JEREMI 51:44 - Boy Lonana

⁴⁴ An li yara u Bel hu Babilon, an ɓaɗam va funum ma nam komomma kiyo. Njaf suuna hin ka tok ay kam oloɗi. Gulumun ma Babilonna lay ni bow ki kaŋgaa.

JEREMI 51:44 ပူးပေါင်းရင်းမြစ်များ

2 DLAŊ MULINARA 36:7

Nam yow tlesuu daŋ suu li sunda hu Ziŋ Yawera, tuɗusi ha ki vo hu ziim tamba lay.

JOB 20:15

Begera nam likiɗ ki hurum cocora. Cemi nam ka viniɗ ay ki kaŋgaa. Lona hoŋ cukuɗ ay ki kaŋgaa.

EZAYI 2:2

Buu maa hin mbaa ni ɦinira hu ziŋ Yawera hin mbuɗ fiyek a su ɦinira daŋga halaŋ, ndaɗ hin kak a ŋgolla kay ɦinira daŋga bel bel. Njaf suu daŋŋa halaŋ hin taɓ ay ki uɗu.

EZAYI 21:9

Gola ni dlara ka mbayra, sana dew ay fuli hu pus pus ma kulumina. Nam ka njaɗ boyna di ana, nam ndi ki ga wa, nam ndi ki ga wa, Babilon ndi ga wa. Tlegeyesi suu asi goɓosi ko lona nana halaŋ cuk ki ga wa, to ki lay.»

EZAYI 60:5

Aŋ hin wi u iriŋu, aŋ hin furiya, huruŋ hin oy ki u furira cocoo, kay begera ay hu mbo lum ŋgolnara mbuɗ ki ni maŋu, begera vi njaf suu warnara halaŋ hin mba ki ni koŋu.

JEREMI 50:15

Yagi kolo u delegira duuna ŋguyuɗ yaɗ kiyo, ndaɗ hin ndi kaŋgaa, gulumun maɗna hin to ki kaŋga lay. Zigini maɗsina hin bow ki kaŋga lay. Ni sa sugul ma vi Yawena, saagi sugulugi u ndaɗu. Agi laɗ egeɗ ni dlara ndaɗ laɗta.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

JEREMI 51:18

Ni dlara ganyamba, dlara sanda, hu li ma hin a ɓak dlara kina asi hin bulum kiyo.

JEREMI 51:34

Nam komon ki wa, nam soɓon ki wa, Nabukodonosor, mul ma Babilonna, nam hinin ki ko ndal tassa ma hurum ki seɗina na. Ko ndal vabakŋa na nam liginu, nam hoɓ hayam ki u mbul ma duk sokonna, hin gan kiyo.

JEREMI 51:47

Na ɗaŋŋi buuna hin mbaa ma an hin duu u fuli suu vi Babilonna, mbas maɗta u ŋgoloɗ halaŋ hin ka kak gasi u furiraɗi, vo varaɗ ni suu maɗ suu fi dagka a miɗ kina halaŋ hin puk ki kaŋgaa.

JEREMI 51:53

Lini Babilon ɗiŋŋi kolo mbuɗ a sa ka waɗ dla cooɗta ha kolo duk ɗugullaɗi lay ni, suu li dla cora kosi hin ndak ha kolo u gaɗ manda. Yawe di na.

JEREMI 51:58

Na ɗaŋŋi Yawe, ma Saɓakŋa Kom Belna, ɓak anaba, gulumun ma ŋgolo ma vi Babilonna ki kaŋga tooya. Vun goŋga funumba ŋgalaɗ ki u kura. Suuna loɓ tasi ni ɦawa, njaf suuna loɓ tasi ni maŋ kura.

DANYEL 1:2

Bu Suuna ɦam Joakim, mul ma Yudana hu duk komu, tlesuu sunda hu zira vi Lona nde lay. Nam tuɗ tle asina ha ki hu mbassa Siniara, hu zira vi loogi suu ɦawana, nam hin cuk tle asina hu zira ŋgayra vi loommara.

DANYEL 3:29

An may ni an ɦal voɗta ana gegelay hu njaf suuna halaŋ, njaf suuna u vun masina, ma di boy ma cona maŋ Lo ma vi Sadrak, Mesak u Abed Nego di na, vam palawam kiyo, ziim hin mbuɗ ki didiŋga kay ana lo ma daŋ ma buɗ suu mamsina ki ko wanda na kaɗi.»

DANYEL 4:1

An Nabukodonosor ay kaki hu ziin na en, furi hu ziin lay.

DANYEL 4:22

Asi hin dikiŋ ki duk suuna, aŋ hin kakŋi ko taŋ u mbuuri suu bagina asi hin ɦaŋ haɗna ni ko mbutlina na, hin mbusuŋ ki ni u mbaɗagira huulonara, cokira hin jak ki kaŋ yaɗ kiɗisiya, ta ta aŋ hin wi ki ana Lo ma Kolo Dayna ni malaŋ mulla vi suunara, nam ɦaɗ maŋ gegelay ma nam minimma.

DANYEL 5:19

Ni u ŋgolla nam ɦambara, njaf suuna halaŋ, njafna u dee vunna halaŋ dlak u ndaana fokomu. Nam ci gegelay u min mamba, hin gegelay iiri u min mamba, nam tli yam gegelay kolo u min mamba, hoŋ yam gegelay kaŋga u min mamba.

DANYEL 5:26

A buɗuɗ uɗ kira di ni ana, Mene ni ana ndumiya, Lona ndum buu mul mamba hin daɓaɗ ki wa.