JEREMI 51:14 - Boy Lonana

¹⁴ Yawe, ma Saɓakŋa Kom Belna, suu ki u tamba ana, «An oyok suuna huruk ko ndal baara na, asi hin yi ay kolo kak ko ndal suu duuna na.»

JEREMI 51:14 ပူးပေါင်းရင်းမြစ်များ

SOOLLA 105:34

Nam cukusi baa jeena ki hu mbas masira, njonjoŋŋa ka ndumbi.

JEREMI 44:26

Na ɗaŋŋi humugi boy ma vi Yawena haa, agi suu Yuda suu kaki hu mbassa Egiptera. An suu tan u sen ma ŋgolna. Bu Suuna di na. Sa hin ka yan sen hu mbassa Egiptera oloɗi, sa ma Yuda hin ka di ana, Yawe ka iiriyaɗi.

JEREMI 46:23

Kaagira guuɗta kiyo. Yawe di na. Lini sa ka kal duk gu ndaɗtaɗi lay. Asi bolow cocoo su baarina. Sa ka ndak a ndumusiɗi.

JEREMI 49:13

Gasi an suu tan ki u tanda, Yawe di na. Bosra hin mbuɗ ki ni li ma hahawra, li ma didiŋga, nam hin mbuɗ ki ni li ma suuna ŋgul tasi may, gi vunna maŋ tasi may u namma. Ҥoŋzi ma hin tam kamma halaŋ hin mbuɗ ki ni li ma didiŋga.

JEREMI 50:15

Yagi kolo u delegira duuna ŋguyuɗ yaɗ kiyo, ndaɗ hin ndi kaŋgaa, gulumun maɗna hin to ki kaŋga lay. Zigini maɗsina hin bow ki kaŋga lay. Ni sa sugul ma vi Yawena, saagi sugulugi u ndaɗu. Agi laɗ egeɗ ni dlara ndaɗ laɗta.

JEREMI 51:27

Takagi dlara duuna kay ndaŋgara, buugi tokolomma duk njaf suuna. Yowogi njaf suuna a tuɗ duu ma teteɗna u ndaɗu, yaɗ suu mulina kaɗu, Ararat, Minni, Askenaz. Ҥagi voɗta maŋ suu duu suu ŋgolona, asi yow suu duuna kaɗu. Sunugi kulumi suu duuna kaɗu u tasi bolowra ko ndal baara tli ay kolo ko ɗugulla doɓorokka na.

JOEL 2:25

An waragagi ki ni basara jufulna ti tlena kira, baara, boboŋora u baa jeena, suu man suu duu suu an cukusi ay kagina.

AMOS 6:8

Yawe, Lona ma Saɓakŋa, suu tam di ana, anni ma a Yakob ŋga tam u namma, an noyom hu ziimu an hin hinim ɦoŋ ziimma ki u ŋgolom halaŋ. Yawe di na.

HEBRENA 6:13

Hu li ma Lona vi vunum u Abrahamma ni nam suu tam kayami. Sa ma ŋgol suum kaɗi, ni nam hin suu tammi u gege? Nam suu ni u tamba gaw.

SUU KAƁAKŊA 6:5

Asi tum ay ni u yoori masisina halaŋ, ugi mbutluɓ masina lay, suuna mbay ni bolow cocoo ka ndumbi, zulira ko njeena na. Asi u jambal masisina lay ni zuli cocoo. Asi cuk hu mbassa a ɓalakaɗ kira.