17 Edom mbuɗ ki ni li ma kiɗik kiɗik ma hahawra. Suu tli egeɗ tokŋa halaŋŋi mbuɗ ki zolona, hu li ma asi wi tlena ki ɓeŋi nana, asi tii tii ma hahawra.
Zira mini kolo day jivi coco ndaɗta gegelay hin jak egeɗ ni yoo tam cocoo, ko komu, joɓ tam ana Yawe a li dla ndaɗta eg mbas ndaɗta u Ziŋ Yawera na ni ana mege?
Na ni asi hin mbuɗ mbas masira ki a li ma hahawra, ma suuna hin tii tii ma hahawra hurum tew tewna. Suu tli voɗta hu li nammana viɗ ki na dawlaɗ, kisik yasi na gak gak.
Gasi an suu tan ki u tanda, Yawe di na. Bosra hin mbuɗ ki ni li ma hahawra, li ma didiŋga, nam hin mbuɗ ki ni li ma suuna ŋgul tasi may, gi vunna maŋ tasi may u namma. Ҥoŋzi ma hin tam kamma halaŋ hin mbuɗ ki ni li ma didiŋga.
U saɓak yara vi Yawera sa ka kak huruɗ oloɗi. Ndaɗ mbuɗ ki u ŋgoloɗ halaŋŋi li ma ki kiɗik ma hahawra. Suu jak tli voɗta eg Babilon tokŋa mbuɗ ki zolona lay, hu li ma asi wi tlena ki ɓeŋi coco nana asi tii tii ma hahawra coco ɦay.
Kay ndaɗta Bu Suuna, Yawe, di ana, an maɗ kon kay suu Edomma u hurun ma ɓeŋ ki egesi u yarna. An hin ci suu warna u yoorina kiyo. An gijaŋ ɓalakka ay ni hu mbassa Temanda day, asi hin puk kaŋga fun ŋgewna ta ta tew ki hu mbassa Dedanda.
Kay ana agi furi ki ana jo ma vi suu Israelna mbuɗ ki ni ŋgoo bagira ɦawaa. An hin mbuɗugi ki ni ko vunugi ma di namma na may. Ҥinira Edomba hin mbuɗ ki ni ŋgoo bagira ɦawaa u suu Edomma halaŋ. Agi hin wi ki ana anni Yawe.»
Aŋ li u gaɗta vi Omrira, u dlara asi laɗ vo hu zina vi Akabpa lay. Agi tuɗugi ni u gaɗ masira, an may ni hin hiniŋ hu li ma hahawra, suu maŋsina hin mbuɗ ki zolona lay. Agi hin fagi ni dla co mayra suu mansina faɗta.
Ҥoŋzi mayma kak gin u furira ana nam dla ka kambina hin li ni ko wanda na, nam mayma ɓak hurum kurufu ana, «Sa daŋ kaɗi ni an doy holona.» Ndaɗ hin mbuɗ ki mbas mayra hahawra ni nanage, li ma mbuurina buu huna ni nanage. Gegelay tli egeɗ wa toko ni feɗ vunum lay, yorok kom lay.
«Mbas mamba halaŋ huruɗ ni kura, vuvuna, sa ka zaa va huɗi lay, bubu ka ɗufi huɗi lay, va ka day hu na dewɗi, tli taɗ ni ko zi ma Sodomma u Gomorra, Adma u Cevoyim zi ma Yawe u yaamba toom kina.»