JEREMI 50:5 - Boy Lonana

⁵ Asi joɓ kay voɗta Siyonda. Asi tin irisi ni hu voɗ ndaɗta. Asi mbay taɓ ko tasi u Yawe vi banara u nam a fafaɗta, ka a maa kiɗi.

JEREMI 50:5 ပူးပေါင်းရင်းမြစ်များ

JEREMI 32:40

An vi galamba u asi ni a fafaɗta. An hin ka seŋ ɦalla ɦasi tlesuu jivina dukgi, an min ana asi ŋgaanni u hurusi ma kurufu dayna, ka ɦuɗ tasi ki egen day oloɗi.

EZAYI 55:3

Tinigi humugi huma, mbaagi ay egenu, humugiya ni agi hin lak iiriya. An hin vi u agi ni galamba din dinda. Na daŋ may an saa tew tew kay jivira vi Davidta.

EZAYI 35:8

Voɗ bulna hin wak ki huwa, asi hin yaɗ ana voɗta teteɗta. Sa ma li dlara njenje ka tuɗ hu voɗ ndaɗtaɗi. Kay Bu Suuna u tamba mal voɗ ndaɗta ni namu. Suu giniŋŋa ka viɗ hu voɗ ndaɗtaɗi lay.

JEREMI 6:16

Yawe ɓak anaba, Cologi hu voɗta na jol a halagi lina. Joɓogi kay voɗta suu jewna tlaɗta, voɗta heɓpa huruɗta ni tarage, agi hin tlaɗu. Agi hin fi li ma agi kak u heɓpana. May ni asi di ana, «Ami ka tuɗ huruɗɗi.»

URA TIN AYRA 17:7

An hin vi Galamba u aŋu, u njafaŋ ma hin ka ŋgoroŋ daganna lay, u deeresi zeɗ zeɗ halaŋ, hin li ni Galamba dindinda. An hin li ni a Looŋŋa, Lo ma vi njafaŋ ma ka ŋgoroŋ daganna lay.

2 KORINTNA 8:5

Dla ndaɗta lini su va ma ami saa kam jewna, asi hal tasi ki maŋ Bu Suuna u minda vi Lona egemi ami lay.

SUNDA 11:23

Nam tew egesi tewni, wi ana Lona paɗ vunum ki kay suu vina ni nam furi ɦay, soosi hurusiya, a asi kak ɗegee u hurusi toki dew kay Bu Suuna.

Boy Ma Ayra Ma JAŊ Ɓiirimma 7:17

Sa min a li minda vi Lona hin wi ana haɗ manda col ay ni vi Lona, ɗowba an ɓakŋi u saɓak manna kay tanu.

SOOLLA 84:7

Hu li ma asi cuk hu ɦuɗugumba yaɗ ana Baka ni asi fi mbona. Lona ma si jewna mbaarasi paɗvunna kasiya.

1 MULINA 19:14

Nam hoŋ dira ana, «Yawe, Lo ma Saɓakŋa, an hurun miniŋ cocoo, an ka ndak a siɓ dlara suu Israelna laɗtaɗi. Asi bus Galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

1 MULINA 19:10

Nam hoŋom dira ana, «Yawe Lo ma Saɓakŋa, an hurun miniŋ cocoo. An ka ndak a siɓ dlara suu Israelna laɗtaɗi. Asi bus galamba vaɗ u aŋga kiyo. Asi hawaɗ givin ma togolla ta laŋ ɓivunna hura ki lay. Asi ci suu maŋ suu jokoŋ vunuŋŋa ki bel bel, maa ay ni an dew. Cemi asi hal a baan iiri manda ki lay.»

2 SAMUEL 23:5

Ni ka dlara hu ziin eg Lonaraɗi su? Kay ana nam vi galamba dindinda u anu. Ii tlena ki gii hu halaŋ. Goli jivi layɗi su? Furi manda, ni dlara minda ka ndak a dayasi ki koloɗi su?

JEREMI 3:18

Hu li namma ni suu vi Yudana hin taɓ ki u suu Israelna. Asi col ay hu mbassa mbayawra hin mbay ko tasi dew hu mbassa an ɦaɗ ki maŋ somoyosi a jonara.

JEREMI 31:6

Buu ma suu gol yamba hin yi kolo kay ɦinira Efrayimba ana, coloygi kolo, tuɗuygi, Siyon, eg Yawe, Looyginana ki ŋgaya.

JEREMI 31:21

Njaa gogoyra keŋ voɗ makka, pi pikkina. Gol voɗta ndak tlaɗta jiviya, hoŋ aya, goo wayra Israel. Hoŋ ay tani hu ɦoŋzi makŋa.

EZEKIYEL 16:61

Humuk hin gak kay dlaakka jewra hu li ma gorsekŋa mbay egekŋa ni ndak hin mbuɗ ki zolona, wayakka ŋgolla u ta goora. An ɦaksina ni a goryoku, asi ka masi hu galamba an vaɗ u ndakkaɗi lay.

EZEKIYEL 37:22

An dlaɓasi ki ni a njaf sa ma dewna hu mbas magira kolo kay ɦinira vi suu Israelna. Mul ma hin kak kagi a ti mulla ni mul ma dewna. Irigi ka ɓorow ki mba' oloɗi. Ii mulla ka ɓorow ki mba' oloɗi lay.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.