JEREMI 6:17 - Boy Lonana

¹⁷ An tin suuna a gologiya. Ko kaki jekjeke a hum del tokolomma. Na may ni asi di ana, «Ami ka gol tami jiviɗi.»

JEREMI 6:17 ပူးပေါင်းရင်းမြစ်များ

EZAYI 21:11

Gola ni dlara daɗ kay Dumara, asi yan ay kolo kay ɦinira Seirra, «Sa ma juɓ u lina, njeŋgera hin li ni ana mege? Sa ma juɓpa, njeŋgera hin li ni ana mege?»

EZAYI 56:10

Suu ŋgolo suu fok suu Israelna ni suu dugina, asi ka wi yal dla na ndeɗi, asi ni digini suu ndumuna. Asi ka wi yal buraɗi lay, asi buuri ni na doyra dasiya.

EZAYI 58:1

Bu Suuna di ana, Oo uŋ koloo, sawalla loɓbi, ko ndal tokolomma bura na, tli deleŋ koloo. Dla cora suu mansina laɗta dasira ha kiyo. Di goryoŋ Yakobma ha ki kay suluk masina.

EZAYI 62:6

Aŋ zi ma Yerusalemma, an hin kak sa ma juɓuŋ uŋŋa kay yam gulumuna, sa namma juɓmi faali lay, njeŋge lay, ka koɗ tambi. Agi suu humugi gagi kay boy ma vi Yawena, nam di ana, koɗ tara kaɗi.

JEREMI 18:12

Na may asi hin di ana, «Ҥawaa, boy kaɗi. Ami hin tuɗ irimi ni foko, gegelay hin tuɗ irim fokŋi u yam eŋ mamba.»

JEREMI 25:4

Yawe sunugi suu mam suu jokom vunumma ki egegi halaŋ, asi ɓakagi ta ta lay agi hum kaɗi. Agi tin humugi ka a humbi.

JEREMI 6:18

Na ɗaŋŋi agi suuna humugi haa, agi suu molina wagi dlara hin li kagira.

JEREMI 7:28

Aŋ dasi ɗaŋ, gologiya, suu ka hum vun Yawe, Loosinaɗina, ka li u gaɗ mambaɗina, gasira viɗ ki wa, ndaɗ bulum ki funusi wa.

JEREMI 8:5

Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

EZEKIYEL 3:7

Suu Israelna ka hin humuŋgi, kay asi ka min a hum unɗira. Kay suu Israelna halaŋŋi yasi eŋ cocoo, hurusi sooy ɦay lay.

Magaara Vi Sa Jok Vun Lona OZE 8:1

Bu tokolomma. Ko ndal ɓarawna na dla cora ka tuɗ ha kay zi ma vi Yawena, kay ana asi calaɗ ki kay vi vun manna wa, mbuɗ yara egen kay gaɗ manda.

HABAKUK 2:1

An hin kak jivi hu liin ma golla, an hin col kolo kay gulumunna. An hin saa dlara nam hin daɗ egenda, va ma an hin hoŋ dira a gi humba kay ɗegeera.

ZAKARI 1:4

Lagi dlaŋ somoyogiraɗi, asi suu jok vun Lona ay jewna dasi ana, Yawe, ma Saɓakŋa Kom Belna, di ana, hoŋogi ay ɗaŋ, hinigi voɗ magira cora u dlagira cora kiyo, may asi hum kaɗi, tin saarasi ka kanɗi lay, Yawe di na.

ZAKARI 7:11

Na may asi tin humusi ka kay boy nammaɗi. Asi yow pel bikisi koloo, ŋgel humusi ki ka hum boy nammaɗi.

HEBRENA 13:17

Humugi u suu fokogina, hoŋ yagi kaŋga usiya, kay asi ka saa kay ŋgus magira tew tew, lini agi hum usiya ni asi ka joɓ Lona kagiya. Asi hin li sun masira ni u furira may, li ka naɗi ni asi li sun masira ni u yoora, ni agi ka fi va huɗi may.