yawe gi yaanda ay kagi ni an daŋ may.»

EZEKIYEL 7:12

Lina ndak wa. Buuna hin tok. Sa ma gus tlena kina furi oloɗi. Sa ma gus ayna yoo tam ki may, kay ana yara vi Lonara ɓeŋ begera hu mbassara ki ni halaŋ.

EZEKIYEL 7:14

Asi hin bu tokolomma. Suuna hin min tasiya. Na may sa ma tuɗ ki a duu kaɗi lay. Kay ana yaanda ɓalak begera hu mbassara ki ni halaŋ.

DANYEL 9:11

Israel halaŋ calaɗ kay gaɗta, mbuɗ irisi kiyo humuŋ deleŋ kaɗi. Na ɗaŋŋi, dla cora ɓiiri hu magaara gaɗta vi Moiz, sa sunda vi Lonana, ndi kamiya, kay ana ami li cora egeŋu.

DLAŊ LEVIRA 26:28

an hin mbuɗ hurun yara egegi may. An hin kaagi ɓakŋa kagi sen kiɗisiya co sura jewra olo, kay dla coogira.

NAHUM 1:6

Sa ma hin fi saɓakŋa a col fokomma ni gege? Sa ma hin col fokom a duu u nam hu li ma nam ki mbuɗi yarana ni gege? Yaamba sulul ni ko ku zinana, gogoyra loɗ ha ki fokom lay.

SOFONI 1:2

An hin bulum tlesuu kay ndaŋgarana ki halaŋ halaŋ, Yawe di na.

SOFONI 1:3

Yawe di ana, An hin bulum suu warna u mbuurina kiyo, laygina u kuluf ma duk mbo lum ma ŋgolona kiyo, tlege suu daɓ semma u suu cona lay, an hin bulum suu warna ki kay ndaŋgara.

ZAKARI 7:12

Hurusi mbuɗ ki hurusi diɓilikka ko kawina na a hum haɗta u boy ma Yawe, ma Saɓakŋa Kom Belna, ɓakasina u musuk mamba ay fun suu basi suu jok vun Lonana. Yawe, ma Saɓakŋa Kom Belna, hurum mbuɗ ki yara cocoo.

MATIYE 3:12

Kaalam mamba feɗ wa blena ka komu, vaa ma neeyna, cukum hu veena, barra nam hin ŋgalaɗ ki duk kura ka miɗɗira.»

WIRA ŊGAYRA 14:10

nam hin ci sum yara vi Lona ma nam voom hu kop yarana. Suu li ko ndaɗta nana hin guruɗ duk kura ŋgolla ŋgal cocora, fok suu sunda huulona fok Goo Timiina.