JEREMI 50:19 - Boy Lonana

¹⁹ An hin hoŋ Israel hu liiɗ ma ti haɗna, ndaɗ hin taa kay Karmelna u suu Basanna asi hin hoɓ ki kay ɦinira Efrayim u Galaadta.

JEREMI 50:19 ပူးပေါင်းရင်းမြစ်များ

EZDRAS 2:1

Gola ni goryoŋ suu ay hu ɦoŋzi ma bagina suu hoŋ ay ki hu yowra yowosi ki mbaɓurara, suu vi Nabukodonosor, mul ma Babilonna, yowosi tuɗusi ha ki hu Babilon. Asi hin hoŋ ay Yerusalem hu Yuda gegelay hu ɦoŋziimma.

SOOLLA VI SALOMON 6:5

Mbuɗ irik ay golon gige, gol makka guruɗun yan ki wa. Tlimiɗ yakŋi ko ndal dogoni ɦuni suu ay u tasi bolowna na, ka fel ay kolo kay ɦinira Galaadta.

EZAYI 33:9

Mbassa halaŋŋi hu hahawra, mbuɗ maŋiya, mbassa Libanda mbuɗ ki zolona ka jivi oloɗi, mbassa Saronda mbuɗ ki ko ŋgoo bagira na. Basan u Karmel hum ŋgusugi suu huna yak ki halaŋ halaŋ.

EZAYI 35:2

Ko asi halaŋ ɓoo, asi weɗ koloo, luura, sawalla furira. Bibiŋilla vi gu ma Libanna ɦasira ki wa. U ŋgolla vi ɦinira Karmella ura Saronda lay. Suuna hin wi bibiŋilla vi Yawe wi ŋgolla vi Looyginara.

JEREMI 23:3

«An may ni hin tok u suu man suu hinna kay tasiya, hu mbassa an njayasi ki hura halaŋ. An hin hoŋosi ay hu kaana asi hin zul coco lay, fi begera coco lay.

JEREMI 3:18

Hu li namma ni suu vi Yudana hin taɓ ki u suu Israelna. Asi col ay hu mbassa mbayawra hin mbay ko tasi dew hu mbassa an ɦaɗ ki maŋ somoyosi a jonara.

JEREMI 30:10

Aŋ saan ma sunda, Yakob, li ndaaɗi. Di na ni Yawe. Hin tok a asi kak ki Israel. An hin buɗuk ay ki hu mbassa dayra, njafak lay hu ndaŋgara agi ay ki ŋgayra huruɗta. Yakob hoŋ aya, nam fi saɓakŋa wa, nam ki kaki na en, sa mbuɗum ndaa ka oloɗi.

JEREMI 30:18

Na ɗaŋŋi Yawe ɓak anaba, an hin hoŋ mbutluɓma vi Yakobma kolo balamamu. An hin wi hahaw suu hu ɦoŋzi nammana. Ҥoŋzi managelay ni minim ki kolo kay ɦini mamba. Zira jivi taragelay hin fi liiɗ ma jewna.

JEREMI 30:7

Ni dla co me ɗaŋge? Gasi buu namma ŋgol cocoo, buu ma tli tam u nam kaɗi. Ni buu ma hahawra kay Yakob. Na may nam hin buɗ kiyo.

JEREMI 31:14

An hoɓ muli suu li ɓivunna ki u tliw ma mbulna. Suu mansina hoɓ hayasi ki u tlegeyenu. Yawe di na.

JEREMI 31:25

An laɓ vun suu laara mbuɗusi ki maŋiina, an hin mbuɗ suu maŋiina ki saɓak lay.

JEREMI 31:6

Buu ma suu gol yamba hin yi kolo kay ɦinira Efrayimba ana, coloygi kolo, tuɗuygi, Siyon, eg Yawe, Looyginana ki ŋgaya.

JEREMI 32:37

«An hin tokosi ay eg tasi ay hu mbassa an njayasi ha ki hura halaŋ halaŋ u yaandana u hurun ma ɓeŋi cocona lay. An hoŋosi ay hu li namma an hin kakasi hu u heɓpa a fafaɗta.

JEREMI 46:27

Na may aŋ, saan ma sunda, Yakob, li ndaaɗi, hin a dla ndaɗta suu kaŋgi, Israel. An hin buɗuŋ ay ki ko mbassa ay ki dayra, njafaŋ lay ay ki kay ndaŋgara asi ŋgay ki hura. Yakob hoŋ aya. Nam wi ki gasi wa. Nam ka kaki na en. Sa nam li ndaa kom ka oloɗi.

JEREMI 50:6

Timigii suu viɗ kina, ni suu mansina mbuɗ ki ni asiya. Suu golosi iiri masirana viɗisi ki wa. Asi tuɗusi asi talal ay kolo kay ɦinira ta ta, kay ɦinira ŋgolora u mayra goorira lay, humusi ka gasi kay liisi ma buunaɗi lay.

EZEKIYEL 11:17

Aŋ dasi ana, Bu Suuna, Yawe, di ana, an hin tokogi yagi ay ki duk njaf suuna halaŋ, an hin tokogi ki hu mbassa agi njay ha ki huruɗta, hin ɦagi mbassa Israella may.

EZEKIYEL 36:24

«An hin taaragi ay ki duk njaf suu ɦawana. An hin tokogi ay ki ni hu mbassa daŋga zeɗ zeɗ halaŋ. An hin mbaaragi ay ki kay ndaŋga magira.

EZEKIYEL 36:33

Bu Suuna, Yawe, di ana, hu buu ma an mbusugi ki teteɗ ko suluk maginana ni, an hin zul ɦoŋzina ki cocoo. Zi ma ki tooy kaŋgana hin min ki kolo lay.

EZEKIYEL 38:8

Ŋgoo dagan basara ŋgolo hu li ma lina ndak wa ni, an hin ɦaŋ voɗta aŋ tuɗ hu mbas mayra dayra, suu huna ka laki u heɓpa. Asi ka li ndaa duuɗi lay hu li ma asi toki kel tasi cocona. Aŋ hin dug ɦinira Israella ndaɗ hin mbuɗ ki ni ŋgoo bagira ɦawaa, may cemi ni suuna ka laki hu u heɓpa.

EZEKIYEL 47:18

Ii ma maɗiina nana ni agi ŋga duk ɦoŋ Hauran u Damas duk ɦoŋ Galaad u ndaŋgara vi suu Israelna, mbo lum ma Yurdanna ni a ii hakara ta ta tuɗ tew lumma Galakŋa ii u maɗiinana. Ni keŋ ma ay u maɗiinana li ni na.

MISE 7:14

Taa suu maŋsina u tokolo maŋga, yoori maŋsina, ka ki duk bubura kay tasiya, duk usuna. Ko asi ti haɗna hu Basan u Galaad ko ndal ay hu buu ma fok jew dayna na.

MISE 7:18

Hin ŋgaaŋŋi u Lo manage, aŋ ma bulum cora vi suuna kina, aŋ ma ka caa yaŋ kay yaraɗi lay na. Kay minda vi tlesuu hinna, jooŋŋa ka a mbuɗ co u yaaŋgaɗi, kay ana aŋ min a lami ni jivira egemiya.

ZAKARI 10:10

An hin hoŋosi ay hu mbassa Egiptera. An hin tokosi hu mbassa Asirira. An hin tuɗusi hu mbassa Galaaɗta u Liban, na lay ni dla ndaɗta ndak ka tuɗi.

NDUMBA 32:1

Goryoŋ Ruben u Gadna u yoorina kosi bolow cocoo. Asi wi mbassa Yazerra u mbasssa Galaadta na ni ndaɗ irisi jivi kay yoori masisina.

NDUMBA 32:4

ni mbas mayra Yawe tooɗ ki fok suu Israelnara, mbas ndaɗta jivi kay yoorina ɦay. Doli ni suu sun maŋsina ca ni yoorina kosi cocoo.

JOSUWE 17:15

Josuwe hoŋosi dira ana, «Lini agi zuli cocoo, ɦinira Efrayimba ka ndakagiɗi ni agi jak ha duk gura ŋgoo bagi hu mbassa vi suu Perizna u suu Refanna lagi senena ha huwa.»