JEREMI 50:8 - Boy Lonana

⁸ Liŋigi ki hu Babilon, mbassa vi suu Kaldenara. Selegi ay kiyo, mbuɗugi ki ko ŋgekgi suu tuɗ fok ndarayasina na.

JEREMI 50:8 ပူးပေါင်းရင်းမြစ်များ

JEREMI 51:6

Liŋigi ki hu Babilon gegelay ŋgay tamu. Li ka naɗi ni agi hin viɗ kiyo hu li ma ndaɗ hin warak ki kay dla cooɗtana. Yawe liim ma sa sugulna mba wa. Nam warakaɗ ni va ndaɗ minimma.

EZAYI 48:20

Cukugi ay ki duk suu Babilonna, liŋigi ki ko suu Kaldena. Della ka ɓak aya, dasira ha ki u furira, jokogi boy namma ha ki kay yam mbassa halaŋ, dagi ana, «Yawe buɗ zoŋ mamma Yakob ay ki wa.»

WIRA ŊGAYRA 18:4

Ŋgoo daganda an hum della ay kolo huulona di ana, «Suu manna cukugi ay kiyo hiniɗu, taɓagi u cooɗtaɗi, kay dla cora mbaaraɗta kaɗta mba fagiɗi.

JEREMI 51:45

Agi suu mansina, selegi ay ki huruɗu. Gegelay suɗ tam ko yara ŋgolla vi Yawera.

2 KORINTNA 6:17

Ni kay ndaɗta Bu Suuna di ana, «Agi hinisiya taɓagi u asiɗi, taɓagi u tliw ma njenjenaɗi, an tanda may ni hin vagi egenu.

EZAYI 52:1

Dliɗ ki koloo Yerusalem, cuk saɓak maŋŋa egeŋu. Cuk baraw maŋ ma dlam ŋgolna egeŋu, Yerusalem ɦoŋzi ma teteɗna, kay hin ha fokka ni suu bay caw ɗiwisina u suu ka wi Lonɗina ka fi va huruŋ oloɗi.

VUN ŊGOLNA 30:31

Tlek golokŋa tuɗ duk dogonira ni va ma ŋgenem kaɗi. Ŋgekŋa tuɗ u dogoni ɦugunina, mulna fok suu mam suu duuna ni na may.

NDUMBA 16:26

Nam di suu toki gana ana, «Ҥuɗugi tagi ha ki fun ziŋ suu co asina, tlasi vaasi ma kogiɗi lay, kay ana agi ka ba tagi ki kay dla coosira asi laɗtaɗi.»

EZAYI 52:11

Tuɗugiya, tuɗugiya, cukugi kiyo, hinigi li ma njenjena kiyo, lagi tagi ki teteɗ, agi suu zii tlesuu teteɗ suu vi Yawena.

ZAKARI 2:11

Tuɗuygiya, Siyon, pii kiyo, ndak mayra ha ki kaki hu Babilonda.