JEREMI 50:44 - Boy Lonana

⁴⁴ Ko ndal dlona ɗiŋ ay ki kolo fun lum ma Yurdanna tuɗ irim ha hu kaana tam ki minira na. Na ɗaŋŋi u cemek ira dewra an caɗ suu huruɗna kiyo. An sunuɗ gorzoŋii suu duuna ha kaɗu kay ana sa ko an na na ni gege? Sa hin ndak a kaan ɓakŋa kanna ni gege? Sa gol iirira vi suuna ma hin col fokonna ni gege?

JEREMI 50:44 ပူးပေါင်းရင်းမြစ်များ

SOOLLA 89:6

Yawe, ko huulona lay geleɗeŋ dlaaŋ ta mbuɗ mbuɗta, suu teteɗ suu tokina mba ŋgaaŋ ɗegee maŋga.

SOOLLA 89:8

Hu tokka vi suu teteɗna Lona va ma ŋga u nam kaɗi, tlesuu ŋguyuŋŋa halaŋ ka laŋ ndaaraŋu.

KALKIRA 15:11

Yawe, duk loogina halaŋ ma ko ndal aŋ nana ni gege? Sa ma ki teteɗ ko aŋ nana ni gege? Ma ndaki a li dlara mbuɗ mbuɗta nana ni gege?

EZAYI 40:18

Agi hin ŋga Lona ko tammi u mege? Va ma agi colom a tli tam u Lonana ni mege?

EZAYI 40:25

Lona di ana, agi hin ŋgaan fun tanni u mege? An tli tanni u mege?

EZAYI 41:25

Sa maa ay ka mbayaw dew an manam kiyo, tin ay u maɗiina na nam ka yanni senu, nam tay mulina ki ga u sem ko suuna a hoɓ luɓuna na. Ko ndal sa ma min doyogina taɓak luɓu mamma ki u semba na.

EZAYI 43:10

Yawe di ana, agi suu Israelna agi ni suu diki kanna, agi ni suu man suu an managina, a agi wan kiyo, tin hurugi kanu. Agi wi ki ana, anni an daŋ may. Sa ŋgol suun ay ka jewɗi, ŋgoron dagan lay sa ma suun kaɗi.

EZAYI 46:11

Ay u faɗta maɗiira day An yi bakŋa ay kay ɦaana. Ni sa ma hin lan dlaanda an min a laɗta kina. An yam ay ni hu mbassa dayra. Dlara an daɗta na zak gaw ni ndaɗ li may.

EZAYI 46:9

Humugi gagi kay dlara li ay ki fok jewra. Na daŋ may an ni Lona, Lo ma daŋ kaɗi. Va ma ŋgaa ko tam u an Lona kaɗi, tlena halaŋ ki ni ɦawaa.

EZAYI 48:14

Tokogi ay halaŋ humugiya, duk tlesuu agi ŋgaasina halaŋ sa ma di dlara ko ndaɗta nara ni gege? Sa ma Yawe minimma ma nam manamma hin li dlara ndaɗta ni namu. Nam hin faɗan vun dlaanda ay ki hu Babilon duk njaf suu Kaldena.

JEREMI 12:5

Lini aŋ liŋ u suu semba asi loɓoŋ kiyo ni, aŋ hin li ni nana a cuk liŋŋa u suu kulumina ni ge? Lini ɦaŋ mbassawa a aŋ kak u heɓpa ni, aŋ hin li ni nana duk usu ma fun lumma ŋgolna Yurdanna ni ge?

JEREMI 25:38

Suuna tuɗ ki ko ndal dlona col hin zulum kira na. Mbas masira mbuɗ ki ni li ma hahawra ko ŋgewra ka wi hahaw saɗi layra, fok yara vi Yawera.

JEREMI 30:21

Mul mamma hin li ni dukugiya. Sa hin tuɗ fokogina hin vuɗ ni varamu. An ɦam voɗta nam mbaya, nam ɦuɗ tam ay egenu. Sa hin ka min a ɦuɗ tam ay egenɗina ni gege? Di na ni Yawe.

JEREMI 50:15

Yagi kolo u delegira duuna ŋguyuɗ yaɗ kiyo, ndaɗ hin ndi kaŋgaa, gulumun maɗna hin to ki kaŋga lay. Zigini maɗsina hin bow ki kaŋga lay. Ni sa sugul ma vi Yawena, saagi sugulugi u ndaɗu. Agi laɗ egeɗ ni dlara ndaɗ laɗta.

ZAKARI 11:3

Humugi oyra vi suu taa yoorina haa, kay jivi masira bulum ki wa. Humugi haa, gor dlona ka ŋgob kay ana ŋga tara vi lumma Yurdanna bulum ki wa.

NDUMBA 16:5

Hin di Kore u suu mam suu umma ana, «Vini maɗii ni Yawe hin tak saamma kiyo, tak sa ma teteɗna kiyo, hin tak sa ma a ɦuɗ ay egem tokŋa kiyo, ni sa ma nam hin manamma, sa namma nam hin ɦuɗum ay egemu.