JEREMI 50:29 - Boy Lonana

²⁹ Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

JEREMI 50:29 ပူးပေါင်းရင်းမြစ်များ

KALKIRA 10:3

Moiz u Aaron tuɗ vi Faraw dam ana, «Yawe, Lo ma vi suu Hebrena, di ana, Aŋ hin a hoŋ yaŋ ga fokonni saɓa tuge? Hinin suu mansina asi tuɗ sununu.

EZAYI 37:23

Sa ma aŋ ŋgulum coco, panamma ni gege? Aŋ oo uŋ kolo na ni eg gege? Aŋ ŋga taŋ cocora na ni eg gege? Ni eg sa ma Teteɗ ma vi suu Israelna.

EZAYI 47:10

Aŋ tin saa maŋga kay tlesuu aŋ lasina, di ana, «Sa ma wan kaɗi.» Aŋ ŋga taaŋ mayra ana aŋ wi cocora u haɗ maŋga tuɗuŋ ki ni hu li ma aŋ ba kina. Aŋ di ana, «Anni an dew sa ma ko an na kaɗi.»

JEREMI 25:14

Muli suu saɓakŋa u suu bolowna hin lasasi cocoo. An hin hoŋosi warakŋa ki kay dla coosira.

JEREMI 48:26

Gurɗugina ki u summa kay nam mbuɗ tam ki ŋgolla su Yawe. Gola nam ka bulum tam kaŋga duk vinimu. Nam mbuɗ ki va sanda wa.

JEREMI 49:16

Ndak kal ki saɓaki, kay ana ndak gol tak ki ŋgolla su ndarayakŋa, mbuɗusi ki ndaana lay. Ndak mayra ka kakira hu zul gogoyrara, ɗiŋ kolo kay ɦini mayra fiyekkara. Lini ko ndal kokolora na ndak min ziik kolo kay li ma mbuyna ni, ay kolo hu li namma an hin zuɗuk ay ki kaŋgaa. Yawe di na.

JEREMI 50:24

An gunuk dawna kaŋga fokoku, gola kafak kay ŋgusuk vak wa Babilon, uk gi ki kolo wa, vak ki wa. Kay ana ndak min tak a duu u Yawe.

JEREMI 50:26

Agi suu ay keŋ ndaŋgara ma daɓ ayna mbaagi ay egeɗu, malagi vun veeri maɗsina kiyo. Yowogi tlesuu huna molosi ki kay tasiya, ɦasi ki maŋ Yawe, hinigi va kaŋga hu ndeɗi.

JEREMI 50:32

Ndak mayra li dla cora daɓ sek kaŋga puka. Sa ka a tlak koloɗi. An gi kura ki hu ɦoŋ ziikŋa, ndaɗ ŋgal suu ŋguy kamma ki halaŋ.

JEREMI 50:9

Gasi an hin mba suuna ay cukusi duuna eg Babilon. Suu hu njaf suu col ay mbayawna. Asi hin nja tasi ay a duuna u ndaɗu, hin daɓaɗ dlaɗ ki ni na gaw may. Sin mburu masira ni ko sa duu ma saɓak coco ma ci suuna ɦayna na ka hoŋ ay koɗ ɦawaɗi.

JEREMI 51:24

An warak Babilon u suu Kaldena halaŋ ki kay dla cora asi laɗ eg suu Siyonna ki ni irigiya. Yawe di na.

JEREMI 51:3

Hinigi sa tli gu mbuuru mamba kom a duuna naɗi, hinigi sa cuk koroŋ ma duuna egemmaɗi lay, gorzoŋŋii maɗ suu duunaɗi lay, ɦangi suu maɗ suu duuna ay ki halaŋ halaŋ.

JEREMI 51:49

Suu casi ki kay ndaŋgarana halaŋ dlaasira cukuɗ ni kay Babilon. Babilon may ɗaŋŋi hin ndi ni kay suu Israel casi kina.

JEREMI 51:56

Gasi nam ka mbay kaɗu, sa li dla cora, mbay kay Babilon. Suu maɗ suu saɓakŋa casi ki wa, gu mburu masira kusuɗ ki wa. Yawe ni Lo ma wi hoŋdira, nam wi yal ma warak suuna kay dla coosira.

YOORA 1:9

Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.

YOORA 3:64

Aŋ hin hoŋosi dla cora asi laɗta kasiya, Yawe.

DANYEL 11:36

«Mulna hin li ni dlara u hurumba, hin ŋga tam coco lay, hin gol tam ŋgol suu loogi suu ɦawana lay, su Lo ma vi loogi suu ɦawana na lay, nam hin di boy ma ɦal saara maŋ suunana. Dlaamba hin li kom jivira ta ta hu buu ma yara hin daɓ kina, kay ana va ma Lona ŋgaamma hin li kiyo.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

ABDIYAS 1:15

Ҥaa, Buu ma vi Yawena hin tok, buu ma li dla cora eg suunana. Dlara aŋ laɗta, hin laŋŋi na may. Sun maŋga aŋ laɗta hin holoŋ ndi ni kay yaŋu.

2 TESALONIKŊA 1:6

Kay Lona u ɗegee mamba hin cuk wihaw magira kay suu ka lasagina.

2 TESALONIKŊA 2:4

Nam hin duu u tlesuu suuna goɓ kaŋga fokosina u tlesuu suuna golosi ko lona nana halaŋ, nam kal hu Ziŋ Lonara, mbuɗ tam ki a Lona lay.

WIRA ŊGAYRA 16:6

Asi ni suu ci suu vi Lona u suu jok vun Lona ki layna cemi aŋ ɦasi busuna asi camu, asi fi ni warak masina.»

WIRA ŊGAYRA 18:6

Lassaɗ ko ndaɗ lasagira na may, warakaɗ sem mba' u dlaaɗta ndaɗ laɗta, oyoɗ kop maɗna sem mba' u sum ma yara sum ma ndaɗ ɦagina na.