JEREMI 5:3 - Boy Lonana

³ Yawe, iriŋ ka tinira ni a gol gasiraɗi su? Aŋ waɗasiya, va ka ŋgenesiɗi. Aŋ casi ki lay. Asi ka humuŋ gaɗ maŋgaɗi. Asi mbuɗ vogosi ki eŋga su gogoyra. Asi ka min a hoŋ ayɗi.

JEREMI 5:3 ပူးပေါင်းရင်းမြစ်များ

URA TIN AYRA 19:34

Vin maɗiira ni ta ŋgolla dira goora ana, «An buu ka u bunu. Ҥayna summa olo ndak tuɗ buu karam njeŋge u namu. Kay a ɗok njaf buya ka njaf buy ndi kiɗi.»

1 MULINA 13:33

Dlara li vaɗ na lay ni, mulna Jeroboam ka hin poy mamba co ndaɗta kiɗi. Nam tuɗ fok u yowra yow muli suu li ɓivunna ay duk suu weɗnara gak gak. Sa ma min sun ndaɗta ni nam ɦamba ni na gaw.

2 MULINA 1:13

Mulna sun sa ŋgol ma daŋŋa ay u suuna um dok-vadl olo. Ma hindi namma ɗiŋ ha koloo, may nam tuɗ cuk vun givim kaŋga fok Eli, cenem di ana, «Sa ma vi Lonna, ko iiri manda gol iriŋ jivi na golge, u iirira vi suu sun maŋsina suu un dok-vadlna, li iriŋ jivi na li mayge?

2 DLAŊ MULINARA 16:9

Yawe ka gol yam ndaŋgara ki ni halaŋ a njun u suu hin tasi komma suu minim u hurusi belna. Dlara wanda aŋ laɗ ni ko sa ma ka wi vaɗina na, hin fok wanda aŋ ha ni eg duuna na gak gak.»

2 DLAŊ MULINARA 28:22

Duk dlara yoora cocora na lay ni Akaz ka hin cora laɗ eg Yaweraɗi.

SOOLLA 51:6

An li co ndaɗta ni egeŋ aŋ na dew, an li dlara ka iriŋ jiviɗira. Kay ndaɗta aŋ ɓakŋi u voɗoɗu, ɓak maŋŋa, ŋgul ka huɗi.

SOOLLA 51:8

Aŋ may ni minni huu ma jivina, duk ndufun manda aŋ takan neeŋga.

SOOLLA 55:20

Ko Lona hum haa, mbuɗusi zolona, nam ma ay kaki mulna day day ka mbuɗɗina. Asi ka jok hurusiɗi lay, ka li ndaa Lonaɗi lay.

VUN ŊGOLNA 21:29

Sa ma dlam cona so hurum kay dlaamba. Sa ma ɗegeena li dlaamba ki ni jivi u voɗoɗ ɗegee.

VUN ŊGOLNA 22:12

Yawe njun kay wira gasira. Suu dlasi cona nam bulumusi boy masina kiyo.

VUN ŊGOLNA 23:35

Hu li ma iriŋ ɗil ki wa ni, aŋ hin di ana, «Asi poŋonni an tan ka tanɗi lay, Asi waɗanni an ka wi kon dewɗi lay. An joɓ tan ana, na ni an hin dliɗ ki ni saɓage? An hin hoŋ joɓ kay summa olo.»

VUN ŊGOLNA 27:22

Lini aŋ du sa ma laɓana hu zuzura duk wana lay ni, laɓa mamba ka paɗ ki egembi lay.

EZAYI 26:11

Cemi Yawe koŋ ka tli koloo asi ka wambi lay. Na may asi wi huruŋ ma haɗ kay suu maŋsinana asi mbuɗ ki zolona. Kura aŋ miniɗ kay suu babali maŋsinara ŋgalasi ki wa.

EZAYI 42:25

Kay ndaɗta nam vo yaamba kay suu Israelna, cukusi suu duuna kasiya, asi ŋgufusi kura ay ki kasi halaŋŋi asi ka wiɗi lay. Ku ndaɗta ŋgalasi ni asi ka caa yasi huɗi lay.

EZAYI 48:4

An wi ana agi yagi eŋ cocoo, delegi ki sooyra ko ndal kawina na. Vogogi eŋga ko kawi ma tlawna na.

EZAYI 9:13

Kay ndaɗta Yawe ka yamba u njawra hu Israella kiyo. Nam ka manawna u cerewna ki ni buu ma dewna.

JEREMI 15:7

Hu ɦoŋzi ma hu mbassana, an tli kaalamba kon a njayasi kira. An ɓeŋ suu mansina ki ni u cira casi goryosi kira, na lay ni asi jok tuɗ masira kaɗi.

JEREMI 17:23

Asi may ni hum kaɗi, tin humusi kaɗi lay. Asi so delesi ki eŋga ka min a humbi lay, ka vi u gaɗtaɗi lay.

JEREMI 19:15

Na ɗaŋŋi Yawe, ma Saɓakŋa Kom Belna, Lona vi Israel ɓak anaba, an hin mbaa suuna ay kay ɦoŋzi namma, kay suu ŋguy kamma lay dla cora an min a laɗ egesira kay ana asi so delesi kiyo, ka min humun boy mannaɗi.

JEREMI 2:30

An poŋogi goryogi ni a wassa. Asi ka humun haɗ mandaɗi. Ŋgew magira cagi suu magi suu jok vun Lona ko ndal dlo ma vi mburina na.

JEREMI 3:3

Yo lo ma si ŋgolona doorom ki kak wa. Lo ma si ŋgoo daganna ka mba oloɗi. Na may ndak su vunna u yamba eŋga a li gawlaŋŋa ka vi dla cookka kakgi.

JEREMI 32:19

Sa gaɗ suuna ma jivi ɦayna sa ma li dlara ŋgolora ɦayna, iriŋ ka tini kay gegelay a golom tuɗ mamba, aŋ hin ka ɓakŋa kay gegelay ni u tuɗ mamba, ni u sun mamba nam laɗta.

JEREMI 35:13

«Na ɗaŋŋi Yawe, ma Saɓakŋa Kom Belna, Lona vi suu Israelna, ɓak anaba, tuɗ di suu Yudana u suu hu Yerusalemma. Na ni agi ndak a humun gaɗ manda u boy manna ɗaŋ su? Yawe di na.

JEREMI 44:10

Ta ta karam lay ni asi wi dlara hahaw ka egesiɗi. Asi ka wi yal ma ŋga suunaɗi, asi ka tuɗ u gaɗtaɗi lay, yal ma an takaginana lay, takam maŋ somoyogina lay.

JEREMI 7:26

Na may asi humun kaɗi. Asi tin humusi kaɗi, asi so yasi kiyo. Asi ki suluk su somoyosiya.

JEREMI 7:28

Aŋ dasi ɗaŋ, gologiya, suu ka hum vun Yawe, Loosinaɗina, ka li u gaɗ mambaɗina, gasira viɗ ki wa, ndaɗ bulum ki funusi wa.

JEREMI 8:5

Ni kay me na ɗaŋ ge, suu Yerusalem agina, viɗ tagi ki ŋgolla cocora u dla cora laɗta na ni kay mege? Asi vi vunusi eŋga kay saa masira bay uɗta, asi ka min a hoŋ ayɗi.

EZEKIYEL 2:4

Suu may suu yasi eŋŋa hurusi sooy coco lay. An min sunuŋ egesiya, aŋ tuɗ dasi ana, gola Bu Suuna, Yawe, ɓak ay na.

EZEKIYEL 24:13

Yerusalem, ndak mbuɗ tak ki njenjera u dlaakka cora. An hal a mbusuk lay ni ndak ka min mbus ki oloɗi. Na may ni ndak ka ndak a mbus ki oloɗi ta ta yaanda daɓ ki egek tuwa.

DANYEL 9:13

Ko ki ɓiirira hu magaara gaɗta vi Moizza na, dla co ndaɗta halaŋ mba kamiya, may ami heɓ huu Yawe, Loomina, ka u hinda hin coomira kiraɗi, a li ka kira na en hu ɗegee mambaɗi.

DLAŊ LEVIRA 26:23

«Dla ndaɗta ndakagi kaɗi, lini agi tuɗ fok u ŋgella ŋgelen vununda ni,

AMOS 4:10

An cukugi tuguɗiira cora col ay Egiptera kagiya. An cagi gorzoŋŋii magisina ki u ŋgewra, yowogi kulumi magisina. An pereɗegi his tlesuu buy suu hu mbas magirana ha kagi lay, agi hoŋ ay ka egenɗi. Yawe di na.

AMOS 4:11

An bulumugi ki ko ndal Lona bulum suu Sodom u Gomorna kira na lay. Agi ay ni ko ndal vun guna ɓaɗam ay ki duk ku zinana na, na may agi hoŋ ay ka egenɗi. Yawe di na.

AMOS 4:6

Ni an daŋ may, ɦagi va ka agi gi kay siigi hu ɦoŋziiginaɗi halaŋ halaŋŋi anu, mayra cagi agi ka fi fu ma tiraɗi hu ziigi halaŋ halaŋ, na may agi hoŋogi ay ka egenɗi, Yawe di na.

AMOS 4:8

Ҥoŋzina mba' ɗowba hindi viriw na cow, tuɗ hu ɦoŋzi ma hiŋŋa joɓ yona a cira, fam kaɗi, na may agi hoŋ ay ka egenɗi. Yawe di na.

AMOS 4:9

An cukugi himiina kagiya. Tlesuu hu sene maginana ka vuɗ oloɗi. Ŋgus gugutlura, ŋgus tulumma, ŋgus conora njufulna tasi kiyo. Na may agi hoŋ ay ka egenɗi. Yawe di na.

SOFONI 3:7

An ɓak tan ana, Jivira ni ndak humun gin vununu, van gin haɗ manda kaku, ni ziik hin ka bulum kiɗi. Hu li ma an kal duk wa ni, suu maɗsina ɦal ni yal ma viɗ yam suuna ki viɗina na ɗow ɗow.

ROMMA 2:2

Aygi wi ana Lona kaɓakŋa u gasira kay suu li cora ko ndaɗta na na.

HEBRENA 12:9

Saaraygi kay somoyoygi suu hu ndaŋgarana gige, asi gaɗaygiya aygi hum usi may. Ni aygi ndak a hum u Buygi ma kolo huulona kay a kak iiriya.