JEREMI 50:37 - Boy Lonana

³⁷ Gi ŋgewna duk kulumi maɗsina, duk pupus maɗna, duk suu ndaɗ kak dukusina, asi mbuɗ ki ko ndal boyogina na. Ŋgewna, kal duk lii ma ɓaagi maɗna, nam ki ɦurumiya.

JEREMI 50:37 ပူးပေါင်းရင်းမြစ်များ

SOOLLA 46:9

Tuɗugiya, gologi sunda Yawe laɗta, tlesuu nam ɓalakasi ki kay ndaŋgarana.

SOOLLA 76:6

Aŋ ɓaɗ tlesuu vi suu duuna ki halaŋ, cemi asi buu ni sen ma ka dliɗɗina, va ka kosi oloɗi, asi mbuɗ ki maŋiya.

EZAYI 19:16

Hu buu namma ni suu Egiptena mbuɗ ki ni ko boyogina na, dlak ndaana hu li ma asi wi ko Yawe ka geŋeɗna, ma Saɓakŋa Kom Belna hin col kolo duu u asiya.

EZAYI 45:3

Begera ka ŋgay hu li ma ndufunna an hin ɦaŋga kiyo, ɦiz mayra faɗ ka u voɗoɗɗira halaŋ. Ni aŋ hin wi ki ana anni Yawe ma yaŋ ay ki u seŋŋa, Lo ma vi suu Israelna.

JEREMI 25:20

Njaf suu zeɗ zeɗna u muli suu Usna halaŋ, muli suu hu mbassa Filistinda halaŋ, suu Askalonna lay, suu Gazana lay, suu Ekronna lay u suu hin hu Asdodna lay.

JEREMI 25:24

Muli suu vi Arabmana halaŋ, muli suu vi njaf suu zeɗ zeɗna halaŋ suu ka kaki hu fullana.

JEREMI 48:41

Keriyot tlaɗ ki wa, Mesadot taɗ ki wa. Suu Moab suu saɓakŋa hurusi hin li hu buu namma ko ndal huu cara hu buu ma vuɗta na.

JEREMI 50:10

Kalde mbuɗ ki jona, suu ɦurumuɗ tlegeyeɗna hoɓ hayasi ki u asi wa, Yawe di na.

JEREMI 50:26

Agi suu ay keŋ ndaŋgara ma daɓ ayna mbaagi ay egeɗu, malagi vun veeri maɗsina kiyo. Yowogi tlesuu huna molosi ki kay tasiya, ɦasi ki maŋ Yawe, hinigi va kaŋga hu ndeɗi.

JEREMI 51:21

An ci kulumina ki u suu masi suu kasina u ndaku. An pali pupusna ki u suu fuli hurumma.

JEREMI 51:22

An ci njufiina ki u boyogina u ndaku. An ci suu maana ki u gorkemba, an ci gor njufiina ki u gorɓiina.

JEREMI 51:30

Suu saɓak suu Babilonna min ka a duuɗi, asi hal keŋ lina ŋgay tasiya. Asi mbuɗ ki maŋira ko boyogina na. Asi ŋgalaɗ ziiɗ kiyo, vun zigini maɗsina ki tooya.

JEREMI 51:4

Suu fi dakka a miɗ kina puk kaŋga hu mbassa Kaldera, suu kususi u saɓpana ki hu voɗta.

EZEKIYEL 30:5

Suu duu suu asi yowosi ay hu mbassa daŋga a njun usina, Etiyopi, Put, Lud u ŋgayagi suu Egiptena u Libi u suu Israel suu ki zina hu Egiptena halaŋ hin casi ki u suu duu asina ni bel bel.

EZEKIYEL 39:20

Agi hin ti kay tabul manda hoɓ hayagi u tliw kulumina u suu ay fuli kasina. Tliw bigawlagina u tliw suu duuna halaŋ. Di ni Bu Suuna, Yawe.

NAHUM 2:13

Dlona vi mbuurina ay ɦasi maŋ goryomu, maŋ suu tamagina lay. Nam oy zulum u tliw mbuuri suu nam vasi ay bagina.

NAHUM 3:13

Suu hin varakŋa ni boyogina ɦawaa, vun grek ma kay mbas makkana ki malira maŋ saak ma babalira na ɦoŋ, cogorom ma vun grekŋana kura ŋgalam kiyo.

Magaara Vi Sa Jok Vun Lona AGE 2:22

An hin to dlamba vi mulinara kiyo, hin bulum saɓak ma vi muli suu vi suunana kiyo, an hin to pupusna ki may, ci suu jaŋamma kiyo, kulumina u suu jaŋasina hin puk kaŋgaa, gegelay kaŋga fun ŋgewra vi wayammara.