JEREMI 50:46 - Boy Lonana

⁴⁶ U tlira tli Babilonda ni ndaŋgara dlakka. Njaf suuna tii ŋgol cocoo.

JEREMI 50:46 ပူးပေါင်းရင်းမြစ်များ

EZAYI 15:5

Hurun ka yo coco kay mbassa Moabba, kay suu cuki huruɗna ka liŋ ta ta tew ha ki Soar u Eglat-Selisiya, asi ka ɗiŋ kolo kay mbura Luhitra ni u tiina. Ha hu voɗta tuɗ Horonaimba ni asi ka sawalla cocoo.

EZAYI 5:7

Sene gugutlu ma vi Yawe, ma Saɓakŋa Kom Belna, ni suu Israelna. Tlesuu zaari hu senena irim jivina ni suu Yudana. Nam a lasi ginni jivira, hin fi huni dlara ka jiviɗira. Nam juɓ ginni ɗegeera, hin hummi tiina vi suu hahawra na ɗow.

JEREMI 10:10

Na may Yawe Lona ni gasira, nammi Lo ma iirina, mulna a fafaɗta. Hu li ma hurum mbuɗ yara wa ni ndaŋgara dlakka, suuna ka ndak a col fok yaambaɗi.

JEREMI 46:12

Njaf suuna humuk dla zolo makŋa kiyo, kay ana tii makŋa oy yam ndaŋgara kiyo. Sa saɓakŋa daɓ eg ndaram ma saɓakŋa asi puk kaŋga ko tasi mba' halaŋ.

JEREMI 49:19

Ko ndal dlona col ay duk cerew ma fun lumma Yurdanna na, tuɗ irim ha kay kaana tam ki minira na, na ɗaŋŋi ko ndal iira cemekka na ni an hin ɦuɗusi ha ki egeɗ na day, an hin mbaaɗ gorzoŋŋi suu duuna ay kaɗ na zak gaw. Kay ana sa ko an nana ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

JEREMI 49:21

U saɓak pukka asi puk kaŋgara ndaŋgara dlaka, delesira tiina tew ha ki ta ta fun Lum ma ŋgol ma Cerewna.

JEREMI 51:29

Ndaŋgara dlakka gijaŋ luu njoŋŋa hu li ma ɓak ma vi Yawe ma kay Babilonna gijaŋ lirana, mbuɗ mbassa Babilonda ki li ma ki kiɗik ma hahawra, suu hurumma ki ciya.

JEREMI 51:54

Yira yi ay kolo hu Babilon ana, suuna mbay njunuɗu. Dla cora ka hu mbassa vi suu Kaldenara.

EZEKIYEL 26:18

Hu li ma asi ndi ki gana suu cuki kay daara ko asi nana halaŋ mbuɗ ki ndaa coco ko bara asi ba ki ndaɗta.

EZEKIYEL 27:28

Tii ma vi suu ŋgolo magi suu hu lum kawinana hin tuɗ ta ta dali na day.

EZEKIYEL 31:16

An mbuɗ njaf suu daŋŋa halaŋ ki ndaana ko bow mamba nam bow gara, hu li ma an gam ha ki hu lina vi suu miɗina u suu cuki ga hu lina vi suu miɗina ni. Ŋgusugi suu hu sene ma vi Lonna gijaŋ sa sukul masina hu mbassa ga zuzulla, gu ma suuna minim cocona, gu ma jivi ma hu Libanna halaŋ cuki ga duk mbo ŋgolna.

EZEKIYEL 32:10

Dlara an laŋga egeŋ wanda hin ɓik vun dik suu daŋŋa bolow cocoo. Hu li ma an tli ŋgew manna kolona, mulina halaŋ dlak ndaana. Hu buu ma aŋ puk gana ni asi hin mbuɗ ki ndaa coco kay iiri masira may.