JEREMI 48:37 - Boy Lonana

³⁷ Na ɗaŋŋi asi wel yasi ki halaŋ lay ka ko ŋgusugina ki halaŋ lay, cal hu duk kosi ki lay, njun baraw bolla hurusi may.

JEREMI 48:37 ပူးပေါင်းရင်းမြစ်များ

URA TIN AYRA 37:29

Ruben hoŋ ay mba gol hu goloŋga na ni, fi Yosef ka huɗi, nam haa baraw mamma tamma kiyo.

URA TIN AYRA 37:34

Nam haa baraw mamma tamma kiyo, njun baraw bolna hurumu. Nam buu coco a li hahaw goromara.

1 MULINA 18:28

Asi oo usi kolo cocoo, u gaɗ masira ni suu daŋŋa dak tasi u ŋgewina lay u saɓagina lay, tasi mbuɗ ki ni busu bel bel.

1 MULINA 21:27

Hu li ma Akab hum boy namma na ni, nam haa baraw mamma kiyo, cuk baraw bolna egemu, li laara may. Nam buu ni u baraw bolna egemu, tuɗ ni na suɗu suɗu ka tin sem kaŋga eŋgi lay.

2 MULINA 6:30

Hu li ma mulna hum boy namma na ni, nam haa baraw mamma kiyo, a nam ki kolo kay gulumunnara ni suuna halaŋ wi ki ana nam cuk baraw bolna egemu.

1 DLAŊ MULINARA 19:4

Hanun yow suu sun suu vi Davidna welesi yasi kiyo, ŋgaɗasi barawi masisina ki kolo usi duk na poɗogos poɗogos may, hin cukusiya.

EZAYI 20:2

Hu coki ndaɗta ni Yawe ɓakasi ni u sunda vi sa ma jok vun Lona Ezayi ma goŋ Amosna. Nam dam ana, «Tuɗa, cuk baraw ma hahawra egeŋu, fok tuɓuru ma seŋŋa kiyo.» Nam li ko ndaɗta na may, tuɗ payam ki siiliya, tuɓuru ka sembi may.

EZAYI 3:24

Mbul ma hisna hin mbuɗ hisni tlesuu buuyna, gandina hin mbuɗ ni zewna. Yamba gira hin kaa ni godlokka. Hin baraw ma jivina ki tani hin cukŋi baraw bolna. Jivira hin ki tani asi mbuɗ ki coo.

EZAYI 37:1

Hu li ma mulna Ezekiyas hum boy namma na ni, nam haa baraw mamma kiyo, cuk baraw bolna egemu, tuɗ hu Ziŋ Yawera.

JEREMI 16:6

Hu mbas ndaɗta suu ŋgolona u kemba gorira hin miɗ kiyo. Sa hin ka tososiɗi. Sa hin ka li dlara hahaw kasiɗi. Sa hin ka jii hurumbi lay, ka wel yam kiɗi lay.

JEREMI 41:5

Suuna col ay Sekem, Silo, Samari mbaya. Asi dok-kalavandi. Njeresi ki weliya, baraw ma egesina ki hariya, tasi ki mbilina bel bel. Asi yow tlesuu li ɓivunna u mbul ma his jivi ma tinim hu zira vi Lonara ay kosiya.

JEREMI 47:5

Vel ma wel yamba kal hu Gaza wa. Askelon mbuɗ ki seŋŋira na yerek yerek. Suu hin iiri hu ful masirana, ni saɓa ga agi hin mbuɗugi tagi gorira ni ge?

JEREMI 49:3

Gurniya Hesebon, Ai ki ɓeŋiya, yagi kolo eŋŋe ɦoŋzi ma Rabba ma kiɗikka. Cukugi baraw bolla egegiya, yoorogi tagiya. Poyogi hu gulumunna. Milkom tuɗ ki mbaɓura wa. Suu maɗ muli suu li ɓivunna u suu mulina halaŋ lay.

EZEKIYEL 27:31

Asi kaa yasi ki a lagi hahawagira. Asi njun baraw bolna ki hurusiya. Asi tii kagi hu hahaw masi ndaɗta cocoo, yoo tasi coco lay.

EZEKIYEL 29:18

«Goŋ sanna, Nabukodonosor, mul ma Babilonna, duu kay zi ma Tirna. Nam tin dlara nekka kay suu duu mamsina cocoo ta ta yasi koo ki lay, pel bikisi yaɓ ki lay, na may asi fi warak ka kay loɓ masi namma na ndeɗi. Tamba mulna u suu duu mamsina, kay asi ti va ka ko suu Tirnaɗi.

EZEKIYEL 7:18

Asi njun hurusi ki u baraw bolna. Tasi mbuɗ ki ndaa cocoo. Yasi ka tli ki kolo ko zolonaɗi lay. Asi kaa yasi ki godlokka halaŋ halaŋ.

DLAŊ LEVIRA 19:28

Ka agi jii hurugi kay maɗɗi, njun dooɗi lay. Ni an, Yawe.

AMOS 8:10

An hin mbuɗugi poy magira ki hahawra, soolla agi gaɗta hin mbuɗ ki ni yoo tara. An hin tinigi sawalna kay ufurugiya. An hin welegi yagi ki halaŋ halaŋ, agi hin ziriɗ ko ndal hahawra laɗ kay maɗ goo ma dewnara na, dlara hin mbay daganda hin li ni ko buu ma yoo tara na.

MISE 1:16

Wel yak kiyo, ŋgaɗ tlimiɗ yak ki kay goryok suu ndak minisina. Mbuɗ yak ki kak ko yam kokolora na, kay ana asi ha ki tuɗi hu mbassa daŋga egek day.

MARK 5:5

Tew tew njeŋge, faali lay, nam poy kolo kay ɦinira duk ussa, sawalla, dak tam u gogoyra lay.

WIRA ŊGAYRA 11:3

An hin cuk suu man suu dikina mba' asi hin cuk baraw ma mbumbu bolna tasiya, asi hin mba di Boy Lonana ki buuna bup duk kis kis mba' duk dok karkiya.