JEREMI 52:6 - Boy Lonana

⁶ Hu til ma fiɗina hu buu ma tleeŋena, hu li ma mayra ka ci hu ɦoŋzina mayna, suu begera kosina ka fi tina oloɗi lay.

JEREMI 52:6 ပူးပေါင်းရင်းမြစ်များ

2 MULINA 25:3

May ŋgolla ndi hu ɦoŋzina cocoo. Va ma ti ka oloɗi tew hu til ma fiɗina buuna dleeŋe.

EZAYI 3:1

Na daŋ may, Bu Suuna Yawe, ma Saɓakŋa Kom Belna, yow njun mamba njun u Yuda u Yerusalemba kiyo. Ni njunda zeɗ zeɗ halaŋ, funa u yona lay nam ka ɦasisina oloɗi.

JEREMI 15:2

Lini asi joɓoŋ anaba, «Ami tuɗ ni arage?» Ni aŋ hoŋosi dira anaba, «Yawe ɓak ana, Maŋ maɗna, sa ki maŋ maɗna na. Maŋ ŋgewra, sa ki maŋ ŋgewra na. Maŋ mayra, sa ki maŋ mayra na. Maŋ mbaɓura, sa ki maŋ mbaɓura na.»

JEREMI 19:9

An hin ɦasi tliw goryosi suu njufiina u gorɓiina asi komom lay. Asi hin kom tasi lay, ki hahaw coco lay. Suu babali masisina suu min a casi kina, hin tinisi dlara nekka kasiya.»

JEREMI 21:9

Sa ma hin kak hu ɦoŋzi nammana hin cam ki u ŋgewna, baktarra u tuguɗi bora. Sa ma hin kal ay ki ŋgaf suu Kalde suu casi kina hin kak iiriya. Nam hin furi kay ana iiri mamba suɗ ki wa.

JEREMI 25:10

An hin mbuɗusi asi ka yi u della furiraɗi, gi soolla furiraɗi lay ko ndal suu li ɗumba naɗi, ko ndal suuna luɗ kay ɦinira ii ku pindillara naɗi.

JEREMI 37:21

Na daŋŋi mulna Sedesiyas ɦal voɗta ana asi hin Jeremi ki hu taraŋga hin ɦam komnjoɗira dew dew hu buuna tew tew ay hu li ma li mappana ay huna ta ta hu li ma sa ka fi mappa hu ɦoŋzina oloɗina. Na daŋŋi Jeremi hin ki kiɗik hu taraŋga ni na gaw.

JEREMI 38:9

Nam dam ana, «Malanna mulna, dlara suu asina laɗ eg Jeremi, sa jok vun Lonara, ni coo. Asi gam kaŋga hu zulla. Nam hin miɗ ki ko mayra hu zulla, kay ana mappana ka hu ɦoŋzina oloɗi.»

JEREMI 39:2

Sedesiyas hu basadamba doogo yam dewra hu til ma fiɗina hu buu ma dleeŋena asi gi zulla kay ɦoŋzina.

YOORA 1:11

Suu maɗsina u bolowosi halaŋ yoo tasiya. Asi hal ni funa. Asi ɦal bege masira ki kay tina a mbuɗ tasi saɓakŋa. Gola Yawe, aŋ golon an mbuɗ ki cora ni nana nage?

YOORA 5:10

ɓakami yoroŋŋi ko ami gi ni duk kura na, ni ko dla co mayra lamira egemira.

EZEKIYEL 14:13

«Goŋ sanna, lini mbas taa dew li dla cora egenu ni, an hin kaɓakŋa kay mbas ndaɗta. Mbas ndaɗta ka jiv va oloɗi. Suu huna ka fi funaɗi, mayra hin ndi kasiya. An hin ci suu warna ki u yoorina lay.

EZEKIYEL 14:21

«Kay Bu Suuna, Yawe, di ana, lini an sun gaɗ manda kaɓakŋa kay mbassa fiɗi cara ha kay zi ma Yerusalemma lay, ni ana ŋgewna, may ŋgolla, vabakgi suu cona u tuguɗira cora kay a ci suu warna u yoorina kira.

EZEKIYEL 31:1

Hu basara doogo yam dewra, hu til ma hindina, hu buu ma jewna ni Boy Yawena mbay egen dan ana,

EZEKIYEL 5:16

«An hin lasagi u mayra a daɓagi kira. Mayra hin lagi ni su mburu mayra sana munugi u ndaɗta. An cagi ni u mayra, ɓalakagi tlegeyegi suu agi ŋgayasi a tirana kiyo.

EZEKIYEL 7:15

«Ha ki kiɗikŋi ŋgewna kaa. Vo hu zina ni tuguɗira u mayra ka may. Sa ma tuɗ ha ki ŋgoo fun duunana ŋgewna camu. Sa ma ka vo hu zinana mayra u tuguɗira cam ki may.

DLAŊ LEVIRA 26:26

An hin kaɗakagi tina ki kagiya, boyogina doogo yi funa kay givin ma dewna, asi ɦagi fu ma ew namma, agi tammi, ka hoɓogiɗi lay.

ZAKARI 8:19

Yawe, ma Saɓakŋa Kom Belna, ɓak ana, laara laɗ hu til ma fiɗina, hu ma vadlna, hu ma kiɗisiyana, hu ma doogonara hin mbuɗ ki hu zi ma Yudana ni buu ma furira u luuna. Na may minigi gasira u heɓpa.

GA 8ATAMBARA 32:24

Hu li ma asi maŋ ki ko mayra casira wa ni tuguɗira cora ndi kasira, ni hin sunusi vabakgi suu cona ay kasi olo, cukusi guyugi suu ci suuna ay kasi lay.