JEREMI 48:47 - Boy Lonana

⁴⁷ Na may hu buu ma fokŋa an hin hoŋ Moab kolo balamaɗu, Yawe di na. Ɓak ma kay Moab ma daɓmi tani.

JEREMI 48:47 ပူးပေါင်းရင်းမြစ်များ

JOB 19:25

An u tanda wi ki ana sa ma buɗun kina ka iiriya. Buu maa daɓ daganna nam hin colon ki kolo duk buɗna.

EZAYI 18:7

Hu buu namma ni suuna hin ɦal tlena maŋ Yawe, ma Saɓakŋa Kom Belna. Suu may suu wuli fiyeki cocona u suu tasi weleɗ ɦayna, ni suu may suu suuna hu duliyara halaŋ ka lasi ndaarasina, njaf suu saɓakaŋa suu ka las ndarayasinana, suu mbo lumma ɓorowosi irisi kina. Asi hin mbaa tle asina ay ni hu li ma Yawe ka kaki huna, ni kay yam ɦinira Siyonda.

EZAYI 23:18

Na may warak masina u fiisina halaŋ hin hinni maŋ Yawe. Nam ka hin njuni kolo moli ɦawaɗi. Warak masina u fiisina ni a ɦal tina maŋ suu ka cuki fok Yawena u baraw ma dereŋ ma cuk tasina.

EZAYI 25:11

Suuna hin maɗ kosi ki ko ndal suuna maɗ kosi ki a lus duk mbonara na, suu ŋga tasina yasi hin hoŋ gaa u sun masira asi ka laɗ u suunara lay.

EZAYI 45:20

Agi njaf suu warna suu hin iirina, tokogi aya, ko tagi dew ɦuɗugi ay egenu. Suu goɓ fuli gugunina, suu cen lo may ma ka suɗ saɗina, suu asina ki ni ɦawaa, yasi kaɗi.

JEREMI 12:14

Na ɗaŋŋi Yawe ɓak anaba, ndarayam suu zi suu co suu min a yow joon ma an ɦam maŋ suu man suu Israelna, an hin paɗasi ki u sariyasi ma duk ndaŋgarana. An hin paɗ suu Yudana ki dukusi u sariyasi may.

JEREMI 12:15

Na may, hu li ma an paɗasi ki u sariyasi wa ni, an hin wasi hahawasi, yowosi hurun olo, an hin hoŋosi gegelay tinda kay joomma, gegelay hu mbas mamba.

JEREMI 23:20

Yara vi Yawera hin ka heɓ kaŋga bay nam li dlara nam di kaɗta kiɗi. Dlara nam gaɗ iriɗ ay ki komba. Tuɗ fok na nde ni agi hin fagi yalna su olo.

JEREMI 30:24

Saɓak yara vi Yawera hin ka heɓbi. Nam hin li dlara nam min a laɗta ki li gi. Agi hin fagi yalna ha fok tuwa.

JEREMI 46:26

An ɦasi ki maŋ suu min a casi ki na, maŋ Nabukodonosor, mul ma Babilonna u suu mam suu sunda. Ŋgoo dagan wanni Egipte hin kak hu balamaɗ ma jewna.» Yawe di na.

JEREMI 49:39

Na may hu buu ma fokŋa an hin hoŋ Elam balamaɗu. Yawe di na.

JEREMI 49:6

Ŋgoo dagan dla ndaɗta ni an hin hoŋ Amon balamaɗu.

EZEKIYEL 38:8

Ŋgoo dagan basara ŋgolo hu li ma lina ndak wa ni, an hin ɦaŋ voɗta aŋ tuɗ hu mbas mayra dayra, suu huna ka laki u heɓpa. Asi ka li ndaa duuɗi lay hu li ma asi toki kel tasi cocona. Aŋ hin dug ɦinira Israella ndaɗ hin mbuɗ ki ni ŋgoo bagira ɦawaa, may cemi ni suuna ka laki hu u heɓpa.

DANYEL 10:14

An mbay ni a takaŋ dlara hin mba kay suu maŋŋa hu fokkara, kay ana dla ndaɗta hin tak taɗ ki fok jew kay buu namma tuwa.»

DANYEL 11:41

Nam hin kal hu mbas mayra jivi ɦayra, suuna hin fi maɗna cocoo. Suu wanna hin suɗ kommi asiya, suu vi Edomma u suu vi Moabma, goryoŋ Amon suu vuɗ fok jewna may.

DANYEL 2:28

May Lo ma kolo huulonana ka dew, ma tak u dlara mbuɗ mbuɗta kina, hin tak maŋ mulna Nabukodonosor dlara hin mbay hu fokkara. Doyra daŋga u tlesuu ŋgusuŋ wasi hu liiŋ ma buunana wanni.

Magaara Vi Sa Jok Vun Lona OZE 3:5

Ŋgoo dagan wanni goryoŋ Israelna hin hal Yawe, Loosina, daŋgadla, u David mul masina, asi hin hoŋ irisi ay eg Yawe u dlakka eg tlegeyem suu jivina hu buu ma fokŋa.

NDUMBA 24:14

Jiviya cemi ni an tuɗ wa vi suu mansina, may ni mbay an daŋ dlara suu asina hin laŋga eg suu maŋsinara ka kiyo.»

GA 8ATAMBARA 31:29

An wi ki kan ana hu li ma an miɗ kina ni agi hin ɓalak tagi ka kiyo, agi hin hin voɗta ɗegera an haɗagira wanda kiyo, Ha hu buu ma fokŋa ni yoora hin mba kagiya, kay ana agi li dlara ka ii Yawe jiviɗira u dlagira agi laɗta.»

GA 8ATAMBARA 4:30

Hu li ma agi ka hu yoora, lini dlara yoora fagi wa hu buu ma ha fokŋa, agi hoŋogi ay eg Yawe, Looŋŋa, agi mba humum delemu.