JEREMI 48:14 - Boy Lonana

¹⁴ Agi min a di ana, «Ami ni suu saɓakŋa, suu duu suu sunusi ki kay duunana.»

JEREMI 48:14 ပူးပေါင်းရင်းမြစ်များ

SOOLLA 33:16

Mul ma ndak a suɗ ki kay suu mam suu duuna ŋgolna kaɗi, sa ma saɓak coco ma ndak a suɗ tam ki kay tam kaɗi.

EZAYI 10:16

Kay ndaɗta Bu Suuna Yawe, ma Saɓakŋa Kom Belna, hin mba tla cora kay suu ɗoorina, asi hin iɗ kiyo, yamba hin vi kura kasi ko kura ŋgalla na.

EZAYI 10:13

Kay nam ɓak tam ana, «An li dla ndaɗta ni u saɓakan daŋ may, ni u yal manna, kay anni sa ma mbeleŋ cocoo. An bulum ii hakara vi suunara ki wa, ɦurumusi tlegeyesi suu ŋgayna ki lay. Ko sa ma saɓakŋa na an cuk suu laki kolo kay dlamba mullana ki ga halaŋ.

SOFONI 2:10

Va ma asi hin fam kay ŋga ta masira na wan ɗaŋŋa, kay ana asi ŋgul suu vi Yawe, ma Saɓakŋa Kom Belna, wul tasi ni um lay.

EZEKIYEL 30:6

Yawe di na. Suu njun u suu may suu Egiptena halaŋ hin casi kiyo. Ŋga tara asi ŋga tasi kay saɓakasira hin daɓ kiyo. Col ha Migdol ta ta Syene ni hin casi kiyo. Di ni Bu Suuna Yawe.

JEREMI 49:16

Ndak kal ki saɓaki, kay ana ndak gol tak ki ŋgolla su ndarayakŋa, mbuɗusi ki ndaana lay. Ndak mayra ka kakira hu zul gogoyrara, ɗiŋ kolo kay ɦini mayra fiyekkara. Lini ko ndal kokolora na ndak min ziik kolo kay li ma mbuyna ni, ay kolo hu li namma an hin zuɗuk ay ki kaŋgaa. Yawe di na.

JEREMI 9:23

Lini sa min a ŋga tamu ni nam ŋga tammi u dlara wanda, ko nam li yal coco a wanda, an, Yawe, ma taɓ suuna eg tasina, ma jivina u ma ɗegeena kay ndaŋgara. Gasi dla ndaɗta ni hurun vaɗu, Yawe di na.

JEREMI 8:8

Agi hin ndak di ana, «Ami yal cocoo kay ana gaɗta vi Bu Suunara ka ni duk komiya» nige? Gasi may ni ndaɗ mbuɗ ki ni gaɗta cora u dlara suu co suu ɓii magaara laɗta.

EZAYI 16:6

Suu Yerusalemma di ana, Ami hum dla ŋga tara vi suu Moabma. Asi ni suu ŋga tasi cocona. Ami humusi dlaasira u ŋga taasira u gagaɗ masira lay, asi tli yam tasi kolo ni bay u boyna ɦawaa.

DI BOLLA 9:11

An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.

SOOLLA 11:1

Soolla vi sa ma fok suu gi soollana, soolla vi David. Liin ma ŋgayra ni eg Yawe. Agi hin dan ana pii liŋŋa kolo kay ɦinira ko laygina na ni amege?