JEREMI 5:24 - Boy Lonana

²⁴ Asi ka ɓak tasi kay tasi ana, «Ŋgaaygi Yawe Looyginaraɗi, nam saygi yona kaygi hu liim tew tew vun ɦoɗogolna lay, vun walla lay, goloygi njaf tlena tew eg liisi ma feɗta.»

JEREMI 5:24 ပူးပေါင်းရင်းမြစ်များ

URA TIN AYRA 8:22

Hu li ma ndaŋgara kana, zaara zaa njafna u feɗta ka daɓpi, ni na lay til zamalla u til semeɗna, ndolla u walla, faalira u njeŋgera, tlesuu asina ka daɓ kiɗi.»

1 MULINA 17:1

Eli sa ma ay hu ɦoŋzi ma Tisbena hu mbassa Galaadta mba di mulna Akab ana, «U sem Yawe, Lona vi suu Israelna, ma ka iiri tew tewna, ma an ka sunum wanna, basara hin fok cara ni lo ka siɗi, mbaɗagi ka gi kay ndaŋgaraɗi lay, bay an di an na baɗi.»

JOB 29:23

Asi ka juɓunni ko ndal suuna juɓ yo lona na. Vunusi ki malira na hoŋ a furyunda.

JOB 38:37

Sa ma yal coco ɦay ma wi ndum ɗugulla kina ni gege? Ma ndak a vo mbo ma kolo huulonna ay ki ga halaŋŋa ni gege?

JOB 5:10

Nammi sa ma si mbona ay a laɓ yam ndaŋgara, nam sun yoom ma kolo huulonana ay a si hu senena.

SOOLLA 147:8

Nam li ɗugulla kolo huulona ni namu, nam si yona ay kay ndaŋgara ni namu, nam day usuna kolo kay ɦinira ni namu,

SOOLLA 65:9

Suu hu duliyara halaŋ li ndaana ko dlara aŋ laɗta, an tak furira u maɗiina lay u fiɗigina lay.

EZAYI 64:7

Na may ni Yawe aŋŋi bumiya, ami ni lubuna ɦawaa, aŋ minimi ni aŋu, ami halaŋŋi sunda aŋ laɗ u bik koŋga.

JEREMI 10:13

kay ana nam tok mbo ma saɓak cocona ki kolo huulona, nam hin ɗugulla ŋgolora tin kolo kay ndaŋgara hu uɗ ma daɓ ayna, nam hin yona si kaŋga kaygi u welera lay. Nam sel semeɗ ma ay hu gurumma ki kaygiya.

JEREMI 14:22

Duk fuli suu cona na ni, suu ndak a mba yo Lona ay kaŋgana ka su? Yona col sira ay ni kolo huulonaɗi su? Ka ni aŋ, Yawe, Loominaɗi su? Ami ka juɓuŋu kay ana aŋŋi sa li tle asinanaɗi su?

JEREMI 2:19

Ko cookka lasaku, ko dla cookka gaɗak vunuku. Ko dla cora lasak na ta ta faɗak ki na toŋ, kay noyra ndak noy Bu Suuna, Lookŋa, kira. Gasi, ndak lay ni ka dlak ndaa fokon oloɗi. Yawe Lona, ma Saɓakŋa Kom Belna, di na.

JEREMI 3:3

Yo lo ma si ŋgolona doorom ki kak wa. Lo ma si ŋgoo daganna ka mba oloɗi. Na may ndak su vunna u yamba eŋga a li gawlaŋŋa ka vi dla cookka kakgi.

JEREMI 5:22

Agi hin ka ŋgaan kiɗi olo su? Yawe di na. Hin ka lagi ndaana fokonɗi su? An sa ka ii lumma ŋgolna ki u ŋgetlna na, ii hakara nam hin ka jak ki kaɗɗi a fafaɗta. Nam zal walak walak lay ni saɓakam kaɗi. Bil mamma ndak soo coco lay, hin ka jakgi.

JEREMI 50:5

Asi joɓ kay voɗta Siyonda. Asi tin irisi ni hu voɗ ndaɗta. Asi mbay taɓ ko tasi u Yawe vi banara u nam a fafaɗta, ka a maa kiɗi.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

Magaara Vi Sa Jok Vun Lona OZE 6:1

«Mbaagi aya, hoŋoygi eg Yawe. Nammi sa dakaygi kina, nam hin ciliygi ki ni nam lay. Nam waɗaygiya, nam hin njunuygi mbiliygi ni nam lay.

JOEL 2:23

Agi suu hu Siyonna lagi furira u Yawe Loogina. Nam ɦagi mbo lo ma ndolna a suɗugi kira. Nam si yo ma ndolna hu lina kagi ko ay fok jew dayra na.

AMOS 4:7

Ni an daŋ may, doorogi yona ka si kagi ŋgolɗi ni anu, tilna hin fok hindi a gijaŋ tlena feɗtara, an si yona ka kay zi maa dew may, hin maa ki mayraɗi, sene maa ɦiw yona si hu may, maa ɦiw yona kaɗi, so ki mayraɗi.

ZAKARI 10:1

Joɓogi Yawe kay mbo lo ma hu til faɗtana. Yawe mba ɗugulla ay ni namu. Nam si yona ay kaŋga ŋgolla cocora ni namu, ɦal vuɗ tlena bagi hu senena maŋ gegelay ni namu.

MATIYE 5:45

Agi li li na ni, agi hin mbuɗ ki goryoŋ Lo kolona. Nam ti fat mamba kay suu cona lay, kay suu jivina lay. Nam si yoom ay kay suu cona ko suu jivina na lay.

SUNDA 14:17

Na lay ni nam tak jivira egegi tew tew lay. Nam si yoom ay kaŋga a agi li njafna, nam ɦagi tina, oyogi hurugi u furira.»

GA 8ATAMBARA 28:12

Yawe hin sagi yoo lona varagi u tilim ma jivina tew tew hu mbassa agi cuki hura, paɗ vunum ki kay sun magira agi laɗta halaŋ halaŋ. «Agi hin ɦal tlena ki balna kay njaf suu daŋŋa cocoo, tagi agira may ni ka a tli va ay vi saɗi kama.

Magaara JAK Ɓiiriɗta 5:7

Gorsenna ɗiligi irigi u lalamba na ɗil gak gak falira Bu Suuna hin mbara. Gologiya sa ma horokŋa ka ɗigil irim kay juɓ tlesuu ndaŋgara neesina. Nam irim na ɗil gak gak juɓ lo ma si jewna u ma si daganna lay.

WIRA ŊGAYRA 11:6

Asi ka u eŋga kosi kay a dug huulona kay a yo si hu li ma asi a di Boy Lonanaɗi. Saɓak ma asi a mbuɗ yona ki busuna kosi lay, asi ka u saɓakŋa kay a ci ndaŋgara mbaa njaf dlara mbuɗta zeɗ zeɗ ko asi minda na.