JEREMI 49:29 - Boy Lonana

²⁹ Yowosi mbutluɓ masina ay ki u yoori masisina, mbutluɓ masi ma gorina u tlegeyesi suu daŋŋa halaŋ halaŋ. Yowosi jambal masira ay ki may, gasi vunna ana, Dla cora ŋguy kagi na ŋguy.

JEREMI 49:29 ပူးပေါင်းရင်းမြစ်များ

URA TIN AYRA 37:25

Ŋgoo dagan asi lak kaŋga a ti tlena. Gol irisiya ni suu Ismaelna tuɗ ay u jamballa na girkilik ay ii ma Galaadna na. Tlesuu asi yowosi ay kay jamballa a paarana ni tlesuu li mbul ma hisna u komona u daɓaŋga may, asi tuɗ tlesuu asina ni Egipte.

JOB 1:3

Timigii mamsina buɓ buɓ kiɗisiya, jamballa buɓ buɓ hindi. Mbutli mam suu zumma fun tasi na, cuɓ cuɓpa na kis kis vadl. Korra kis kis vadl. Suu li sunda vo varamma bolow cocoo. Sa namma ni ŋgol su suu u maɗiinana halaŋ halaŋ.

SOOLLA 120:5

Hahawra kan cocoo, kay an tuɗ ki koyra hu Mesek, kay an kak hu mbutluɓma vi Kedar.

SOOLLA 31:13

Asi maaran ki ko sa ma ki miɗina na, anni ko tlesuu cukusi ki del buɗna na.

EZAYI 13:20

Ҥoŋzi namma suuna ka li hu coco oloɗi, ha hu basara gak gakŋi sa ka hin cuk huɗi. Sa ma Arabe lay ka hin a pi mbutluɓ huɗi lay. Suu taa yoorina ka taa hu mbas ndaɗtaɗi lay.

EZAYI 60:7

Yoori suu gori suu hu Kedarna hin ki ni maŋu, gamlagi suu varasina hin ki ni maŋ a li ɓivunna, asi hin ɗiŋ ki kolo kay givin ma togolla vi Bu Suuna. Ziŋ Lonara, Bu Suuna, hin mbuɗuɗ dlaɗ ŋgol a sura jewra.

JEREMI 10:20

Mbutluɓ manna ɓeŋ ki wa, a ɓuɗom zewem ki halaŋ lay. Goryon u liin ma kakka ka oloɗi. Sa ka minin mbutluɓ manna kolo oloɗi, a minin liin ma kakka oloɗi.

JEREMI 4:20

Asi yi kolo ana, «Dla cora u dla cora.» Gasi, mbassa halaŋ ki ɓeŋiya. Gol irinu ni, liimina u suu mansina ki ɓeŋi lay. Kak na njokŋi mbutluɓ manna lay.

JEREMI 46:5

Ni mege? An wi ni mege? Asi ki mbuɗi ndaana. Asi hoŋ dagan suu duu suu saɓak cocona asi palawasi kiyo. Asi yow liŋŋa ki njay na dew dew ka gol irisi ŋgorosi daganɗi. Asi mbuɗ ki ndaana bel bel. Yawe di na.

JEREMI 49:24

Damas mbuɗ ki ndaana, ndaɗ pereɗ iriɗ ŋgoroɗ dagan a ndi liŋŋa. Ndaɗ mbuɗ dlak cocoo. Haɗ huuna u tiitara laɗ ko ndal cara hu buu ma vuɗta na.

JEREMI 49:5

Na may ni an hin mbuɗuk ki ndaana ko ndaryakŋa halaŋ halaŋ, Bu Suuna Yawe, ma Saɓakŋa Kom Belna, di na. Agi hin njay kiyo, gegelay tin irim hu li ma vogom mun kamma duk na ɗegee, sa tok suu liŋ ki asina ka oloɗi.

JEREMI 6:25

Kal ki ŋgoo bagiɗi. Kal ki hu voɗtaɗi, kay ana ŋgew ma vi sa babalinana ka ki hu lina bel a ci suuna.

HABAKUK 3:7

An wi mbutluɓ ma vi Koushanna bulum ki a fafaɗta. Ŋgus ma suu hu mbassa Madiyanda vam kasina bulum kiyo.

2 KORINTNA 4:8

Njaf lassa fami zeɗ zeɗ ŋgolo ni cami kaɗi, ami mbuɗ ndaa ŋgol lay ni hoŋ ka ki daganɗi.

2 KORINTNA 7:5

Hu li ma ami mba hu Masedoin wanni fami koɗta ka hu na ndeɗi, ami fami wihawra ŋgolo. Njogoɗ ko tammi u suu daŋŋa, ndaana hurumi coco lay.

SUU KAƁAKŊA 6:5

Asi tum ay ni u yoori masisina halaŋ, ugi mbutluɓ masina lay, suuna mbay ni bolow cocoo ka ndumbi, zulira ko njeena na. Asi u jambal masisina lay ni zuli cocoo. Asi cuk hu mbassa a ɓalakaɗ kira.

SUU KAƁAKŊA 7:12

Suu Madiyanna, suu Amalekŋa u suu ay u maɗiinana halaŋ moli hu li namma ni zuli a su jeena. Sa ka ndak a ndumusi jambal masiraɗi, ndaɗ zuli a su ŋgetl ma doŋ lummana.

SUU KAƁAKŊA 8:21

Zeba u Salmuna hin di ana, «Aŋ u taŋga col kolo cami ki ni aŋu, kay sa njufna ndak a li njuffa ni nam daŋ may.» Gedeon col kolo ci gi Zeba u Salmuna kiyo. Nam fokosi tlesuu ay gi kel jambal masisinana.

SUU KAƁAKŊA 8:26

Nek kaaɗumba Gedeon joɓoɗ asi taaramba ayra li ii va ma kelo dok-mba'. Ni ndum tlesuu humba u baraw tlaw ma mulla vi muli suu Madiyanna ka huɗi. Ndum gi ɦedew ma ay kel jambal masisinana ka huɗi lay.