JEREMI 5:17 - Boy Lonana

¹⁷ Asi ti ki ni tlesuu aŋ feɗesina, fuuŋa lay. Asi komoŋ ki ni goryoŋ suu njufiina u gorɓiina. Asi komoŋ ki ni yoori maŋ suu gorina u suu ŋgolona. Asi ti ki ni gugutlu maŋga u tulum maŋŋa. Asi tooŋ liiŋ ma saɓak ma aŋ saa ana aŋ ka kaki hurum u heɓpa hu li ma asi hin mbay u ŋgewegina na.

JEREMI 5:17 ပူးပေါင်းရင်းမြစ်များ

EZAYI 62:8

Yawe suu tam u bik kom ma njufna ma saɓakŋa ana, wa ma agi horokomma an ka hin suu babali magisina a tambi, suu koyogina ka a cagi sum veŋ ma agi loɓ tagi kam a horokommaɗi lay.

EZAYI 62:9

Suu horok wa nammana hin ti vaasina ni asiya, asi hin ŋga Yawe. Suu may suu tok yam sum veŋŋana hin ci vaasina ni asiya, vo hu kaana fun Ziŋ Lonana.

EZAYI 65:22

Asi ka min zi ma daŋ a sa kal huɗi, ka pi ŋgusu a sa ma daŋ tambi lay. Kay buu ŋgusuna ŋgaay ni na ga, ni buu suu mansina ŋgaay ni na may. Suu an manasina ndak ti tlesuu asi lasi u bik kosina ki halaŋ halaŋ.

JEREMI 1:15

An hin yi njaf muli suu ii ko ma mbayawna u deeresi halaŋ. Yawe di na. Asi mbaya, gegelay tin dlam mamba mulla vun grek ma vi Yerusalemma, irisi tini kay gulumun ma ŋguy kaɗna na ɗow, irisi tini kay ɦoŋzi ma Yudana na ɗow.

JEREMI 25:37

Katlaŋ mayra mbiira seŋ ki na yerek yerek fok yara vi Yawera.

JEREMI 4:26

An gol na ni, mbas mayra bubura ɦayra mbuɗ ki fulla. Ҥoŋzina halaŋ ki ŋgaliya, ni ko yara vi Yawera.

JEREMI 4:7

Dlona hin kal ay ki hu zulumu. Sa ci suuna kina hin gi tam ki hu voɗta. Nam kal ay ki vo varam a mbuɗugi mbas magira ki hahawra. Ҥoŋziigina hin ŋgalam kiyo, ci suu hurusina ki may.

JEREMI 5:18

Hu li namma na lay ni, Yawe di ana, an hin ka cagi ki halaŋgi.

JEREMI 50:17

Israel ni timiira viɗ ki dlona dikiɗta. Jew gigiŋŋi mul ma Asirina gaɗ jaŋaɗ aya, Nabukodonosor mul ma Babilonna hin jak u ndaɗu, hin daɓaɗ ki ta ta hiniɗ ni sokoɗu.

JEREMI 50:7

Suu fasina halaŋŋi casi kiyo. Suu duu u asina di ana, «Ami hin ka li u dla co kamiɗi kay ana asi li dla cora eg Yawe ni asiya.» Saɓak ma kaɓakŋa, saara vi somoyosira ni Yawe.

JEREMI 8:13

An hurun ki tinira a daɓasi ki cira. Yawe di na. Gugutlura ka vuɗ oloɗi, tulumma ka vuɗ oloɗi, humum yak kiyo. An ɦasi ki maŋ suu hin tli voɗta ay kasina.

JEREMI 8:16

Ay hu Dan day ni asi hum semeɗ ma u sem kulumi mamsinana. Bayra asi bayra ndaŋgara dlaka. Asi mbay ni a ɓeŋ ndaŋgara ki u tlesuu kaɗna, ɦoŋzina u suu hurumma.

YOORA 2:12

Asi joɓ susi ana, Wana u sum veŋŋa arage? Hu li ma asi puk kaŋga ko ndal suu fi dagka ay hu li ma hu ɦoŋzinana na, hu li ma iiri masira seed ki ko somoyosina na.

YOORA 2:2

Bu Suuna bulum mbassa vi Yakobpa ki halaŋ halaŋ. Nam hawaɗ li ma saɓak ma vi Yudana ki kaŋga u yaamba. Nam gi mulla u muli maɗsina ki kaŋgaa.

EZEKIYEL 36:4

Kay ndaɗta ɦinira vi suu Israelna humugi boy ma vi Bu Suuna Yawena haa. Bu Suuna, Yawe, di ana maŋ ɦinira, maŋ li mbuy kolona, maŋ li ma law mbona, maŋ ɦuɗugumba, maŋ ŋgoo bagira ki ɓalakira, maŋ ɦoŋzi ma noyom kina, suu hoɓ ki u pan ma vi njaf suu daŋ suu ŋguyugina halaŋŋa.

Magaara Vi Sa Jok Vun Lona OZE 2:12

Cecem wanda an hin ɓakaɗ dlaaɗta zolona ki ii banayaɗna. Sa hin ka ɓaɗaɗ ki kon oloɗi.

Magaara Vi Sa Jok Vun Lona OZE 8:14

Israel maa ki kay sa laɗna wa, na may ndaɗ min zigini suu jivina kaɗu. Yuda may ni zul ɦoŋzi ma jivi ma saɓakŋa ni zuliya. Na may an hin sun kura ay kay ɦoŋzi namma ndaɗ hin ŋgal zigini suu jivi asina kiyo.

JOEL 2:3

Kura ŋgal fokom may, ŋgorom dagan sin kura ŋgal may. Ndaŋgara fokommi ko ndal sene ma Edenna na ŋgorom dagan fulla ki ɓeŋira. Va dew lay ka suɗ kombi.

DLAŊ LEVIRA 26:16

«Gola ni dlara an hin lagira egegira. An hin gagi dlara ndaana kagiya, gagi tuguɗiira kagiya, tuguɗii mayra irigi ka wi oloɗira, ta cagi ki maɗnara lay. Agi zaa wana hu sene magina lay ni ka fambi, suu babali magisina hin feɗem ki ni asiya.

SOFONI 3:6

Lona di ana «An bulum suuna kiyo, zigini suu fiyek mini kolo keŋ gulumunnana an toosi ki lay. An bulumusi voɗ masira ki lay, sa ka jak voɗ oloɗi, ɦoŋzi masina ki hawaɗiya, sa ka oloɗi, sa kak hu zi ka oloɗi.

MALASI 1:4

Yawe, ma Saɓakŋa Kom Belna, di ana, «Lini suu Edomma di ana, Ami ki ɓeŋiya may ami hin hoŋ tlegeyemi kolo minda. Ko asi hoŋosi kolo minda may, an tanda hin hawaɗasi ki may. Hin tinisi sesi ana mbassa sulukŋa, suu Yawe hurum ka heɓ ki egesi na zakgina.

GA 8ATAMBARA 28:33

Wa ma agi horokomma u vuɗ tlegeyegi suu agi zaarasina halaŋ hin tasi ki ni suu agi ka wasiɗina. Agi ka fi saɓak ma a yow va ay vi suu daŋŋa na ɗow ni kaɗi.