JEREMI 6:26 - Boy Lonana

²⁶ Agi suu mansina, cukugi baraw bolla egegiya. Bulumugi tagi kaŋga duk buɗna. Ko ndal maɗ goo ma dewna na lagi doona, yoorogi tagiya. Kay ana kak njokŋi sa ci suuna hin mba kaygiya.

JEREMI 6:26 ပူးပေါင်းရင်းမြစ်များ

URA TIN AYRA 21:16

Ndaɗ tuɗ kak ha ki na day, pereɗ iriɗ ay eg goona na, duk ɦoŋosi ki ko ndal sana mun mbuura, ndaɗ tuɗ ndi hura na ga. Ndaɗ di ana, «An ka wi maɗ goronna u irinɗi,» ndaɗ gijaŋ tiira.

JOB 15:21

Asi ka hummi bayra lasi tasi ndaana sak sak. Hu li ma heɓpa ka lay ni suu ɓalak lina tuɗ dukusi gak gak lay.

JOB 2:8

Job kak kaŋga duk buɗna, yow kommi doyogina, vek tammi u asiya.

EZAYI 22:12

Hu buu namma Bu Suuna Yawe, ma Saɓakŋa Kom Belna, yagi ana agi tiira, yoo tagiya. Kaa yagi kiyo, njun baraw ma doona hurugiya.

EZAYI 22:4

Cemi ni an di ana ɦuɗugi ha ki egen na day, hinin an tii cocoo, loɓogi tagi a seŋendaɗi, an tii ni kay ɓalakka vi goora vi suu mansinara.

EZAYI 3:24

Mbul ma hisna hin mbuɗ hisni tlesuu buuyna, gandina hin mbuɗ ni zewna. Yamba gira hin kaa ni godlokka. Hin baraw ma jivina ki tani hin cukŋi baraw bolna. Jivira hin ki tani asi mbuɗ ki coo.

EZAYI 30:13

Co ndaɗta hin kagi ni ko ndal maragasira vek zulla duk gulumunna, ndaɗ gi seeɗ huwa, wak kiyo, kak na njokŋi gulumunna bow ki ga kirim gaw.

EZAYI 32:11

Agi suu ka saa kay vaɗina lagi ndaana. Agi suu ɦizina dlakagi ndaana ɗow, fokogi baraw magina kiyo, njunugi doona hurugiya.

JEREMI 12:12

Hu voɗta hu fullara halaŋ suu ci suuna mbay huruɗu. Ŋgew ma vi Yawena ay ii ko hiŋŋa ta ta tew ko ndaŋgara wanda. Heɓpa ka kay sa dew oloɗi.

JEREMI 13:17

Lini agi ka humbi ni, an hin mbuɗ tan ki hahawra hu liinna, kay ana dla ndaɗta ndakan wa, irin hin tii simina, tiira, mbus ki u simina, yoori suu vi Yawena tuɗ ki ni hu daŋgayna.

JEREMI 14:17

Aŋ hin ɓakasi boy namma, irin ka tii simina njeŋge lay, faali lay, ka soɗi. Dla cora ɓeŋen go tama manda, suu mansina ki wa, ni waɗta ci maɗna.

JEREMI 15:8

An hinisi boyogina ki varasi donora bolow coco ko ndal ŋgetlna fun lummana na. An mbaasi suu ci suuna ay kasi faali nduh nduh kay su goozoŋ ma duuna, sa wi kaɗi lay, an mbaaɗ dlara ndaana ay kaɗ viɗiɗ ki ni na gaw.

JEREMI 18:22

Ko suuna hum tii ma hahawra varasiya hu li ma aŋ hin mbaasi dla cora ay kasi gawna, kay ana asi ŋguyun ki u dawna a vanda. Asi ɗaaran bayra kaŋga u senu.

JEREMI 30:5

Yawe ɓak anaba, aygi hum tii ma hahawra. Ni dlara ndaana. Va jivi ka oloɗi.

JEREMI 4:11

Hu li namma ni asi hin di suuna, di Yerusalem ana, semeɗ ma kura keŋ keŋŋa ay ka hu fulla voɗ a mbay kay suu mansina, ka siirisi kiɗi, ka torosi kiɗi.

JEREMI 4:20

Asi yi kolo ana, «Dla cora u dla cora.» Gasi, mbassa halaŋ ki ɓeŋiya. Gol irinu ni, liimina u suu mansina ki ɓeŋi lay. Kak na njokŋi mbutluɓ manna lay.

JEREMI 4:8

Kay boy namma wanni cukugi baraw bolla egegiya. Yoorogi tagiya. Gagi soolla hahawra. Ҥawaa, yara vi Yawe ka jak ki kaygiɗi.

JEREMI 6:14

Asi li jivi toŋgo zak a doo kay dla cora vi suu mannara di ana, «Dlara ka jiviya, dlara ka jiviya.» Doli wanna va ka li dewɗi.

JEREMI 8:19

Asi hum yira ndaana suu mansina yaɗ ay hu ndaŋgara dayra. Yawe ay ka hu Siyonɗi su? Mul mamma ay ka huɗi su? «Ni kay me asi lan dla cora egen u fuli masisina nige, u dla mayra bay uɗta col ay hu lii daŋŋarage?»

JEREMI 8:21

Kay dla cora suu mansina laɗta an ki ciya. An ki mbuɗi zolona, hahawra van wa.

JEREMI 9:1

Li ni li ma buu ka gin kan hu fulla duk suu tuɗ koyra ni, an hin suu mansina ki huwa. Asi halaŋŋi suu li zoŋga, suu dlasi cona.

JEREMI 9:10

An mbuɗ Yerusalem ki a gogoyra moli kay taɗta, li ma bayakka moli huna, ɦoŋzi ma Yudana ki li ma hahawra. Suu huna casi kiyo.

YOORA 1:16

An tii ni kay boy namma. Irin simina u dlaɗ jak kay ana sa heɓen hurunna ha ki egen day. Sa hin ɦan saɓakŋana. Gola goryon ki ciya kay sa babalira ni ma saɓak cocona.

YOORA 1:2

Ndaɗ tiira, tii duk njeŋgera. Simina kiriŋiɗ na buɗuɗ duk banayaɗna halaŋ lay ni, sa heɓeɗ huruɗ kaɗi. Suu banayaɗna halaŋ gaɗ uɗ kiyo. Asi mbuɗ ki suu babali maɗsina.

YOORA 2:11

Irin cim ki ko simina wa. Hurun haɗ hurun cocoo. Saɓakan ɦoɗ ki wa. Nam ki gii kaŋga duk ndaŋgara. Suu man suu jivi asina ki ciiya. Hu li ma goryosi suu fun ponana ka daw hu li ma hu ɦoŋzinana.

YOORA 3:16

Nam ɦeɓen an muɗ jeremma u siinu. Nam toson ki kaŋga duk buɗna.

YOORA 3:48

An tii u simina ni kay suu man suu jivina asi casi ki wa.

YOORA 4:10

Boyogi suu hurusi haɗ kay goryosina, zal goryosi ki u tasira. Asi mbuɗ ki irisi ni ko ndal jujugumma na, kay suu man suu jivina casi ki wa.

YOORA 4:3

Bayakka lay ni ɦal pona maŋ goryoɗ lay, ɦasi tlesuu tira lay. Suu man suu jivina hin mbuɗ ki suu ci maɗna ko ndal ergetta hu fullara na ni nanage?

YOORA 4:6

Dla cora vi suu man suu jivinara, ŋgolla ni sura vi Sodomba. Ndaɗ bulum ki kaŋga ni na gaw bay sa tin kom egeɗ lay.

AMOS 8:10

An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.

JONAS 3:6

Boy namma tew mul ma Ninivena. Nam fok baraw mam ma mulla kiyo, cuk tammi baraw bolna, kak ki kaŋga duk buɗna.

ZAKARI 12:10

An hin njay ŋgus mayra saara jivira u giyamba kaŋgara kay ziŋ Davidna u suu Yerusalemma. Na ɗaŋŋi asi hin golonu sa asi cokomma. Asi hin tiirim matam ko ndal goo ma dewna na. Asi hin tii kam ko suuna tii kay goo ma vuɗ jewna na.

Boy Ma Ayra Ma LUK Ɓiirimma 7:12

Asi tew ha del kaana may ni, suuna ŋgafasi ay u sa miɗina kasi a pamba. Goo namma ni goŋ ca donora, koɗ na dew daŋ. Suu ay hu zi nammana moli egeɗ cocoo.

Magaara JAK Ɓiiriɗta 4:9

Lagi hahawra, tiirigiya, yoorogi tagiya, mbuɗugi san magira ki tiina, furi magira jok ki yoora may.

Magaara JAK Ɓiiriɗta 5:1

Humugi boy manna haa agi suu ɦizina, tiirigiya, yoorogi tagiya, kay hahaw mayra hin a mbay kagira.