JEREMI 51:28 - Boy Lonana

²⁸ Yowogi suuna tuɗ duu ma teteɗ na u ndaɗu. Muli suu Medina u suu ŋgolona masisina, suu muli masisina halaŋ u li ma asi ti mulla kamma halaŋ.

JEREMI 51:28 ပူးပေါင်းရင်းမြစ်များ

JEREMI 51:11

Minigi mbuurura kogiya. Yowogi ɓagina kogi may. Yawe dliɗ saa muli suu Medina ki kolo wa, gasi dlara Yawe daɗ kay suu Babilonnara nam saa ay ki kaɗu. Nam laɗ ki wa. Nam ɓak ki ana nam a ɓeŋeɗ kiyo. Ni sa sugul ma vi Yawena, ni sa sugul ma ay kolo huulonana.

DANYEL 9:1

Hu basara dewra vi Dariyus, goona vi Asuerus, hu njafna vi Medena, ma tinim mulna kay mulla vi suu Kaldeenna,

DANYEL 8:20

Gamla ma u mekka kam mba' ma aŋ wamma, ni muli suuMedena u Persena.

DANYEL 6:8

Suu sunda vi mulna halaŋ, suu fok suunana u suu kaɓakŋa, suu ɦal gaɗta, suu mulina ɓak duk tasi ana asi ɓii gaɗta vi mulnara a hin doo suuna ura ana, gegelay hu buu ma dok hindina wanni li ni nam cen lo ma daŋ ɗowba sa ma daŋŋi, hiniŋ aŋ kiyo ni, mulna, hin gam ki hu zul dlona.

JEREMI 51:27

Takagi dlara duuna kay ndaŋgara, buugi tokolomma duk njaf suuna. Yowogi njaf suuna a tuɗ duu ma teteɗna u ndaɗu, yaɗ suu mulina kaɗu, Ararat, Minni, Askenaz. Ҥagi voɗta maŋ suu duu suu ŋgolona, asi yow suu duuna kaɗu. Sunugi kulumi suu duuna kaɗu u tasi bolowra ko ndal baara tli ay kolo ko ɗugulla doɓorokka na.

JEREMI 25:25

Muli suu vi Zimrina halaŋ, muli suu Elamma halaŋ, muli suu Medesna halaŋ.

EZAYI 21:2

Dla mayra mbuɗ mbuɗ coco ɦayra takanda ni ndaɗu. Suu di ŋgeŋŋa dam may, suu ɓalak tlena ɓalakasi may. «Suu Elamma yowogi koloo. Agi suu Medena mbaagi aya. An Bu Suuna min daɓ zi ma Babilonna kiyo.»

EZAYI 13:17

Lona di ana an hin cuk suu Medesna kay suu Babilonna, asi ni suu ka min dlara gursuraɗina, ka caa yasi kay lorraɗi lay.

ESTER 10:2

Sun mamba saɓakŋa halaŋ halaŋ ŋgol mamba kay dlara gorira, Mardose ma mulna ɦam sunda ŋgolla komma, na ni dla ndaɗta ka ki ɓiiri hu magaara ŋgolla Sunda vi Muli suu Medi u Persnaɗi su?

ESTER 1:3

Hu basaɗam ta hindira mulla, nam tin luuna maŋ suu mam suu ŋgolo suu sunda u suu mam suu li sunda. Asgaa suu Pers u Medina, suu begera u suu ŋgolo suu sunda suu ay hu zi ma bagina mbay fokomu.

1 DLAŊ MULINARA 1:5

Goryoŋ Jafetna ni Gomer, Mogog, Maday, Yavan, Tubal, Mesek u Tiras.

URA TIN AYRA 10:2

Goryoŋ Jafetna, Gomer, Magog, Maday, Yavan, Tubal, Mesek u Tiras.

JEREMI 25:14

Muli suu saɓakŋa u suu bolowna hin lasasi cocoo. An hin hoŋosi warakŋa ki kay dla coosira.

JEREMI 50:41

Suuna hin col ay ii ko ma mbayawna, suuna bolow cocoo, mulina bolow coco lay min tasi ay a duuna. Hu li ma vun ndaŋgara daɓ ay huna.

JEREMI 51:29

Ndaŋgara dlakka gijaŋ luu njoŋŋa hu li ma ɓak ma vi Yawe ma kay Babilonna gijaŋ lirana, mbuɗ mbassa Babilonda ki li ma ki kiɗik ma hahawra, suu hurumma ki ciya.

DANYEL 6:1

Dariyus ma Medena tli mulla ni basaɗam dok karkiya yam mba.