JEREMI 51:57 - Boy Lonana

⁵⁷ An guruɗuɗ suu ŋgolo maɗ suu sunda u suu maɗ suu wi yalna, komanda maɗsina u muli maɗsina u suu maɗ suu saɓakŋa kiyo. Asi hin buu ni sen ma daɓ dukgina. Asi hin ka dliɗ ki kolo oloɗi, Mul ma sem ana Yawe, ma Saɓakŋa Kom Belna, di na.

JEREMI 51:57 ပူးပေါင်းရင်းမြစ်များ

JEREMI 46:18

An ka iiriya, mul ma sem ana Yawe ma Saɓakŋa kom Belna. Ko ndal ɦinira yaɗ ana Tabora duk ɦinira na, ko ndal Karmel duk mbo lum ma ŋgolnara na an hin mbaya.

JEREMI 48:15

Sa li dla cora eg Moabma col ay duuna hu ɦoŋziiɗna wa. Gorzoŋŋi maɗ suu jivi ɦayna tuɗusi ha ki hu li ma ŋgaɗta, di boy namma ni Mul, ma sem ana Yawe, ma Saɓakŋa kom Belna.

JEREMI 25:27

Aŋ hin dasi ana, «Yawe, ma Saɓakŋa Kom Belna, Lona vi suu Israelna, ɓak anaba, Cagiya, guruɗugi tagi kiyo, vinigiya, pukugi kaŋgaa, ka cologi kolo oloɗi ko ŋgew ma an sunum ay dukugina.»

JEREMI 51:39

Asi gi tasi kura. An ka minisi tiisina aya. An hin mbuɗusi ki ko ndal suu ki gurɗi miɗina na. Asi hin buu senna ni ka dliɗ dukgi. Asi hin ka dliɗ oloɗi. Yawe di na.

WIRA ŊGAYRA 18:9

Muli suu kay ndaŋgara suu li zoŋga u ndaɗna, suu kak u furira tew tewna hin tiira hin yoo tasiya, hu li ma asi wi ndoos zi ma ŋgolna ŋgalna.

MALASI 1:14

Cora ka kay sa ɦulla, ma yoo ma njufna ka kom hu katlaŋ mamba, ɦal ɦalla ɦawara hin li ɓivunna maŋ Bu Suuna u yoo ma sunum kaɗina. Kay anni Mul ma Ŋgolna Yawe, ma Saɓakŋa Kom Belna, di na. Suuna halaŋ li ndaana ko senu.

NAHUM 1:10

Kay asi cecemmi ni hinni ko wayra tligiɗi eg taɗta na. Hu liisi ma cira asi ki gurɗiya. Kura hin ŋgalasi ki halaŋ ko mal ma ki sooy jivina na.

EZAYI 37:36

Hu njeŋge ndaɗtaa gawni, sa sunda vi Yawe kal hu kaŋ ma vi suu Asirina, ci suuna na 185,000 ni njufiina halaŋ. Maɗiira suuna yow ki koloo ni kaŋga ni maɗ suuna na sak sak.

EZAYI 6:5

An ɓak tan ana, «Hahawra ni kanu, an ba ki wa, kay anni sa war ma vunum njenjena, an kaki ni duk suu vunusi njenjena may, irin wi mulna, Yawe, ma Saɓakŋa Kom Belna.»

EZAYI 44:25

An mbuɗ dlara mbuɗ mbuɗta vi suu kaboyna ki ɦawaa, suu may suu gol ciciwra an casi kiyo. Suu wi yalna cocona an hoŋosi ki dagani. An mbuɗusi yal masina ki a dlara ɦawara.

JEREMI 13:13

aŋ hin hoŋosi dira anaba, «Yawe ɓak ana, Suu hu mbas ndaɗtana halaŋ, muli suu hu njaf Davidna suu ka kay mul mambana, muli suu li ɓivunna suu jok vun Lona u suu hu Yerusalemma halaŋ, an hin guruɗusi ki halaŋ halaŋ.

JEREMI 50:30

Gasi, hu buu namma gaw ni gorzoŋi maɗ suu duuna hin puk kaŋga hu liiɗna gaw. Suu maɗ suu duuna halaŋ vunusi hin seŋ ki kaŋgaa. Yawe di na.

EZEKIYEL 20:33

An suu tan u iiri manda. Di ni Bu Suuna, Yawe. An ti kagi u saɓakŋa u yara lay.

NAHUM 3:18

Mul ma Asirina, suu maŋ suu taa suuna buu ki senna wa. Suu maŋ suu ŋgolo suu duuna ka ɦay tasi oloɗi, suu maŋsina njay kosi ki kay ɦinira wa, sa ma tokosi eg tasi kaɗi.