Vun ŋgew ma vi Yawena taɓagi u busuna, nam ki hoɓi u mbulna. Busu timigiina u busu ɦugunina u mbul ma kay gilis gamlaginana, kay ɓivun ŋgol ma vi Yawena ka hu Bosra. Ci maɗ ma cocona ka hu mbassa Edomba.
Hu li namma ni vunda u goo mbutlna, u bolo mbutlugina cuk kaŋgaa, ndaŋga masira hin guruɗ ki ko busu tlena. Gugum ma sii kolona ki tlumira ni u mbul tlena halaŋ halaŋ.
Aŋ, Yawe, aŋ wanu. Aŋ ka wan lay, golon saa manda lay. Ndaɗ halaŋŋi koŋu. Suu dlasi cona cukusi ki keŋ ko ndal timigii suu tuɗusi hu li ma ŋgaɗtana na. Hinisi cukira a juɓ buu ma ŋgaɗta.
Gurnigiya, suu taa suuna. Yagi suuna mbay njun ugiya. Bulumugi tagi kaŋgaa agi malayaŋ yoorinana. Lina mba kagi a ŋgaɗagi kira wa. Agi hin njay kiyo ko ndal tlesuu cuk tlena suu gususi loɓmana na.
Njaf suuna halaŋ hin sunumu, nam tamba lay, goromma lay, gorom ŋgolona lay. Kam nam tamba may ɗaŋŋi lina hin mba kamu, suu bolowna u muli suu saɓakŋa hin lasamu.
Suu duu suu dlasi co suu varaɗna lay ki ni ko ndal gor mbutli suu cilisi mbilisina na. Asi may ni ɦal ŋgorosi gaw. Asi liŋ ko tasi dew. Asi ka ndak a col fokosiɗi. Gasi buu masi ma ɓeŋga mbay kasi wa, li ma asi hin ɓak dlaasira kina mba wa.
Sa li dla cora eg Moabma col ay duuna hu ɦoŋziiɗna wa. Gorzoŋŋi maɗ suu jivi ɦayna tuɗusi ha ki hu li ma ŋgaɗta, di boy namma ni Mul, ma sem ana Yawe, ma Saɓakŋa kom Belna.
Sa liŋ ŋgay tam ki ko ndaanana hin ndi kaŋga hu zulla ŋgolla. Sa ma ɗiŋ ay ki kolo hu zul ŋgollana bayna hin vamu. Gasi, an mbaaɗ dlara ay kaɗu, kay Moab hu basara ndaɗ hin ɓak dlaaɗta ki maŋ Bu Suunara, Yawe di na.
Gasi furiyugiya, lagi furira gasi, agi suu ɓeŋengi joonna kina, gasi luurugi njoŋŋa ko ndal mbutla wayra daɓaa hu fullara na, bayagi kolo ko gor kulumina na.
Asi humun an yoora, sa heɓen hurun kaɗi. Suu babali mansina hum dla cora li egenda, asi li furira, aŋ li dla ndaɗta ni aŋu. Aŋ mba buu ma aŋ ŋgaam kina ay wa. Ko asi may ni li ni ko an na.
Asi hin col usi ha ki na day ko lassa ndaɗ hin faɗta, asi hin di ana, «Haw haw mina ge? Babilon, ɦoŋzi ma ŋgolna, ma saɓakŋa lay lerra dew ndak kay balakaɗ kiyo!»
Ŋgoo dagan an wi sa sunda huulona coli kolo kay fatɗa, nam sawalla u delem eŋga maŋ layagi suu pii kolona halaŋ, «Tokogi aya mbay taygi fu ma ŋgolna vi Lona.