JEREMI 48:18 - Boy Lonana

¹⁸ Cukugi ki kaŋga hu saɓak magina, lakagi u laara na ca agi suu Dibonna, sa li dla cora eg Moabma col duuna u ndak wa, nam ka took tlegeyek suu saɓakŋa kiyo.

JEREMI 48:18 ပူးပေါင်းရင်းမြစ်များ

EZAYI 47:1

Agi suu Babilonna wagi hahaw magira, hin dlamba mulla lakagi ki ga duk buɗna. Babilon ay jew ni ko goo wayra jeŋiira na. Suuna ŋgaam ana zi ma jivina, cemi ka na olodi.

NDUMBA 21:30

Ami munusi u mburura asi njay liŋŋa ay Hesebon ta ta Dibon. Asi halaŋ ba ki wa. Ami tli mbassa ki halaŋ ha Nofa ta ta Medeba».

EZAYI 15:2

Suuna ɗiŋ kolo kay li ma teteɗna hu Dibon, diŋ kolo kay mbura mbuy ta kolo dayra a tiina. Kay ɦinira Nebora u ɦoŋzi Medebana suu Moabma ka yoo tasiya, suuna kaa yasi ki halaŋ halaŋ. Njeɓeresi halaŋ asi cawaɗ ki lay.

JEREMI 48:22

Kay Dibon, kay Nebo, kay Bet-Diblataim.

JOSUWE 13:17

Mbassa Hesbonda u ɦoŋzi ma ka huruɗna, Dibon, Bamot Baal, Bet-Baal-Meon,

EZEKIYEL 19:13

Cemi ni ndaɗ ki pii ni ŋgoo bagi hu fulla, ni hu mbas mayra mbo ka huɗira ta laara huruɗ cocora.

EZAYI 5:13

Kay ndaɗta suu mansina hin njay kiyo, ni kay asi ka wanɗira. Suu masi suu ŋgolona hin laɓ ki ko mayra, suu hu ziinna ŋgolo hin laɓ ki ko laara.

SUU KAƁAKŊA 15:18

Ŋgoo dagan wanni Samson laara cam cocoo. Nam cen Yawe di ana, «Aŋ ɦal saɓakŋa maŋ saaŋ ma sunda a su kay suuna ni aŋu, cem wanda an laɓ ki ko laara ni laɓiya, hin ki ni duk ko suu ɗiwisi bay cawra.»

JOSUWE 13:9

Mbas masira ii haka maɗta col ay ni dali eg ɦoŋzi ma Aroerna fun mbo lum ma Arnonna u ɦoŋzi ma cuki hu ɦuɗugum ndaɗtana halaŋ u mbas mayra Medebara u Dibon lay.

NDUMBA 32:3

«Ҥoŋzi ma ŋgolona Atarot, Dibon, Yazer, Nimra, Hesebon, Elale, Sebam, Nebo u Beon,

KALKIRA 17:3

Hu li namma suuna laara casi cocoo, suu Israelna gurni eg Moiz ana, «Aŋ a cukumi ay ki hu Egipte ni kay mege? Hin a laɓami ki u laara, ami lay, goryomi lay, yoori mamisina lay ni amege?»

URA TIN AYRA 21:16

Ndaɗ tuɗ kak ha ki na day, pereɗ iriɗ ay eg goona na, duk ɦoŋosi ki ko ndal sana mun mbuura, ndaɗ tuɗ ndi hura na ga. Ndaɗ di ana, «An ka wi maɗ goronna u irinɗi,» ndaɗ gijaŋ tiira.