JEREMI 50:14 - Boy Lonana

¹⁴ Njaragi a duuna ki kay Babilon ŋguyuɗ kiyo. Agi suu yowogi gu mburura kogina. Munugira u mburura, ŋgayagira kogi oloɗi kay ana ndaɗ li dla cora eg Yawe, ni ndaɗu.

JEREMI 50:14 ပူးပေါင်းရင်းမြစ်များ

2 SAMUEL 10:9

Joab wi ki kam ana nam hin li duuna u suu ŋgoromma lay, suu fokomma lay. Nam man suuna duk suu duu suu Israelna hin njaarasi kay cee tasi na diwliŋ fok suu Sirina.

SOOLLA 51:4

Mbusun ki ko coonda na mbus ge, ɦokon ki ko suluk manna.

EZAYI 13:4

Humugi della ka yal ay kolo kay ɦinira, ni ko del suu bolowna na. Humugi vunna tum duk suu hu mulla dewra, njaf suuna tok tasiya. Yawe, ma Saɓakŋa Kom Belna, jak wasiya, suu duu mamsina hin duurusiya.

EZAYI 5:28

Sii mbuuru masira guuri cocoo. Gu mbuuru masira tini fokosi bel bel. Sem kulumi masisina ki eŋga ko gogoyra na. Sem pus pus masisina tuɗ fetta ko mbirwinda na.

JEREMI 46:9

Suu kulumina tuɗ tlagi lina, suu pupusna sululugi ha kasi u yara. Ko suu saɓak suu duuna hal voɗta sel kira, suu hu Kusna u suu hu Putna suu wi yal mbari ma ŋguyna, suu hu Lud suu wi yal mbuurura yowoɗ kosiya.»

JEREMI 49:14

An hum boyna col ay fun Yawe hu li ma sa ŋgol ma duuna sunum ay eg suuna ana asi tok tasi tuɗ duu u ndaɗu. Yowoygi kolo tuɗuygi duuna.

JEREMI 49:35

Na ɗaŋŋi Yawe, ma Saɓakŋa Kom Belna, ɓak anaba, An hin kus gu mbuurura vi Elamba kiyo, vaaɗ ma ndaɗ li saɓakŋa u namma.

JEREMI 50:11

Gasi furiyugiya, lagi furira gasi, agi suu ɓeŋengi joonna kina, gasi luurugi njoŋŋa ko ndal mbutla wayra daɓaa hu fullara na, bayagi kolo ko gor kulumina na.

JEREMI 50:29

Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

JEREMI 50:42

Asi yow gu mbuurura u saɓina ay kosiya, asi ya cocoo ka wi hahaw saɗi. Vun ma asi lamma ni ko ndal mbo lum ma ŋgolna soora na. Asi ful ay kolo kay kulumina. Asi ay njaari fun tasi ko ndal suu duuna tuɗ li yara na. Asi tuɗ duu ni u ndaku, Babilon ta jivira.

JEREMI 50:7

Suu fasina halaŋŋi casi kiyo. Suu duu u asina di ana, «Ami hin ka li u dla co kamiɗi kay ana asi li dla cora eg Yawe ni asiya.» Saɓak ma kaɓakŋa, saara vi somoyosira ni Yawe.

JEREMI 50:9

Gasi an hin mba suuna ay cukusi duuna eg Babilon. Suu hu njaf suu col ay mbayawna. Asi hin nja tasi ay a duuna u ndaɗu, hin daɓaɗ dlaɗ ki ni na gaw may. Sin mburu masira ni ko sa duu ma saɓak coco ma ci suuna ɦayna na ka hoŋ ay koɗ ɦawaɗi.

JEREMI 51:2

An sunuɗ suu koyogina ha kaɗu, asi hin njayaɗ kiyo, ɦurumuɗ mbas maɗta kiyo. Asi hin sel ay kaɗ ni keŋ lina halaŋ hu buu ma hahawra.

JEREMI 51:27

Takagi dlara duuna kay ndaŋgara, buugi tokolomma duk njaf suuna. Yowogi njaf suuna a tuɗ duu ma teteɗna u ndaɗu, yaɗ suu mulina kaɗu, Ararat, Minni, Askenaz. Ҥagi voɗta maŋ suu duu suu ŋgolona, asi yow suu duuna kaɗu. Sunugi kulumi suu duuna kaɗu u tasi bolowra ko ndal baara tli ay kolo ko ɗugulla doɓorokka na.

JEREMI 51:3

Hinigi sa tli gu mbuuru mamba kom a duuna naɗi, hinigi sa cuk koroŋ ma duuna egemmaɗi lay, gorzoŋŋii maɗ suu duunaɗi lay, ɦangi suu maɗ suu duuna ay ki halaŋ halaŋ.

HABAKUK 2:17

Gasi saɓak ma aŋ lam ay hu Libanna pereɗ kaŋ wa, mbuuri suu ɓeŋ tlegena kina hin casi kiyo kay busu suuna, kay dla cora laɗ hu mbassara, hu zi ma ŋgolna u suu ɦurumma halaŋ.

HABAKUK 2:8

Ko aŋ ɦurum suuna bolowra na, njaf suu hinna halaŋ hin ɦurumuŋu, kay busu ma vi suunana kay saɓak ma aŋ lam kay mbassana, hu zi ma ŋgolna u suu ɦurumma halaŋ.

WIRA ŊGAYRA 17:5

Semma dlaamba ŋgayna ɓiiri vokoɗu, «Ni Babilon ta ŋgolla, su boyogi suu gawlaŋina u dla cora hu ndaŋgara halaŋga.»

1 SAMUEL 17:20

David col kolo maɗii na feɗet hin yoorina ka maŋ sa golla, tli nek mamba kam tani, tuɗ u vun sunda vi Jesera tew ki hu kaŋŋa. Asgaari suu hin tuɗ a dlaɓ u ndarayasina fun duunana, yi kolo u delesira eŋga a duuna.