JEREMI 52:9 - Boy Lonana

⁹ Suu Kaldena vi mulna tuɗ u nam Ribla hu mbassa vi Hamat maŋ mul ma Babilonna hin dam gaɗ mamba.

JEREMI 52:9 ပူးပေါင်းရင်းမြစ်များ

JEREMI 39:5

Na may suu duu suu Kaldena ciɗisi usi ta ta vi Sedesiyas hu fulla Yerikora. Asi vam tuɗum hu Ribla hu mbassa Hamatta eg Nabukodonosor, mul ma Babilonna, nam hin dam dlara nam min a laɗta.

NDUMBA 13:21

Asi taɓa ɦinira tuɗ gol mbassa ta ta tew ay ki ŋgoo bagi hu mbassa Sinda, tuɗ Rehob ta ta hu voɗta Lebo Hamatta.

2 MULINA 25:6

Suu Kaldena vi mulna Kemmi tuɗum kolo hu Ribla eg mul ma Babilonna. Suu Babilonna kaɓakŋa kay mulna Sedesiyas ni hu li namma.

JOSUWE 13:5

Col ha hu mbassa Geballa u mbassa Libanda ii ma u maɗiinana na, col ha Baal-Gad u ɦinira Hermonda ta ta tew ay ki Lebo-Hamat.

2 DLAŊ MULINARA 33:11

Yawe cukum suu duu suu vi mul ma Asirina ay kamu. Asi mba ndugusiya, vi Manase, cukum njamara funumu, njunum u galina, tuɗum ki vo hu Babilon.

2 DLAŊ MULINARA 8:3

Salomon tuɗ ndug zi ma Hamat-Sobana tlam ki may.

2 MULINA 23:33

Faraw Neko vam ha ki daŋgayna hu Ribla hu mbassa vi Hamatta, dorom ki kay mulla. Faraw Neko tin taara kay suu Yudana, ɦul gursura nekeɗ ii kelew buɓ buɓ hindi, lorra nekeɗ ii kelew dok-hindi may.

1 MULINA 8:65

Hu li namma gaw ni, Salomon li luu ma vun mbutluɓma ki hu gaw may. Suu Israelna tok ay ni halaŋ halaŋ, col ay Lebo-Hamat ii ma mbayawna ta ta fun mbo lum ma Egiptena ii ma dalina. Asi li luuna fok Yawe, Looygina, buuna kiɗisiya, asi hin li buuna kiɗisiya olo, buuna halaŋ doogo yam fiɗi.

NDUMBA 34:11

Col ha Sefam ii hakara tuɗ ga hu Ribla na hin kal u maɗiina vi mbassa Ainda na. Ndaɗ hin jak gak tuɗ tew ay keŋ lumma Genesaretna

JEREMI 21:7

Ŋgoo dagan wanni, Yawe di ana, an hin ci Sedesiyas, mul ma Yudana, ki u suu mam suu sunda u suu hin bay miɗ ki ko tuguɗi bora hu ɦoŋzi nammana ki u ŋgewna, baktarra lay. An hin ɦasi ki ko mul ma Babilonna, ko suu babali masisina lay, ki ko suu min a casi kina lay. Asi hin casi ki bay saara, bay wasi hahawasi lay, bay oora hurusi lay.»

YOORA 4:20

Semeɗ ma sel ay ki cinimina, sa suɗta vi Yawe, hinimi ki mbaɓura hu li ma asi maaram kina, ma aygi di kam ana, Aygi hin kak iirira duk njaf suuna ni u saɓak mammana.

EZEKIYEL 11:10

Suu duuna hin cagiya, an hin kaagi ɓakŋa kagi ni hu mbassa vi suu Israelnara ni gaw. Agi hin wi ki ana anni Yawe.

EZEKIYEL 23:24

Asi hin mbay duu u ndaku, col ay ni mbayaw na ɗow. Suu duuna mbay cocoo u kulumi suu pupusna, u mbarina may u jum ŋgalla ki kuluɓi kasi may. Asi hin mba ŋguyuku. An hin takasi dlaakka ki fokosi halaŋ halaŋ. An ɦasi voɗta asi kaak ɓakŋa kak u yal masina.