JEREMI 5:31 - Boy Lonana

³¹ Suu jok vun Lona ɓak ki ni dlara kaboyna. Muli suu li ɓivunna min li ni dlara a fi huruɗta. Suu mansina hurusi heɓ ki wa. Na may agi hin lagi ni me ŋgoo dagan ologe?

JEREMI 5:31 ပူးပေါင်းရင်းမြစ်များ

1 MULINA 22:6

Mul ma Israelna tok suu jok vun Lona ay va ma kis kis fiɗi dasi ana, «An ndak a tuɗ duu u Ramot ta Galaadta ɗowba an kak su?» Asi hoŋom dira ana, «Tuɗ ɗow. Bu Suuna ɦaɗ ki hu duk ko mulnawa.»

VUN ŊGOLNA 17:4

Sa ma dlam cona jeɓee ni dla cora sak sak. Sa ma kaboyna hummi dlara ganyamba.

EZAYI 10:3

Hu buu ma kaɓakŋa agi hin li tagi ni nanage? Hu li ma bil mbona mba wa toko ni agi hin li ni nanage? Sa ma agi hin liŋ egem a njun kagina ni gege? Bege magira agi hin cukuɗ ni arage?

EZAYI 20:6

Na ɗaŋŋi suu cuki hu mbas ndaɗtana hin di ana, «Gola suu may suu ay gol irigi usi dewna, suu aygi ŋgay taygi varsina, ni suu ɦaygi njunda ay a buɗuygi ki ko suu Asirina lay. Aygi may ni hin suɗ ki ni nananage?»

EZAYI 33:14

Suu li dla cora suu hu Siyonna puk kaŋgaa, asi ka li ndaana ko ndaŋgara geŋeɗta. Asi di ana dukuygi ni sa ma hin colna ni gege? Kay ni kura ŋgalla sa ma dukuygi ma hin colna ni gege? Kay ni zul ŋgolla kura ta uɗ ka doɗira.

EZAYI 43:27

Somoyogi suu jewna li cora aya, suu magi suu ŋgolona ci wayra u anu.

EZAYI 47:7

Aŋ ɓak taŋ ana, «An hin a ti mulla kasi ni a fafaɗta,» dlara li coco wanda aŋ saa ka huruŋ kaɗ na ndeɗi lay, saa ka ana boy li hin mbuɗ dagan kalageraɗi lay.

JEREMI 12:4

Ndaŋgara hin yoo taɗ ni buuna ta ta gage, usu ma bagina hin so ki ni saɓa mayge? Mburi suu bagina miɗ ki ni kay cora vi suu maɗsinara. Asi suu di ana, «Nam ka wami voɗomiɗi.»

JEREMI 14:14

Yawe hoŋon dira ana, «Dlara suu jok vun Lona ɓakaɗ u senda ki ni coo. An cukusi ay ka ni anɗi. An joɓosi va kaɗi lay. An dasi dla ha kaɗi lay. Wiisira ni ta kaboyna. Asi di ni boy ma um kaɗina. Dlara njaɗaɗ u yasira, dlara asi faɗ kolo duk ganyam suuna u ndaɗta ni boy ma asi ɓakamma.»

JEREMI 26:7

Muli suu li ɓivunna, suu jok vun Lona u suuna halaŋ hum vun Jeremi hu li ma nam ɓak boy namma hu Zira vi Yawera.

YOORA 1:9

Zozoɗ maɗta ki eg baraw maɗna lay. Ndaɗ ka saa kay dlara mbay dagandaɗi. ɓeŋ maɗta ki ŋgol cocoo. Sa heɓeɗ huruɗ kaɗi. Gola Yawe ni zolo manna, babali manna wul ni wuliya.

YOORA 2:14

Suu mak suu jok vun Lona ka wi tlena ay maku, ni kaboyna u ganyamba. Asi ka gak u dla cookka kiɗi, ni dlara hoŋok ki daganda. Asi wak tlena ay ni maku, di ni dlara kaboyna viɗ suuna kira.

YOORA 4:13

Ni kay dla cora vi suu maɗ suu jok vun Lona, ni kay dla cora vi muli maɗ suu li ɓivunna suu vo busu suu ɗegeena ki kaŋga huruɗna.

YOORA 4:18

Asi dikimi, ciɗimi balam semiya, ami ka ndak a hoŋ hu liimina oloɗi. Ami hin tok a daɓ kira, buu mamina njak ki fun tam wa, daɓ mamira mba wa.

EZEKIYEL 13:10

«Asi viɗin suu mansina ki ana heɓpa mba wa, doliɗi ni heɓpa kaɗi may. Asi hoo ta gulumunna kiyo, gulumun ma suu mansina minim kasina.

EZEKIYEL 13:6

Asi wi ni wira kaboyna ɦawaa, asi di dlara ha fokka ni dlara mbaɗ tara ɦawa lay. Asi suu di ana Yawe di ay na, bay Yawe cukusi ay layna, asi ka juɓmi ana nam hin lasi dlaasira asi daɗta kiyo.

EZEKIYEL 22:14

Hu li ma an a kaaŋ ɓakŋa kaŋŋa ni huruŋ hin li vii eŋ may su? Koŋ hin li saɓak na gak may su? An Yawe dlara an daɗta ni an hin laɗ kiyo.

Magaara Vi Sa Jok Vun Lona OZE 4:9

Dla cora ko ndaɗta nara hin fi suuna u muli suu li ɓivunna. An hin ɓakasi ki kay tuɗ masira. An hin tinisi nek dla coosira kasiya.

Magaara Vi Sa Jok Vun Lona OZE 6:10

Hu ɦoŋzi ma Israelna, an wi tlesuu co ɦayna, ni dla cora vi Efrayimba, Israel mbuɗ taɗ njenjera ki um wa lay.

Magaara Vi Sa Jok Vun Lona OZE 9:5

Agi hin lagi ni nana hu buu ma ŋgaf yam tarage, hu buu ma luuna vi Yawena ge?

MISE 2:11

Na ni hin fi sa ma dol u semeɗna su, a hin kaboyna ana, «Kay veŋ u sum ma yara an hin kaboyna ni kagiya.» Na ɗaŋŋi nam hin li ni a sa ma di boyna maŋ suu asina na.

MISE 2:6

«Ɓakagi boy nammaɗi, asi ɓakam su? Asi ka ndak a ɓak ko wanda naɗi, boy ma cona hin ka a ɦuɗ ki keŋ dayɗi.

MISE 3:11

Muli suu asina kaɓakŋa ni kay gegeli sum veŋŋa ɦawaa, suu haɗta haɗ suuna ni kay a mbuɗ tasi begera ɦawaa, suu jok vun Lona ɓak boyna ki fok jew ni kay gursura ɦawaa. Ni u saɓak ma vi Yawena asi di ana, «Yawe na ni ka dukuygiɗi su? Ҥawaa, hahawra hin ka a mba kaygiɗi.»

SOFONI 3:4

Suu maɗ suu jok vun Lona ni suu ŋga tasina, suu kulla lay. Muli maɗ suu li ɓivunna mbuɗ tlesuu li ɓivunna ki njenje lay.

GA 8ATAMBARA 32:20

Nam di ana, «An min ŋgay tan ki irisiya, an hin golosi dlara hin fasi ha fokka tuwa. Kay asi ni njaf suu dlasi cona, ni ka gor suu aŋ sa caa yaŋ kay dlasiraɗi.

GA 8ATAMBARA 32:29

Lini asi ni suu wi dlaa ni asi ii a hum gini, asi hin saa gin kay iiri masira ha fokka may.