JEREMI 50:40 - Boy Lonana

⁴⁰ Ndaɗ hin li ni ko ndal Lona li dla cora eg Sodom, Gomor, u ɦoŋzi ma keŋeɗnara na. Yawe di na. Sa hin ka kak hu oloɗi. Sa wara hin ka buu huɗi.

JEREMI 50:40 ပူးပေါင်းရင်းမြစ်များ

EZAYI 1:9

Lini Yawe, ma Saɓakŋa Kom Belna, ŋgomoygi gin na ɦiwɗi ni, aygi mbuɗ gin ni ko ndal Sodom u Gomor na.

JEREMI 49:18

Ko ndal dla cora li eg Sodom, Gomor, u ɦoŋzi ma ŋguy kadna na, Yawe di na. Sa hin ka kak hu oloɗi, sa iiri hin ka buu hu li namma oloɗi.

JEREMI 51:26

Sa hin ka fi gogoyra tiniɗ keŋga u mayra gi u zira kaŋgara ay varak oloɗi. Ndak hin mbuɗ ki ni li ma ki kiɗik ma hahawra a fafaɗta. Yawe di na.

AMOS 4:11

An bulumugi ki ko ndal Lona bulum suu Sodom u Gomorna kira na lay. Agi ay ni ko ndal vun guna ɓaɗam ay ki duk ku zinana na, na may agi hoŋ ay ka egenɗi. Yawe di na.

SOFONI 2:9

Ni kay ndaɗta Yawe, ma Saɓakŋa Kom Belna, Lona vi Israel suu tam u iiri mamba ana, Moab hin mbuɗ ki ko Sodom na, goryoŋ Amonna ko Gomor na. Asi hin mbuɗ ki ni sene ma wayra, mbuɗ ki ni li ma vuvuna, ndaŋgara bulumuɗ ki a fafaɗtara. Suu mansina usira hinda hin ɦurumusi tlegeyesiya, suu man suu hinna hin kak hu mbas ndaɗta.

ROMMA 9:29

Ni ko Ezayi di ay ki fok jewra na «Lini Bu Suuna ma Saɓakŋa Kom Belna hin njaf suu taa ka ɦiwɗi ni aygi hin li ki ni ko suu Sodomma u suu Gomorna na.»

GA 8ATAMBARA 29:23

Njaf suuna halaŋ hin ɓak ana, «Yawe a li mbas ndaɗta ki na ni kay mege? Hurum ɓeŋ ki saɓaki ŋgolla eg mbas ndaɗta na ni amege?»

2 PIYER 2:6

Lona kaɓakŋa kay ɦoŋzi ma Sodomma u Gomorna ŋgalasi ki u kura, nam tak suu li cora ana hin li fok u asi ni na may.

Magaara JUD Ɓiiriɗta 1:7

Saaragi kay Sodom u Gomor u mbassa ŋguy kasira halaŋ, suu huna li dlara yowna, njufina mbuɗ buu u ndarayasi njufina ko suu sunda huulona asina naa. Lona hin ŋgalasi ki halaŋ u kura ka daɓ kiɗira, ɓak ma kaasina kasina ndak ne yam suuna halaŋ.

WIRA ŊGAYRA 11:8

Maɗasi hin li cuki kaŋga hu voɗta hu ɦoŋzi ma ŋgolna ni hu li ma Bu Suuna masina li ɓali kolo hu gu garakŋa huna. Ҥoŋzi ma ŋgol namma ni ko Sodomma u Egipte na.