JEREMI 51:58 - Boy Lonana

⁵⁸ Na ɗaŋŋi Yawe, ma Saɓakŋa Kom Belna, ɓak anaba, gulumun ma ŋgolo ma vi Babilonna ki kaŋga tooya. Vun goŋga funumba ŋgalaɗ ki u kura. Suuna loɓ tasi ni ɦawa, njaf suuna loɓ tasi ni maŋ kura.

JEREMI 51:58 ပူးပေါင်းရင်းမြစ်များ

SOOLLA 127:1

Soolla suu tuɗ luu ma vi Lonna gaɗta, vi Salomon. Lini Yawe min zina kaɗi ni, suu min zina loɓ tasi a sunda ki ni ɦawaa. Lini Yawe ka juɓ u ɦoŋzinaɗi, suu juɓ u zina buu tasi bay senna ni ɦawaa.

EZAYI 13:2

Kolo kay ɦinira yaɗ ki ɦawara tak dlara ay ki huwa, saagi walla koloo, kisigigi kogiya, kay a suu duuna ɦuɗ tasi ay vun grekŋa vi suu ŋgolona.

EZAYI 47:13

Aŋ loɓ taŋ coco u suu ka daŋ gaɗtana, asi mbay suɗuŋ ki daŋgi su? Suu gol dlara ay huulona, suu wi dlara u ciciwra, asi mbay njun kaŋ daŋgi su? Suu di dlara u til ma day wilina tew tewna mbay daŋ.

EZAYI 65:23

Asi ka li sunda ŋgal ki egesi hawaɗi. Asi ka vuɗ gor suu ba ki hawaɗi lay, kay asi ni njaf suu vunna ki paɗi kasi suu vi Yawena, goryosi lak u asi tew tew.

JEREMI 50:15

Yagi kolo u delegira duuna ŋguyuɗ yaɗ kiyo, ndaɗ hin ndi kaŋgaa, gulumun maɗna hin to ki kaŋga lay. Zigini maɗsina hin bow ki kaŋga lay. Ni sa sugul ma vi Yawena, saagi sugulugi u ndaɗu. Agi laɗ egeɗ ni dlara ndaɗ laɗta.

JEREMI 51:30

Suu saɓak suu Babilonna min ka a duuɗi, asi hal keŋ lina ŋgay tasiya. Asi mbuɗ ki maŋira ko boyogina na. Asi ŋgalaɗ ziiɗ kiyo, vun zigini maɗsina ki tooya.

JEREMI 51:44

An li yara u Bel hu Babilon, an ɓaɗam va funum ma nam komomma kiyo. Njaf suuna hin ka tok ay kam oloɗi. Gulumun ma Babilonna lay ni bow ki kaŋgaa.

JEREMI 51:64

Aŋ hin di ana, Babilon hin bulum ki ni na, hin ka hoŋ kolo oloɗi ni kay dla cora an mbaaɗta ay kaɗta.» Boy ma vi Jeremina doɓ ki ni tani.

JEREMI 51:9

Ami hal yal ma cil mbil Babilon kina may ndaɗ ka a cilɗi. Hinigira dukugi ni gegelay hoŋ i hu mbas mamba. Boy maɗna tew ki huulona. Nam tew ki duk ɗugulla.

JEREMI 9:5

Dlara yara ha kay taɗu. Ganyamba ha kay taɗu. Asi ka min a wanɗi. Yawe di na.

YOORA 5:5

Asi ni kay duk ceremiya, ami ki lasiya. Ami ki loɓiya, koɗ tara ka kamiɗi.

HABAKUK 2:13

Boy namma col ay ka ni ko Yawe, ma Saɓakŋa Kom Belnaɗi, su? Suuna loɓ tasi ni maŋ kura, njaf suuna li cora eg tasi ni ɦawaa.