JEREMI 6:13 - Boy Lonana

¹³ Asi halaŋ, kemba u suu ŋgolona gegelay hal ni li ma nam fi huna. Asi halaŋ, suu jok vun Lona u muli suu li ɓivunna tuɗ masira ki coo.

JEREMI 6:13 ပူးပေါင်းရင်းမြစ်များ

EZAYI 28:7

Muli suu li ɓivunna u suu jok vun Lona viɗ ki u sum ma cira ni na lay. Asi daw kolo ni ka wi li ma asi tuɗ hunaɗi. Sum ma cira viɗisi ki wa, asi mbuɗ ki ni mborɓi summana. Wiisira ha fokka viɗ ki irisi lay. Hu li ma asi a di dlara ni ka di jivi oloɗi daɓ sesi wa.

EZAYI 57:17

An mbuɗ egesi yara ni kay dla coosira asi laɗta, an casi ni kay ndaɗta, asi may ni yasi hu voɗ masira co ndaɗta na gak gak.

JEREMI 14:18

Lini an tuɗ hu senena lay, an fi suu casi ki u ŋgewrana. Lini an tuɗ ni ɦoŋzina lay, an fi suu mayra casi kina lay. Suu jok vun Lona u muli suu li ɓivunna ŋguy hu mbassa lay ka wi u boy kosiɗi.

JEREMI 17:11

Ceke mayra buu kay se ma ndaɗ gam kaɗi layna, ni sa ma ci suuna ki bay dlara kosina, tew hu buu mamma dukka gayra may ni bege mamba hin ka li kom oloɗi. Nam hin hoŋ ki dagani, mbuɗ sa bay vana komma.

JEREMI 2:26

Ko ndal sa kulna viɗ ki hu li ma vam a li dlarana na, suu Israelna ki viɗiya. Asiya, muli masisina, suu ŋgolo masisina, muli masi suu li ɓivunna u suu masi suu jok vun Lona lay.

JEREMI 2:29

Agi li ɓakŋa u anni kay mege? Agi halaŋ halaŋ mbuɗugi yara u anu, Yawe di na.

JEREMI 2:8

Muli suu li ɓivunna ka di ana, Yawe ni arageɗi? Suu ka u saɓak ma vi Lonana kosina ka wanɗi. Suu taa suuna mbuɗ yara u anu. Suu jok vun Lona ɓak ki ni u sem Baal. Asi liŋŋi u suu sunusi kaɗina.

JEREMI 22:17

Iriŋ u saaraŋ tinira ni kay li ma aŋ a fi tlena huna, a vo busu sa ma li va kaɗina ki kaŋga lay. Li dlara eg suuna u saɓakŋa bay saara lay.

JEREMI 23:10

Hu mbassa suuna halaŋ mbuɗ ki suu li zoŋga, mbassa ka yoo taɗu kay dla cora oy ki huruɗu. Kaa ma ŋguy kadna hawaɗ ki wa. Asi ɓaɗ tasi kay a li dla cora, tasi tli feɗta kay dlara bay uɗta.

JEREMI 23:11

Suu jok vun Lona u muli suu li ɓivunna ki njenjee, ta ta hu ziinda lay. An fasi coosira kiyo. Di na ni Yawe.

JEREMI 27:15

An sunusi ay ka anɗi. Yawe di na. Boy ma asi ɓakagina u senna ki ni coo. Na ɗaŋŋi an hin njayagi ki may, cagi ki may. Agi u suu jok vun Lona suu dagi boy nammana.

JEREMI 32:32

Ni kay dla cora suu Israelna u suu Yudana laɗta. Asi ɓeŋen hurun kiyo. Asi lay, muli masisina lay, suu masi suu ŋgolona lay, muli suu li ɓivunna lay, suu masi suu jok vun Lona lay, suu vi Yudana, suu Yerusalemma lay.

JEREMI 42:1

Na ɗaŋŋi suu ŋgolo suu fok suu duunana halaŋ, Yohanan, ma goŋ Kareana, may, Azariya, ma goŋ Hosayana, u suuna halaŋ, kemba u suu ŋgolona ɦuɗ tasi ay

JEREMI 5:31

Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 8:10

Na ɗaŋ an ɦasi boyogosi ki maŋ suu daŋŋa. Sene masina an hin ɦam ki maŋ suu yowom kina. Kay ana kemba u suu ŋgolona halaŋ min saɓakŋi begera, suu jok vun Lona u muli suu li ɓivunna halaŋ tuɗ masira ki coo.

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.

EZEKIYEL 22:12

Huruŋ olo ni suu daŋŋa vi warakŋa a tuɗ ci maɗna. Suu daŋŋa ka joɓ balna ko ndaryasina u mbona. Asi yow tlena ko ndarayasi suu vok zina u saɓkŋa. Asi ka ɦeɓesi kay a fi mbo ma bay umma. Humuŋ maa ki kan gaw may. Di ni Bu Suuna Yawe.

EZEKIYEL 33:31

Suuna hin tok ay cocoo. Asi hin mba mol fokoŋu. Asi lak fokoŋ a hum dlara aŋ hin dasirara. Na may asi ka ndak a li uɗɗi. Boy maŋŋa kal humusi jivi cocoo, may hurusi ki tinira ni kay ɦizza.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

MISE 3:5

Yawe di suu jokom vunumma, suu viɗim suu mamma kina ana, «Na ni asi ndak a fi heɓpa hu li ma siisi ka hal suuna a eɗta may su? Sa ma ka tinisi va funusiɗina asi li yara teteɗta u namu.

Boy Ma Ayra Ma LUK Ɓiirimma 16:14

Suu Farisenna hum boy namma ki halaŋ ɗaŋi, gijaŋ pan Yesu kay asi min gursura.

1 TIMOTE 3:3

Nam lini sa ma ɦal tam ki maŋ summaɗina, sa ma honiraɗi lay, lini sa ma ɗili lalamma, ɦal tam ki u minda vi gursuraɗi.

2 PIYER 2:1

Buu ma dew ni suu haɗ haɗta cora mba duk suuna, suu haɗ haɗta co ndaɗta hin mba dukugi na may. Asi hin mba tin gaɗta cora ɓeŋ suuna kira, sa ma suɗusi kina asi hin noyom kiyo, asi cuk tasi hu bara ba kira zak ni kay tasiya.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.