JEREMI 48:45 - Boy Lonana

⁴⁵ Suu liŋ a ŋgay tasi ki na loɓ ki col u ŋgus Hesebon. Na may kura njay ay ki kasi hu Hesebon sin kura col ay hu zi ma vi Sihonna. Ku ndaɗta ŋgal zigini suu Moabma kiyo, ŋgal sok yam suu li dla cora ki lay.

JEREMI 48:45 ပူးပေါင်းရင်းမြစ်များ

SOOLLA 135:11

Sihon, mul ma Amoreenna, Og, mul ma Basanna, u muli suu hu mbassa Kanaanda halaŋ.

SOOLLA 78:63

Gorzoŋi mamsina kura ŋgalasi kiyo, gorɓiina sa ka ɗumusi oloɗi lay.

JEREMI 2:16

Suu Memfisna u suu Dafnena lay bay welek yak kiyo.

JEREMI 48:2

Moab seɗ ma tiina daɓ ki wa. Ay hu Hesebon asi li yal ma tii maɗna kaɗu. Tuɗuygi bulumuygi njaf suu asina kiyo. Ndak Madmen lay ni mbuɗ ki seŋŋira na yerek yerek. Ŋgewna ka ciɗik seku.

AMOS 2:2

An hin cuk kura kay Moab, ndaɗ hin ŋgal zigini suu vi Keriyotna kiyo, Moab hin miɗ u tiitara, ko yi kolo a duunara na, ko bu tokolomma a duunara na.

ZAKARI 10:4

Ҥinira tini keŋ zirara hin kal ay ki hu Yuda, gu ma pii hu mbutluɓmana, gu mburura duuna, mulina halaŋ hin kal ay ki egemu.

NDUMBA 21:21

Suu Israelna cuk suuna ha eg Sihon mul ma Amorna dam ana,

NDUMBA 21:26

Kay Hesebonni ɦoŋzi ma vi Sihon mul ma Amorna, ni sa ma li duuna jew u mul ma Moabma, tlam mbas mamba ki halaŋ ta ta Arnon.

NDUMBA 21:28

Ay jewra sin kura kal ay ki hu Hesebon, sin kura col ay ni hu mulla vi Sihonda, ŋgal ɦoŋzi ŋgol ma Arna ma ka hu Moabma ki u suu ŋgolona suu kolo kay ɦinira Arnonda ki lay.

NDUMBA 21:29

Hahawra kagiya agi suu Moabma, agi ba ki wa, agi suu goɓ Kemosna, lo ma ɦawana. Goryogi suu njufiina yow liŋa wa, suu tamagina vasi ki balna wa lay, mul ma Amorna, Sihon lay.

NDUMBA 24:17

An wiya, na may ni ka kay cecemira tuɗi. An saarasiya na may asi ka egen tokgi. Ay vi Yakob ciw velna day ki kolo wa. Vi Israel tokolora mulla tli ki kolo wa. Ndaɗ bulum lina vi Moab kiyo, hin ci goryoŋ Setna kiyo.

MATIYE 21:42

Yesu dasi ɗaŋ ana, «Agi bay ndumugi va ma ɓiirina tu su? Ma di ana, Ҥinira suu min goŋga noyoɗ ki kaŋgara, hin mbuɗ a jiv goŋga ki ni ndaɗu. Gola ni dlara Bu Suuna laɗta, aygi goloɗ na ni, ndaɗ su ki kaygi cocoo.»