JEREMI 6:14 - Boy Lonana

¹⁴ Asi li jivi toŋgo zak a doo kay dla cora vi suu mannara di ana, «Dlara ka jiviya, dlara ka jiviya.» Doli wanna va ka li dewɗi.

JEREMI 6:14 ပူးပေါင်းရင်းမြစ်များ

2 SAMUEL 17:3

Ko ndaɗta na ni, an hin hoŋ suuna ay egeŋ halaŋ. A vi sa ma aŋ halamma ni jivira suuna hoŋ ay halaŋga. Suuna halaŋ hin kak u heɓpa.»

EZAYI 1:6

Col ha ga kay semma ta ta tuɗ kolo kay yamba ni va ma jivi kaɗi, dagka, mbilna, u mbilna cuɗ loora. Sa ka mbus mbil nammaɗi lay, ka njunumbi lay, ka a do mbul ii mbilna a ɗerɗem irimbi lay.

EZAYI 30:10

Asi di suu wi dlara ha fokka ana, «Wakiraɗi.» Maŋ suu jok vun Lona ana, «Agi jokomi dlara ɗegeeraɗi, dami ni dlara irimi jivira, dami ni dlara mbaɗ ii suuna.

EZAYI 30:26

Kiɗikka vi tilnara hin mbuɗ ni ko kiɗik faɗtara na. Kiɗik faɗta hin mbuɗ seɗ na kiɗisiya sura jewra, ko ndal kiɗikka li buuna kiɗisiyara na. Hu li ma Yawe njun mbil suu mamsinana, tin tlena ii mbil ma asi famma.

JEREMI 14:13

An dam ana, «Aa, Bu Suuna Yawe na may suu jok vun Lona dasi ana, ŋgewra hin ka cagiɗi. Baktara hin ka mba kagiɗi. An hin ɦagi jivira ka daɓbira hu li namma.»

JEREMI 14:17

Aŋ hin ɓakasi boy namma, irin ka tii simina njeŋge lay, faali lay, ka soɗi. Dla cora ɓeŋen go tama manda, suu mansina ki wa, ni waɗta ci maɗna.

JEREMI 23:17

Asi min a di suu ka min boy ma vi Yawenaɗina ana, «Dlara hin li kagi agi jiviya.» Sa ma min a tuɗ fok u yamba eŋgana, «Dla cora hin ka mba kagiɗi.»

JEREMI 28:3

Tew basara mba ni an hin hoŋ tlesuu sun suu hu zira vi Yawera suu mul ma Babilonna yowosi tuɗusi ha ki Babilonna ay ki hu li namma.

JEREMI 4:10

An di ana, «Ҥii, aŋ, Bu Suuna Yawe, ɓeŋ suu asina ki ŋgol gasi daŋ may. Aŋ di suu Yerusalemma ana asi hin fi heɓpa.» May ŋgewra ka caygi kiyo.

JEREMI 5:12

Asi tin vunusi kay Yawe di ana, «Nam ka iiriɗi. Dla cora ka mba kaygiɗi. Ŋgewra hin ka caygiɗi lay. Mayra hin ka caygiɗi lay.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

EZEKIYEL 13:10

«Asi viɗin suu mansina ki ana heɓpa mba wa, doliɗi ni heɓpa kaɗi may. Asi hoo ta gulumunna kiyo, gulumun ma suu mansina minim kasina.

EZEKIYEL 13:16

Suu jok vun Lona suu di dlara kay zi ma Yerusalemma ka oloɗi lay, suu may suu di ana heɓpa kaa na, doliɗi ni heɓpa kaɗi may. Di ni Bu Suuna, Yawe.

EZEKIYEL 13:22

Agi ka viɗ suu ɗegeena ki u boy ma kaboyna, suu an min ka a lasi dla co egesiɗi na. Kay agi so u suu cona ha hu dlasira cora ka min a asi hoŋ ay hin poy masira cora ki lak iiriyaraɗi lay.

EZEKIYEL 14:9

«Ɗowba lini sa ma jok vun Lona ganyam tam a di dla mayra ka u voɗoɗira, ni an Yawe hinim li ko ndaɗta na. Sa ma jok vun Lona namma an hin lammi u tanda. An hin paɗam ki duk suu man suu Israelna.

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

1 TESALONIKŊA 5:3

Hu li ma suuna mbuɗ di ana heɓpa kaa, ya ka oloɗina ni, buu ma ɓalakka hin mba kasina, ni ko ndal cara huruɗ taɗ a vuɗta na li ma asi suɗ ki hurum kaɗi.

2 PIYER 2:1

Buu ma dew ni suu haɗ haɗta cora mba duk suuna, suu haɗ haɗta co ndaɗta hin mba dukugi na may. Asi hin mba tin gaɗta cora ɓeŋ suuna kira, sa ma suɗusi kina asi hin noyom kiyo, asi cuk tasi hu bara ba kira zak ni kay tasiya.