JEREMI 48:26 - Boy Lonana

²⁶ Gurɗugina ki u summa kay nam mbuɗ tam ki ŋgolla su Yawe. Gola nam ka bulum tam kaŋga duk vinimu. Nam mbuɗ ki va sanda wa.

JEREMI 48:26 ပူးပေါင်းရင်းမြစ်များ

JOB 15:25

Asi tli kosi kolo a duu u Lona. Asi min duu u ma Saɓakŋa.

JOB 9:4

Nammi yal cocoo, neey coco lay. Sa ma ndak a hin vam u dlara ni gege?

SOOLLA 2:4

May nam ma ay kaki kolo huulona ka san ay usiya, Bu Suuna ka panasiya.

SOOLLA 59:8

Vunusi gi kuffa na gidip gidip, vunusi ni ko ndal ŋgewina na. Asi di ana, «Sana hin humuygi ni gege?»

SOOLLA 60:3

Ҥi, Lona, aŋ hinimi kiyo, aŋ njayami kiyo, aŋ mbuɗ ki yara egemiya, cemi aŋ hoŋomi ay wa.

SOOLLA 75:8

Lona hin kaɓakŋa ni nam dew, nam hoŋ maa ki ga dew, col maa kolo dew may.

KALKIRA 5:2

Faraw di ana, «Yawe namma nige a an humum vunum a hin suu Israelna tuɗ ki ŋgoo bagi nige? An ka wi Yawe nammaɗi. Kay ndaɗta an ka hin suu Israelna tuɗɗi.»

KALKIRA 9:17

Aŋ so huruŋ gak gak ka min a hinin suu mansina tuɗɗi.

EZAYI 10:15

Bu Suuna di ana, «Njetna ndak ŋga tam kay sa ma ka guuna u namma su? Siina ndak a ŋgaɗam kay sa ma ka wak guna u namma su? Ko ndal tokolora zuɗ sa ma ndaɗ ka wi komma ha a waɗta ni ndaɗ su? Njewɗekka ka zuɗ sa ma waɗ u ndaɗnaɗi lay.»

EZAYI 19:14

Yawe gasi ŋgussa gasi irisi tirfinda kasiya, asi viɗ suu Egiptena ki hu dlara asi laɗta halaŋ halaŋ. Ko ndal sa ma gurɗi u summana a bulum ga duk vinimba na.

EZAYI 28:8

Yam tabul masira halaŋ ki taɓagi u vinda. Liisi ma ki mini jivi na wan ka oloɗi lay.

EZAYI 29:9

Dlakagi ŋgusugiya, agi viɗ ki duk na viɗ. Agi mbuɗ ki dugiya, lakagi dugiya. Agi ki guruɗiya, may guruɗ ka ni u summaɗi, agi viriw tuɗta hu voɗta, may ni ka u sum ma yaɗi.

EZAYI 51:17

Col koloo, coli kolo u seŋu, Yerusalem. Aŋŋi sa ma Yawe lasaŋ u yaamba coco ɦayna, lassa vi Yawe guruɗuŋ yaŋ ki cocoo. Aŋ las cocoo, wi dla ndaɗta u iriŋ lay.

EZAYI 63:6

An tay suuna ki ga u senu, kay hurun ma ɓeŋ kina, an guruɗusi ki u sum yaanda an laɗta, an voosi busuusi ki gaa.

JEREMI 48:39

Ni nanage, ndaɗ puk ki kaŋga wa. Gurniya, Ni nanage, Moab pereɗ ŋgoroɗ ki ko zolona. Moab hal dlara ndarayaɗna san uɗ panaɗta ɦay.

JEREMI 48:42

Moab ki ɓeŋiya, ka li a suu wara oloɗi, kay ana ndaɗ mbuɗ taɗ ki ŋgolla su Yawe.

JEREMI 50:29

Yowogi suu wi munda ay kay Babilon, suu u gu mbuurura kosina halaŋ. Minigi tagiya, ŋguyugi ki kaɗu, ka a sa suɗ kiɗi. Warakagira ki kay tuɗ maɗta cora. Lagira egeɗ ni dlara ndaɗ laɗta ndaɗ di boy ma cona maŋ Yawe ɦay, maŋ ma Teteɗ ma vi suu Israelna.

JEREMI 51:39

Asi gi tasi kura. An ka minisi tiisina aya. An hin mbuɗusi ki ko ndal suu ki gurɗi miɗina na. Asi hin buu senna ni ka dliɗ dukgi. Asi hin ka dliɗ oloɗi. Yawe di na.

JEREMI 51:57

An guruɗuɗ suu ŋgolo maɗ suu sunda u suu maɗ suu wi yalna, komanda maɗsina u muli maɗsina u suu maɗ suu saɓakŋa kiyo. Asi hin buu ni sen ma daɓ dukgina. Asi hin ka dliɗ ki kolo oloɗi, Mul ma sem ana Yawe, ma Saɓakŋa Kom Belna, di na.

JEREMI 51:7

Va ma ci ma lorra duk ko Yawena ni Babilon. Ndaɗ guruɗ yam ndaŋgara ki halaŋ. Njaf suuna halaŋ caɗ sum veŋ maɗna, yasi jak ki wa.

YOORA 1:21

Asi humun an yoora, sa heɓen hurun kaɗi. Suu babali mansina hum dla cora li egenda, asi li furira, aŋ li dla ndaɗta ni aŋu. Aŋ mba buu ma aŋ ŋgaam kina ay wa. Ko asi may ni li ni ko an na.

YOORA 3:15

Nam murɗun ki u dla cora, nam gurɗun ki u boy ma dira.

YOORA 4:21

Li furira ŋgol cocoo, Edom ta jivira kaki hu mbassa vi Ussa. Doli asi hin ɦak va ma ci namma lay, ndak hin guruɗ kiyo, hin hin tak ki siili lay.

DANYEL 11:36

«Mulna hin li ni dlara u hurumba, hin ŋga tam coco lay, hin gol tam ŋgol suu loogi suu ɦawana lay, su Lo ma vi loogi suu ɦawana na lay, nam hin di boy ma ɦal saara maŋ suunana. Dlaamba hin li kom jivira ta ta hu buu ma yara hin daɓ kina, kay ana va ma Lona ŋgaamma hin li kiyo.

DANYEL 5:23

aŋ col yara kolo eg Bu Suuna ma kolo huulonana, tlesuu hu ziimbana yowosi ki ni iriŋu, aŋ taŋga u suu ŋgolo maŋsina lay, banayaŋ boyogina u boyogi suu suunda, agi cagi sum veŋŋa hu lay. Aŋ ɦal ŋgara ni maŋ loogi doonora u lorra u walakka u kawina, guna u gogoyra suu ka wiɗi lay, ka humbi lay, ka wi dlaɗɗi layna, nam Lona ma iiri maŋga ka hu duk komma, ma dlaaŋga halaŋŋi mambana aŋ ŋgaam kaɗi.

DANYEL 8:10

Ndaɗ wul ta ta tew kolo eg suu sunda huulona. Ndaɗ cuk suu sunda suu ɦiw ay ki kaŋgaa, ciciwra ndaɗ tayaɗ ki kaŋga u seɗ may.

NAHUM 3:11

Ndak may ɗaŋŋi hin guruɗ ki ko ti tara, ndaɗ hin suu kak ndak hin ndi kaŋgaa, hal lina kak ŋgay tak ko saak ma babalira may ɗaŋ.

HABAKUK 2:16

Huruŋ oyra ni u zolona, ka u bibiŋillaɗi. Aŋ taŋga ci may kay bik ko Yawe ma njufna vo ki kaŋu, ŋgoo dagan jivira ni hin mba ni hahawra.

2 TESALONIKŊA 2:4

Nam hin duu u tlesuu suuna goɓ kaŋga fokosina u tlesuu suuna golosi ko lona nana halaŋ, nam kal hu Ziŋ Lonara, mbuɗ tam ki a Lona lay.

WIRA ŊGAYRA 16:19

Ҥoŋzi ma ŋgolna irim ɓorow ki na hindi, ɦoŋzi ma ŋgolna kay ndaŋgara halaŋ bow ki bel bel. Lona humum gam kay Babilon ta ŋgolla, nam haɗ yara hu kop mamma a ndaɗ caɗu.