JEREMI 51:53 - Boy Lonana

⁵³ Lini Babilon ɗiŋŋi kolo mbuɗ a sa ka waɗ dla cooɗta ha kolo duk ɗugullaɗi lay ni, suu li dla cora kosi hin ndak ha kolo u gaɗ manda. Yawe di na.

JEREMI 51:53 ပူးပေါင်းရင်းမြစ်များ

URA TIN AYRA 11:4

Asi di duk tasi ana, «Tuɗuygi, laygi sunda, miniygi zira fiyekka, yaɗ tuɗ do ay ki kolo huulona, ni aygi hin fi ŋgara. Ni aygi ka hin njay ki kay ndaŋgara oloɗi.»

JOB 20:6

Lini nam wul coco ko do Lona dora na lay, lini yam tuɗ tew ɗugulla lay,

EZAYI 13:17

Lona di ana an hin cuk suu Medesna kay suu Babilonna, asi ni suu ka min dlara gursuraɗina, ka caa yasi kay lorraɗi lay.

EZAYI 41:25

Sa maa ay ka mbayaw dew an manam kiyo, tin ay u maɗiina na nam ka yanni senu, nam tay mulina ki ga u sem ko suuna a hoɓ luɓuna na. Ko ndal sa ma min doyogina taɓak luɓu mamma ki u semba na.

EZAYI 47:5

Bu Suuna di ana, Babilon seŋ taŋ na yerek yerek di vaɗi, kal duk ndufun maŋga, kay aŋ ka ndaki a yaŋ malaŋ mulinaɗi a aŋ ti kasi oloɗi.

EZAYI 47:7

Aŋ ɓak taŋ ana, «An hin a ti mulla kasi ni a fafaɗta,» dlara li coco wanda aŋ saa ka huruŋ kaɗ na ndeɗi lay, saa ka ana boy li hin mbuɗ dagan kalageraɗi lay.

JEREMI 49:16

Ndak kal ki saɓaki, kay ana ndak gol tak ki ŋgolla su ndarayakŋa, mbuɗusi ki ndaana lay. Ndak mayra ka kakira hu zul gogoyrara, ɗiŋ kolo kay ɦini mayra fiyekkara. Lini ko ndal kokolora na ndak min ziik kolo kay li ma mbuyna ni, ay kolo hu li namma an hin zuɗuk ay ki kaŋgaa. Yawe di na.

JEREMI 50:21

Cologi duuna u mbassa vun mbo lum ŋgollara. Duurugi u ndaɗu u suu hu Pekodna may, cagisina, ɦangi u suu hinna aya. Yawe di na. Lagi dlara an ɦagi voɗta kaɗta halaŋ.

JEREMI 50:25

Yawe mal vun liim ma kura ki wa, yow ɓagi namma ay ki kom u hurumma haɗta. Gasi, ni sunda vi Bu Suuna Yawe ma Saɓakŋa kom Belna, hu mbassa Kaldera.

JEREMI 50:45

Humugi dlara Yawe miniɗ ay kom kay Babilonda ha olo, ɓak ma nam minim ay kom kay suu Kaldena. Gasi daŋ may gor mburina hin taɗasi kaŋgaa, gasi daŋ may nam hin bulumusi saɓakasi ki kay coosira.

JEREMI 51:11

Minigi mbuurura kogiya. Yowogi ɓagina kogi may. Yawe dliɗ saa muli suu Medina ki kolo wa, gasi dlara Yawe daɗ kay suu Babilonnara nam saa ay ki kaɗu. Nam laɗ ki wa. Nam ɓak ki ana nam a ɓeŋeɗ kiyo. Ni sa sugul ma vi Yawena, ni sa sugul ma ay kolo huulonana.

JEREMI 51:25

Ni duk ɦoŋ tay mba', ɦini mayra ɓeŋ tlena kira. Yawe di na. Ndak mayra ɓeŋ ndaŋgara ki halaŋga. An maɗ kon ha kaku, an zuɗuk ay kaŋga kay ɦinira, mbuɗuk ki ɦinira murus kura.

JEREMI 51:48

Na ɗaŋŋi huulona, ndaŋgara u tlegesuu hurusina halaŋ hin gi soolla kay Babilon. Gasi daŋ may ay ii mbayawni suu duuna hin mbay kaɗu. Yawe di na.

JEREMI 51:56

Gasi nam ka mbay kaɗu, sa li dla cora, mbay kay Babilon. Suu maɗ suu saɓakŋa casi ki wa, gu mburu masira kusuɗ ki wa. Yawe ni Lo ma wi hoŋdira, nam wi yal ma warak suuna kay dla coosira.

JEREMI 51:58

Na ɗaŋŋi Yawe, ma Saɓakŋa Kom Belna, ɓak anaba, gulumun ma ŋgolo ma vi Babilonna ki kaŋga tooya. Vun goŋga funumba ŋgalaɗ ki u kura. Suuna loɓ tasi ni ɦawa, njaf suuna loɓ tasi ni maŋ kura.

DANYEL 4:30

Hu li namma gaw ni dla ndaɗta li ki eg Nabukodonosor. Asi dikim ki duk suuna. Nam ti haɗna ko mbutlina na, tam mbus ki u mbaɗagira huulonara ta ta, tlimiɗ yam si ko tlimiɗ ɓarawna na, liviɗ kom siira ko liviɗ layagina na.

AMOS 9:2

Lini asi hal a kal ay ki duk suu miɗina lay ni, an hin vasi kaŋga u konu. Lini asi ɗiŋ kolo huulona lay, an hin hoŋosi ay ki kaŋgaa.

AMOS 9:4

Lini asi cuk tasi morɓiina fok suu babali masisina lay ni, an hin ɦal voɗta ha casi ki u ŋgewra. Irin hin li tinira kasi na ta, ka lasi dlara jivi egesiɗi may, lasi ni dla cora na ɗow.

HABAKUK 2:9

Cora ka kamu. Nam yow li ma cona kom a ziimu, a min ziim ha ki kolo na day a puruɗ tam ki ko dla cora.