JEREMI 6:23 - Boy Lonana

²³ Asi yow gu mbuurura u saɓina kosiya. Asi suluk cocoo, ka wi hahaw saɗi. Vun ma asi lamma ni ko ndal mbo lumma ŋgolna soora na. Asi fuli kolo kay kulumina, asi njaari fun tasi ko ndal suuna njaa a duuna u ndak Siyon, ta jivira na.

JEREMI 6:23 ပူးပေါင်းရင်းမြစ်များ

EZAYI 10:32

Hu buu namma gawni, asi tew ki hu Nob, asi ka yorok kosi kay ɦinira Siyonda, kay zi ma Yerusalemma may.

EZAYI 13:18

Asi ci gorzoŋina ki u mbuuru masira, asi ka saa kay gooɗi, ka wi hahaw gorkembaɗi lay.

EZAYI 17:12

Hahawra, ni yoora suuna ka yoo tasira, suu asina ka ndumbi, yoora zam ko ndal mbo lum ŋgolna a zamba na, suuna halaŋ soo vunna kolo ko mbo lumma a soora na.

EZAYI 19:4

An hin cuk suu Egiptena ga u mul ma dlam cona, mul ma saɓak cocona hin ti mulla kasiya. Bu Suuna Yawe, ma Saɓakŋa Kom Belna, di na.

JEREMI 25:32

Yawe, ma Saɓakŋa Kom Belna, ɓak anaba, Dla cora hin li ni kay suuna u deeresiya, deeresiya. Babaa ma ŋgolna hin col ay kolo kay keŋ ndaŋgara ma daɓ ayna.

JEREMI 25:9

An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.

JEREMI 30:14

Suu banayaŋŋa halaŋ maaraŋ kiyo. Humusi ka gasi kaŋ oloɗi. An caŋ poŋga ko ndal poŋ sa babalira na. Ni haɗta eŋ cocora kay maɗ ma aŋ cam bolowna kay dla cora aŋ laɗ ka seŋ dukgi layra.

JEREMI 4:13

Ko ndal ɗugulla na asi col kolo duuna, pupus mamma soo ko ndal semeɗna na, kulumi mamsina jaŋ ko ndal ɓarawna piira na. Aygi ki hahawi. Asi caygi ki wa.

JEREMI 4:16

Neegi suuna, neegi Yerusalem. Suu duuna col ay hu mbassa dayra ka mbaya. Asi ka yi ay kolo a duu u ɦoŋzi ma Yudana.

JEREMI 4:29

Humba suuna hum sem kulumi suu duuna u suu duu u mbuurura may ni, suu hu ɦoŋzina na halaŋ halaŋ ŋgay tasiya. Asi kal ki duk bubura may, ɗiŋ ki kolo kay ɦinira may. Ҥoŋzina halaŋ halaŋ asi noyom kiyo. Sa ka kaki hu na dewɗi.

JEREMI 5:16

Gu mbuuru masira ni zulla ŋgolla. Asi halaŋŋi suu duuna.

JEREMI 50:41

Suuna hin col ay ii ko ma mbayawna, suuna bolow cocoo, mulina bolow coco lay min tasi ay a duuna. Hu li ma vun ndaŋgara daɓ ay huna.

JEREMI 50:42

Asi yow gu mbuurura u saɓina ay kosiya, asi ya cocoo ka wi hahaw saɗi. Vun ma asi lamma ni ko ndal mbo lum ma ŋgolna soora na. Asi ful ay kolo kay kulumina. Asi ay njaari fun tasi ko ndal suu duuna tuɗ li yara na. Asi tuɗ duu ni u ndaku, Babilon ta jivira.

JEREMI 6:4

Ɓakagi dla duu ma vi Lonana egeɗu. Cologi koloo, gagijaŋ duuna ay ii ko ma mbayawna na ɗow. Aygi suu hahawra buuna mba kaygi wa, fiɗigira mbuɗ fiyekka.

JEREMI 8:16

Ay hu Dan day ni asi hum semeɗ ma u sem kulumi mamsinana. Bayra asi bayra ndaŋgara dlaka. Asi mbay ni a ɓeŋ ndaŋgara ki u tlesuu kaɗna, ɦoŋzina u suu hurumma.

EZEKIYEL 21:31

Bu Suuna, Yawe, di ana, tlam jum mamba tini kamba kiyo. Tlena halaŋ mbuɗ ki zeɗ zeɗ. Va ma ay ki gana hin tlam ki koloo, va ma ay kolona hin hoŋom ay ki gaa.

GA 8ATAMBARA 28:49

«Yawe hin sunugi njaf suu col ay ki na dayna ay kagiya, ay hu vun ndaŋgara do dora, pii ko ndal bakŋa a piira na, ni njaf suu agi ka humusi vun masinaɗi layna.