JEREMI 51:13 - Boy Lonana

¹³ Ndak mayra kaki eg mbo lum ma ŋgol geveena, ndak mayra begera kok cocora, buuruk ma daɓpa mba wa, ndak fi tlesuu ndak a fasina ki halaŋ wa.

JEREMI 51:13 ပူးပေါင်းရင်းမြစ်များ

URA TIN AYRA 6:13

Nam di Nowa ana, «An min ba suu war suu kay ndaŋgarana kiyo. Dla coosira asi laɗta kay ndaŋgara halaŋ mbuɗ ki coo, an min baasi ki u ndaŋgara halaŋ.

SOOLLA 137:1

Ay ki tana doŋ mbo lum ma Babilonna ami laki tew tew ni u tiina ami saa ay ni kay Siyon.

EZAYI 43:14

Ma Teteɗ ma vi suu Israelna, Yawe, sa ma suɗta di ana, Kay dlaagira an sun suu duuna ha hu Babilon. An kaasi kawi masi ma cuk suuna daŋgayna kiyo. An mbuɗusi furi masira ki yoora.

EZAYI 45:3

Begera ka ŋgay hu li ma ndufunna an hin ɦaŋga kiyo, ɦiz mayra faɗ ka u voɗoɗɗira halaŋ. Ni aŋ hin wi ki ana anni Yawe ma yaŋ ay ki u seŋŋa, Lo ma vi suu Israelna.

EZAYI 57:17

An mbuɗ egesi yara ni kay dla coosira asi laɗta, an casi ni kay ndaɗta, asi may ni yasi hu voɗ masira co ndaɗta na gak gak.

JEREMI 17:11

Ceke mayra buu kay se ma ndaɗ gam kaɗi layna, ni sa ma ci suuna ki bay dlara kosina, tew hu buu mamma dukka gayra may ni bege mamba hin ka li kom oloɗi. Nam hin hoŋ ki dagani, mbuɗ sa bay vana komma.

JEREMI 50:27

Cagi gor mbutlina kiyo, tuɗugisina ha ki hu li ma ŋgaɗ mbutlina. Ni dla co me kasi na ɗaŋge. Buu masina mba wa, li ma asi a ɓak dlaasira kina.

JEREMI 50:31

Duk ɦoŋ tami mba', ni boy cona, Bu Suuna Yawe ma Saɓakŋa Kom Belna, di na. Buu makŋa mba wa. Ni li ma ndak hin ɓak dlaakka kina.

JEREMI 50:37

Gi ŋgewna duk kulumi maɗsina, duk pupus maɗna, duk suu ndaɗ kak dukusina, asi mbuɗ ki ko ndal boyogina na. Ŋgewna, kal duk lii ma ɓaagi maɗna, nam ki ɦurumiya.

JEREMI 51:36

Eeh, na ɗaŋŋi, Yawe ɓak anaba, an hin tlak dlaakka konu, an hin ɦal tan a saak suguluku. An hin sooɗ mbo lum maɗ ma ŋgolna kiyo, haɗagaɗ goloŋ maɗta kiyo.

YOORA 4:18

Asi dikimi, ciɗimi balam semiya, ami ka ndak a hoŋ hu liimina oloɗi. Ami hin tok a daɓ kira, buu mamina njak ki fun tam wa, daɓ mamira mba wa.

DANYEL 5:26

A buɗuɗ uɗ kira di ni ana, Mene ni ana ndumiya, Lona ndum buu mul mamba hin daɓaɗ ki wa.

AMOS 8:2

Nam di ana, «Aŋ wi ni mege, Amos?» An dam ana, «Kaalamba u vuɗ tlesuu vun wallana huruɗu.» Bu Suuna dan ana, «Suu man suu Israelna daɓ masira mba wa, an hin ka hoŋ ay kasi a mbara oloɗi.

1 PIYER 4:7

Daɓpa vi tlena hin tok, gologi tagi jiviya kakagi jek jekee, cenegiya.

2 PIYER 2:3

Saa masira ni kay a fi gursura, suu haɗ haɗta co asina hin taɗagi usi u dlara ka gasiɗira. Sa ma kaɓakŋa kasina kaki day day ka buu senɗi, ɓeŋ masira ka juɓ ta taɗi lay.

WIRA ŊGAYRA 17:1

Olo sa sunda huulona ma dew duk suu kiɗisiyana ma kop ma kiɗisiyana komma dan ana, Mbaya an min takaŋ warakka kay cara gawlaŋga ŋgolla, ndaɗ ni ɦoŋzi ma ŋgol ma mini fun mbo lummana.

WIRA ŊGAYRA 17:15

Sa sunda huulona dan olo ana, «Yo ma aŋ wam cara gawlaŋga kaki dukumma ni suu warna suu tokina, ni njaf suuna zeɗ zeɗ, vunusi zeɗ zeɗ lay.

WIRA ŊGAYRA 18:19

Asi cuk buɗna kasiya, tiiya yoo tasi cocoo, «Ni haw haw minage ɦoŋzi ma ŋgolna. Suu li sunda duk mbo ŋgolna ɦiz kini u tlesuu ay hu ɦoŋzinana, hu lerra dewra tlegeyeŋ ba ki na halaŋ halaŋ gaw.»