JEREMI 50:2 - Boy Lonana

² Ɓakagi boy namma ki maŋ njaf suuna, dagi suuna asi hum boy namma kiyo, neegi suuna ki kamu. Ɓakagi boy namma ki maŋ suuna, ŋgayagina kaŋgaɗi, dagi ana, Babilon ki tliiya, Bel viɗ jiv maɗna ki wa, Marduk mbuɗ ki zolona wa. Kumu maɗna ɓeŋ ki wa, otel maɗ ma li ɓivunna bulum ki wa.

JEREMI 50:2 ပူးပေါင်းရင်းမြစ်များ

SOOLLA 64:9

Nam vasi ga ni u boy masina. Gegelay ma wamma ni tam dlaka.

SOOLLA 96:3

dam dla bibiŋil mamba ki duk njaf suuna halaŋ, dlaamba mbuɗ mbuɗta daɗ ki maŋ suuna halaŋ.

SOOLLA 97:7

Suu togol fulina halaŋ zolona vagi wa, agi suu ŋga tagi ɦayna. Agi loogi suu ɦawana halaŋ goɓogi ga fokomu.

EZAYI 12:4

Agi hin ɓak hu buu namma ana, Gagi deɓpa maŋ Yawe, yagina sem ha koloo, dam sun mamba ha ki duk suuna, dagi ki ana semmi dlam ŋgol cocoo.

EZAYI 13:2

Kolo kay ɦinira yaɗ ki ɦawara tak dlara ay ki huwa, saagi walla koloo, kisigigi kogiya, kay a suu duuna ɦuɗ tasi ay vun grekŋa vi suu ŋgolona.

EZAYI 21:9

Gola ni dlara ka mbayra, sana dew ay fuli hu pus pus ma kulumina. Nam ka njaɗ boyna di ana, nam ndi ki ga wa, nam ndi ki ga wa, Babilon ndi ga wa. Tlegeyesi suu asi goɓosi ko lona nana halaŋ cuk ki ga wa, to ki lay.»

EZAYI 37:19

Asi ŋgalasi loosina ki duk kura lay, na may loogi asina ni ka Lo ma gasinaɗi. Asina ni tlesuu sana lasi u komma ɦawaa, ni guna ugi ɦinira. Kay ndaɗta muli suu Asirina ɓalakasi kiyo.

EZAYI 39:1

Hu coki ndaɗta ni Merodak Baladan goŋ Baladanna, mul ma Babilonna, sun magaara ay maŋ Ezekiyas ɦam tlena ay may, hu li ma nam hum ana nam li gin tuguɗiira hin garaɗ kiyona.

EZAYI 46:1

Lo ma yam ana Belna mbuɗ ki maŋiya, lo ma yam ana Nebona hoŋ yam ki ga wa. Foto masina mbuɗ ki ni kay yoorina ɦawaa, suu ziirisina asi mbuɗ casi nekka. Yoori asina loɓ ki wa.

EZAYI 48:20

Cukugi ay ki duk suu Babilonna, liŋigi ki ko suu Kaldena. Della ka ɓak aya, dasira ha ki u furira, jokogi boy namma ha ki kay yam mbassa halaŋ, dagi ana, «Yawe buɗ zoŋ mamma Yakob ay ki wa.»

EZAYI 48:6

Agi hum dlara di ay ki jew ndaɗta, waɗ ndaɗ li ki u irigi lay. Agi may ni ka di ki kay dla ndaɗtaɗi su? Cemi ni an takagi tlesuu wilina ni suu ay ki ŋgay agi wasi ka tuɗina.

JEREMI 10:11

Gola ni dlara agi hin dasirara, loogi suu li huulona u ndaŋgara kaɗina hin bulum ki kay ndaŋgara, ki kaŋga u huulona.

JEREMI 10:15

Ni dlara bay uɗta, ni tlesuu luuna hu buu ma kaɓakŋa ni asi hin miɗ kiyo.

JEREMI 31:10

Njaf suuna humugi boy ma vi Yawena haa. Jokogina ha ki maŋ suu ha ki fun lumma day dayna, dagi ana, sa njay suu Israelna ki keŋ lina fiɗina ka tokosi eg tasiya. Nam ka golosi ko ndal sa taa suuna gol suu mamsinara na.

JEREMI 4:16

Neegi suuna, neegi Yerusalem. Suu duuna col ay hu mbassa dayra ka mbaya. Asi ka yi ay kolo a duu u ɦoŋzi ma Yudana.

JEREMI 4:6

Yagi yira hahawra ha ii ko ma vi Siyonna na. Tuɗugi kak u ŋgusuna. Cologi duk hu voɗtaɗi. Ni hahawra an ka mbaaɗ ay ii ko ma mbayawnara ni dla cora ŋgolla.

JEREMI 46:14

Dagi boy namma ha ki maŋ suu hu Egiptena, ɓakagi boy namma suu hu Migdolna humum kiyo, ɓakagi boy namma suu hu Memfisna humum ha kiyo, suu Tapanesna lay, dagi ana, Cola gol u lina. Ŋgewna ka ci suuna keŋegu.

JEREMI 50:46

U tlira tli Babilonda ni ndaŋgara dlakka. Njaf suuna tii ŋgol cocoo.

JEREMI 51:12

Vagi vun ma tuɗ duuna kay gulumun ma vi Babilonna. Ҥagi saɓakŋa maŋ suu gol u suuna, tinigi suu gol u ziina. Yowogi suuna asi buu guɓura ki kaŋga voɗo. Gasi dlara Yawe daɗ kay suu Babilonnara, nam saa ay ki kaɗu, nam laɗ ki wa.

JEREMI 51:27

Takagi dlara duuna kay ndaŋgara, buugi tokolomma duk njaf suuna. Yowogi njaf suuna a tuɗ duu ma teteɗna u ndaɗu, yaɗ suu mulina kaɗu, Ararat, Minni, Askenaz. Ҥagi voɗta maŋ suu duu suu ŋgolona, asi yow suu duuna kaɗu. Sunugi kulumi suu duuna kaɗu u tasi bolowra ko ndal baara tli ay kolo ko ɗugulla doɓorokka na.

JEREMI 51:31

Suu vun sunda ŋgaf tasi voɗ na ŋgaf ŋgaf tuɗ a di boy namma maŋ mul ma Babilonna ana, ɦoŋzina ki tliiya, col ay ii wanna day ta ta tew ki ii ko hiŋŋa.

JEREMI 51:44

An li yara u Bel hu Babilon, an ɓaɗam va funum ma nam komomma kiyo. Njaf suuna hin ka tok ay kam oloɗi. Gulumun ma Babilonna lay ni bow ki kaŋgaa.

JEREMI 51:47

Na ɗaŋŋi buuna hin mbaa ma an hin duu u fuli suu vi Babilonna, mbas maɗta u ŋgoloɗ halaŋ hin ka kak gasi u furiraɗi, vo varaɗ ni suu maɗ suu fi dagka a miɗ kina halaŋ hin puk ki kaŋgaa.

JEREMI 51:52

Na ɗaŋŋi buuna ka mbaa, Yawe di na, ma an hin mbuɗ yara eg li ma togol fulina, hu mbas maɗta suu fi mbilna a miɗ kina hin aya.

JEREMI 51:8

Babilon kaf puka kaŋga na gaw ni, kus kiyo. Yoorogi tagi kaɗu. Doogi mbulna ii mbiliɗu, ndaɗ li hin suɗ kala.

JEREMI 52:31

Na may ni hu basara dok hindi yam kiɗisiya ta asi tli Joakim mul ma Yudana tuɗum ki mbaɓura hu til ma doogo yam mbana, hu buu ma dok mba' yam vadlna, Evil Merodak, mul ma Babilonna, hu basara nam kal hu mullara gaw ni nam hoŋ dla cora vi Joakim mul ma Yudana ki dagani, gam ay ki hu daŋgayna.

JEREMI 6:18

Na ɗaŋŋi agi suuna humugi haa, agi suu molina wagi dlara hin li kagira.

DANYEL 1:2

Bu Suuna ɦam Joakim, mul ma Yudana hu duk komu, tlesuu sunda hu zira vi Lona nde lay. Nam tuɗ tle asina ha ki hu mbassa Siniara, hu zira vi loogi suu ɦawana, nam hin cuk tle asina hu zira ŋgayra vi loommara.

DANYEL 3:14

Nabukodonosor ɓak boyna hin dasi ana, «Ni gasi su, Sadrak, Mesak u Abed Nego, ana agi ka sunugi loogi mansinaɗi ka goɓogi kaŋga fok mbuu doonora an miniɗtaɗi ni ge?

SOFONI 2:11

Yawe hin tak yaamba ki egesiya, nam hin hoŋ yam loogi suu ɦawa suu kay ndaŋgarana kaŋgaa. Suu wara suu ha ki hu mbassa day dayra hin goɓ kaŋga fok Yawe, gegelay kay ndaŋga mamba.

WIRA ŊGAYRA 18:2

Nam sawalla u delemba eŋga kolo ana, «Ndaɗ ndi kaŋga wa, ndaɗ ndi kaŋgawa, Babilon ta ŋgolla. Ndaɗ mbuɗ cem cemi ni li ma fulina lak huna, njaf ŋgussa cora bel bel ŋgay tasi ni huwa, layagi suu njenje sa ka golosi jiviɗina lakŋi huwa.