JEREMI 51:47 - Boy Lonana

⁴⁷ Na ɗaŋŋi buuna hin mbaa ma an hin duu u fuli suu vi Babilonna, mbas maɗta u ŋgoloɗ halaŋ hin ka kak gasi u furiraɗi, vo varaɗ ni suu maɗ suu fi dagka a miɗ kina halaŋ hin puk ki kaŋgaa.

JEREMI 51:47 ပူးပေါင်းရင်းမြစ်များ

EZAYI 21:9

Gola ni dlara ka mbayra, sana dew ay fuli hu pus pus ma kulumina. Nam ka njaɗ boyna di ana, nam ndi ki ga wa, nam ndi ki ga wa, Babilon ndi ga wa. Tlegeyesi suu asi goɓosi ko lona nana halaŋ cuk ki ga wa, to ki lay.»

JEREMI 11:22

Na ɗaŋŋi Yawe, ma Saɓakŋa Kom Belna, ɓak anaba, «An hin kaasi ɓakŋa kasiya, gor zoŋŋi masisina hin casi ki u ŋgewina. Goryosi suu njufiina u gorɓiina hin miɗ ki ko mayra.

JEREMI 13:21

Aŋ hin di ni me ologe hu li ma suu aŋ haɗasi ki u wihaw maŋgana, suu ki vo varaŋŋa hin mbuɗ ki iriŋ cora. Gasi tiitara hin faŋu, ko ndal cara hu buu ma vuɗta na.

JEREMI 23:34

Lini sa jok vun Lona ɗowba mul ma li ɓivunna ɗowba sa duk suuna daŋ ana, «Nekka vi Yawera ni an hin li dla cora eg sa namma u suu mamsina.»

JEREMI 25:12

Na may hu li ma basara dok kiɗisiyara daɓ ki wa ni, an hin li yara u mul ma Babilonna u suu mamsina. Yawe di na. Kay ci maɗ masina, kay mbassa Kaldera. An hin mbuɗuɗ ki li ma hahawra a fafaɗta.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

JEREMI 51:18

Ni dlara ganyamba, dlara sanda, hu li ma hin a ɓak dlara kina asi hin bulum kiyo.

JEREMI 51:24

An warak Babilon u suu Kaldena halaŋ ki kay dla cora asi laɗ eg suu Siyonna ki ni irigiya. Yawe di na.

JEREMI 51:43

Ҥoŋziiɗna mbuɗ ki ni li ma ki kiɗik ma hahawra, mbassa faɗta u fulla, mbassa sa ka kak huruɗ oloɗira ta sa wara ka jak voɗta tlira huɗira.

JEREMI 51:52

Na ɗaŋŋi buuna ka mbaa, Yawe di na, ma an hin mbuɗ yara eg li ma togol fulina, hu mbas maɗta suu fi mbilna a miɗ kina hin aya.