JEREMI 51:36 - Boy Lonana

³⁶ Eeh, na ɗaŋŋi, Yawe ɓak anaba, an hin tlak dlaakka konu, an hin ɦal tan a saak suguluku. An hin sooɗ mbo lum maɗ ma ŋgolna kiyo, haɗagaɗ goloŋ maɗta kiyo.

JEREMI 51:36 ပူးပေါင်းရင်းမြစ်များ

SOOLLA 107:33

Lona ndak a mbuɗ lumma ki li ma mbassa, mbuɗ li yona huna ki li ma yo hawra.

SOOLLA 140:12

Hin suu vunusi di boy cona hu mbassa oloɗi, ni suu kosi ka viɗina, u suu hurusi cona, dikisi kiyo.

VUN ŊGOLNA 22:23

Kay Yawe ka njun ay kasiya. Nam hin vi iirira vi suu lasisina kiyo.

VUN ŊGOLNA 23:11

Kay sa ma njun kasina saɓak cocoo. Nammi sa ma hin a saasi sukulusina.

EZAYI 19:5

Mbona ka li hu lum ŋgolna oloɗi, lum ma gorina hin so kiyo, sa ka wam oloɗi.

EZAYI 43:14

Ma Teteɗ ma vi suu Israelna, Yawe, sa ma suɗta di ana, Kay dlaagira an sun suu duuna ha hu Babilon. An kaasi kawi masi ma cuk suuna daŋgayna kiyo. An mbuɗusi furi masira ki yoora.

EZAYI 44:27

An aŋ di mbo ŋgolna ana, nam so kiyo, an min so mbo lum ma ŋgolna kiyo.

JEREMI 50:38

Ŋgewna, kal duk mbo maɗna nam so kiyo, ni mbassa tak foto tlena, foto tlesuu bolow asina ɓeŋesi yasi kiyo.

JEREMI 51:11

Minigi mbuurura kogiya. Yowogi ɓagina kogi may. Yawe dliɗ saa muli suu Medina ki kolo wa, gasi dlara Yawe daɗ kay suu Babilonnara nam saa ay ki kaɗu. Nam laɗ ki wa. Nam ɓak ki ana nam a ɓeŋeɗ kiyo. Ni sa sugul ma vi Yawena, ni sa sugul ma ay kolo huulonana.

JEREMI 51:6

Liŋigi ki hu Babilon gegelay ŋgay tamu. Li ka naɗi ni agi hin viɗ kiyo hu li ma ndaɗ hin warak ki kay dla cooɗtana. Yawe liim ma sa sugulna mba wa. Nam warakaɗ ni va ndaɗ minimma.

EZEKIYEL 25:14

An hin tin sa sukul manna hu Edommi u bik ko suu man suu Israelna. Asi hin li suu Edomma ni ko hurun ma ɓeŋ dasi ana asi li yara na may. Ni asi hin wan sa sukul manna. Di ni Bu Suuna, Yawe.

Magaara Vi Sa Jok Vun Lona OZE 13:15

Efrayim fi begera coco duk gorsemma may. Semeɗ ma u maɗiinana hin col aya. Semeɗ ma vi Yawena hin col ay hu fulla, mbo ma ɓaɗta hin so ki lay, gor goloŋŋiina hin so ki lay. Asi hin yow begera u tlesuu jivi cocona.

ROMMA 12:19

Banayanna hoŋogi cora kay suu lagi cora u tagiraɗi, hinigi yara vi Lonara li ndaɗu, kay magaara di ana, «Sa ma sasugul suuna ni anu, an hin warakaŋŋi anu.»

GA 8ATAMBARA 32:35

Sa sukulna u warak ma warak sana ni kon anu, cemi ni li ma col sesi huna ka tuwa, buu masi ma yoora hinni na tok daŋ. Dlara miniɗ ka ki kasira ka a juɓ ta ta oloɗi.»

GA 8ATAMBARA 32:43

Agi njaf suu halaŋŋa ŋgaagi suu mamsina, kay nam hin sa sukul busu suu sun mamsina, nam hin tin dlara sa sukul ndaɗta ni kel suu babali masisina, nam hin col mbas mamba u suu mamsina ki koloo.

WIRA ŊGAYRA 16:12

Sa sunda huulona ma karkiyana vo yara hu kop mammara kay mbo lumma Efratna. Lumma so ki a hin voɗta maŋ muli suu u maɗiinana asi jaka.