JEREMI 51:31 - Boy Lonana

³¹ Suu vun sunda ŋgaf tasi voɗ na ŋgaf ŋgaf tuɗ a di boy namma maŋ mul ma Babilonna ana, ɦoŋzina ki tliiya, col ay ii wanna day ta ta tew ki ii ko hiŋŋa.

JEREMI 51:31 ပူးပေါင်းရင်းမြစ်များ

2 DLAŊ MULINARA 30:6

Suu vun sunda ŋguf yam mbassa ki u magaara mulna u suu muli mamsina ɓiiriɗta halaŋ ki u mbassa Israella ura Yudara bel. Dasi ko mulna dira na ana, «Suu Israelna hoŋ ay ki eg Yawe, Lona vi Abraham, vi Isaak, vi Israel. Nam hin hoŋ ay egegi may. Agi suu hin ka iiri tu suu suɗ ay ki ko mul ma Asirinana.

DANYEL 5:30

Hu njeŋge ndaɗta gaw ni Baltazar mul ma Kaldeenna asi cam kiyo.

JEREMI 50:43

Mul ma Babilonna hum boy namma na ni, saaram jak ki gaw. Hahawra vam ki gaw, tiitara ko ndal cara hu buu ma vuɗta na.

JEREMI 50:24

An gunuk dawna kaŋga fokoku, gola kafak kay ŋgusuk vak wa Babilon, uk gi ki kolo wa, vak ki wa. Kay ana ndak min tak a duu u Yawe.

JEREMI 4:20

Asi yi kolo ana, «Dla cora u dla cora.» Gasi, mbassa halaŋ ki ɓeŋiya. Gol irinu ni, liimina u suu mansina ki ɓeŋi lay. Kak na njokŋi mbutluɓ manna lay.

JOB 9:25

Buu manna ɓaɗ tam zak zak su suu may suu cuk liŋŋa. Nam daɓ tammi bay wi jivira.

ESTER 8:14

U gaɗta vi mulnara, magaara ɓiiriɗ ndaɗta tew ki ko suu li sunda may ni asi tuɗ ki u ndaɗ ni na zak gaw. Gaɗ ndaɗta asi hin ɓakaɗ ki hu Suz ɦoŋzi ma saɓakŋa.

ESTER 8:10

Asi ɓii magaara u sem mulna Zerses hin tin kaɗumba vi mulnara huwa, hin sun magaa ndaɗta ki ko suu gi ii dlara hu li ma sundana u kulumi suu dogoni kulumi suu hinisi ki a li njafna vuɗusina.

JEREMI 50:2

Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

JEREMI 51:32

Voɗta ki tliiya, cerewna ki ŋgaliya, suu asgaana ki njaya.