29 Ndaŋgara dlakka gijaŋ luu njoŋŋa hu li ma ɓak ma vi Yawe ma kay Babilonna gijaŋ lirana, mbuɗ mbassa Babilonda ki li ma ki kiɗik ma hahawra, suu hurumma ki ciya.
Ndaŋgara mbuɗ geŋeɗ ko ndal suu guruɗi u summa tuɗta na. Ndaɗ mbuɗ yak ki ko hum tlena na. Suluk maɗna mbuɗ kaɗ nekka. Ndaɗ ndi gaa, ka ndak a col kolo oloɗi.
U saɓak yara vi Yawera sa ka kak huruɗ oloɗi. Ndaɗ mbuɗ ki u ŋgoloɗ halaŋŋi li ma ki kiɗik ma hahawra. Suu jak tli voɗta eg Babilon tokŋa mbuɗ ki zolona lay, hu li ma asi wi tlena ki ɓeŋi coco nana asi tii tii ma hahawra coco ɦay.
Humugi dlara Yawe miniɗ ay kom kay Babilonda ha olo, ɓak ma nam minim ay kom kay suu Kaldena. Gasi daŋ may gor mburina hin taɗasi kaŋgaa, gasi daŋ may nam hin bulumusi saɓakasi ki kay coosira.
Ay hu Dan day ni asi hum semeɗ ma u sem kulumi mamsinana. Bayra asi bayra ndaŋgara dlaka. Asi mbay ni a ɓeŋ ndaŋgara ki u tlesuu kaɗna, ɦoŋzina u suu hurumma.
Kay ndaɗta ndaŋgara hin ka dlak ki su? Suu huruɗna halaŋ hin mbuɗ ki hahawraɗi su? Ndaɗ hin tli kolo na feel ko yo lumma na. Ndaɗ hin tli ay koloo, hin hoŋ ndira kaŋga ko lumma Egiptena na.
Nam sawalla u delemba eŋga kolo ana, «Ndaɗ ndi kaŋga wa, ndaɗ ndi kaŋgawa, Babilon ta ŋgolla. Ndaɗ mbuɗ cem cemi ni li ma fulina lak huna, njaf ŋgussa cora bel bel ŋgay tasi ni huwa, layagi suu njenje sa ka golosi jiviɗina lakŋi huwa.