JEREMI 49:37 - Boy Lonana

³⁷ An mbuɗ suu Elamma ki maŋira fok suu babali masisina, fok suu min a casi kina. An mbaasi dla cora kasiya, yaanda kura keŋ keŋga. Yawe di na. An gasi ŋgewna kasi na su ta ta an daɓasi ki cira tuwa.

JEREMI 49:37 ပူးပေါင်းရင်းမြစ်များ

JEREMI 30:24

Saɓak yara vi Yawera hin ka heɓbi. Nam hin li dlara nam min a laɗta ki li gi. Agi hin fagi yalna ha fok tuwa.

JEREMI 48:2

Moab seɗ ma tiina daɓ ki wa. Ay hu Hesebon asi li yal ma tii maɗna kaɗu. Tuɗuygi bulumuygi njaf suu asina kiyo. Ndak Madmen lay ni mbuɗ ki seŋŋira na yerek yerek. Ŋgewna ka ciɗik seku.

JEREMI 48:39

Ni nanage, ndaɗ puk ki kaŋga wa. Gurniya, Ni nanage, Moab pereɗ ŋgoroɗ ki ko zolona. Moab hal dlara ndarayaɗna san uɗ panaɗta ɦay.

JEREMI 49:22

Ni ko ndal kokolo mayra pii kolo huulona ŋguyra na, ɓee garaŋaɗ ki duk ha kaŋga kay Bosra. Suu saɓak suu Edomma hurusi hin mbuɗ hu buu namma ko huu cara hu buu ma vuɗta na.

JEREMI 49:24

Damas mbuɗ ki ndaana, ndaɗ pereɗ iriɗ ŋgoroɗ dagan a ndi liŋŋa. Ndaɗ mbuɗ dlak cocoo. Haɗ huuna u tiitara laɗ ko ndal cara hu buu ma vuɗta na.

JEREMI 49:29

Yowosi mbutluɓ masina ay ki u yoori masisina, mbutluɓ masi ma gorina u tlegeyesi suu daŋŋa halaŋ halaŋ. Yowosi jambal masira ay ki may, gasi vunna ana, Dla cora ŋguy kagi na ŋguy.

JEREMI 49:38

An tin dlam manda hu Elam. An bulum mul ma huna u suu ŋgolo mam suu sunda kiyo. Yawe di na.

JEREMI 49:5

Na may ni an hin mbuɗuk ki ndaana ko ndaryakŋa halaŋ halaŋ, Bu Suuna Yawe, ma Saɓakŋa Kom Belna, di na. Agi hin njay kiyo, gegelay tin irim hu li ma vogom mun kamma duk na ɗegee, sa tok suu liŋ ki asina ka oloɗi.

JEREMI 50:36

Gi ŋgewna hu li ma joɓ fulina ni suu puluɗina, ŋgewna duk suu mam suu duuna asi hin puk ki kaŋgaa.

JEREMI 6:19

Ndaŋgara hum haa, an hin mba dlara hahawra ay kay suuna, ni vuɗ dlaasira cora. Asi ka gol tasi jivi kay dlaandaɗi. Gaɗ manda asi ka li uɗɗi lay.

JEREMI 9:15

An hin njayasi ki duk njaf suu asi tasira lay. Somoyosi lay wasi kaɗina an hin gasi ŋgewra kay ceeresi naa su ta ta daɓasi ki cira tuwa.

JEREMI 9:16

Na ɗaŋŋi Yawe, ma Saɓakŋa Kom Belna, ɓak anaba, jokogi tagiya, mbaagi boyogi suu tiina aya. Yagi boyogi suu wi yal tiina ɦayna asi mbaya.

EZEKIYEL 12:14

Suu may suu ŋguyumma, suu juɓum umma, u suu duu mamsina halaŋ an hin njayasi kiyo, asi hin njay ki keŋ ndaŋgara fiɗi halaŋ. An dikisi ha usi dagan u suu duuna lay.

EZEKIYEL 32:23

Ususi ha ni hu li ma zu zul a suu us suu miɗina halaŋŋa, ŋguy kay us mulna, asi ni suu casi ha fun duunana halaŋ, asi ni suu ay jew cuk ndaana ha huu suu kolo iirina cocona.

EZEKIYEL 5:12

Keŋ suu magisina ma hindina hin daɓ ki miɗna ko tuguɗi mbogomma ɗowba mayra hin ndi kasiya. Keŋ ma hindi ma hin mba wanna, ŋgew ma duuna hin casi ki may. U suu hin hin ndena an njayasi ha ki duk njaf suu daŋŋa ni u ŋgewina kay ceeresi dagan hu may.

EZEKIYEL 5:2

Hu li ma buu maŋ ma ŋgaamma daɓ wa ni, aŋ ɓorowoɗ iriɗ duk hindi, keŋ ma hindina aŋ ŋgal tlimiɗ ndaɗta duk gayra huɦoŋzina. Aŋ yow keŋ ma hindi ma hin cuki mbana, kaasi ki uŋgewna ŋguy ki kay yam ɦoŋzina na cutl, u keŋ ma hindi ma hin koŋ daganna aŋ cukuɗ kolo duk semeɗna. Ŋgew namma an hin hoŋosina ni kasiya.

DLAŊ LEVIRA 26:33

Agi tagira may ni an hin dikigi ki duk njaf suu daŋŋa, suuna hin mun duuna u agiya, ɦoŋzi magina hin mbuɗ ki ni bagira, zina halaŋ hin hawaɗ kiyo.