Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




JEREMI 46:6 - Boy Lonana

6 Sa tam feɗna lay ka ndak a suɗ kiɗi lay, ma saɓabak ɦayna lay ka suɗ kiɗi lay. Ay mbayaw na fun mbo lumma Efratna na ni asi daɓ na poŋ poŋ puk kaŋgaa.

အခန်းကိုကြည့်ပါ။ ကော်ပီ




JEREMI 46:6
22 ပူးပေါင်းရင်းမြစ်များ  

Hu iiri mamba Faraw Neko, mul ma Egiptena, col ay a taɓ u mul ma Asirina a njun kamba mba fun lum ma Efratna, Josiyas ka min a hinisi a jakgi. Asi wam may ni, cam ki hu Megido ni na gaw.


Mul ma Egiptena ka kal ay ki kiɗik oloɗi kay mul ma Babilonna ɦurum tlesuu vi mul ma Egiptena ki ni bel bel. Col ay fun mbo lum ma Egiptena day ta ta tew ha ki fun mbo lum ma Efratna.


Lini suu li dla cora tok kanu, lini suu duu u anna hal a can kiyo, asi hin daɓ sesiya, puk kaŋgaa.


An wi dlara daŋga ka hu duliyara olo ni. Suu tasi feɗna ka fi dlara fokka tew tew ni asiɗi. Suu ɦiŋ cocona ka ti yara tew tewɗi lay. Sa ma wi dlara buu mamma hu duliyara tew tew ni u loɓma. Sa ma mbeleŋ cocona ka ɦizɗi lay, suu wi dlara sa ka ŋgaasiɗi lay. Gegelay ni dlaamba daɓ ki daganda kammi zeɗ zeɗ.


Suuna ŋgolo hin daɓ sesi kamu. Asi hin puk kamu, hin kus ki lay. Asi hinni a suu dawna vasina.»


Yawe dan ana, «Ni ii ko ma mbayawna dla cora hin li saɓaki ŋgolla kay suu hu mbassana halaŋ.


Na may Yawe ka u an ko ndal sa duu ma saɓak cocona na. Suu lasanna hin puk kaŋgaa, hin ka ndak ki fun dlaasiraɗi. Zolona hin casiya. Asi hin ka ndak a li vaɗi. Asi hin mbuɗ ki zolona a fafaɗta, hum sa hin ka maa dla ndaɗta kiɗi.


An ɦal voɗta maŋ suu mbayawna halaŋ asi mbay kagiya. Yawena di na. An yi Nabukodonosor, mul ma Babilonna, saan ma sunda, an mbaasi ay kay mbas ndaɗta kay suu huruɗna kay njaf suu keŋesina halaŋ lay. An ɗogosiya an mbuɗusi ki a li ma suuna tii tii ma hahawra hurumma mbuɗum ki jo ma senena.


Yagi yira hahawra ha ii ko ma vi Siyonna na. Tuɗugi kak u ŋgusuna. Cologi duk hu voɗtaɗi. Ni hahawra an ka mbaaɗ ay ii ko ma mbayawnara ni dla cora ŋgolla.


Na may buu namma Bu Suuna Yawe, ma Saɓakŋa Kom Belna, ni buu ma sa sugulna, sa sugulum u suu mam suu babilira. Ŋgewra ci suuna, hoɓ ki u asiya, guruɗ ki u busuɗusi lay. Ni buu ma furira vi Bu Suuna Yawe, ma Saɓakŋa Kom Belna, hu mbassa mbayawnara fun mbo lumma Efratna.


Njaf suuna humuk dla zolo makŋa kiyo, kay ana tii makŋa oy yam ndaŋgara kiyo. Sa saɓakŋa daɓ eg ndaram ma saɓakŋa asi puk kaŋga ko tasi mba' halaŋ.


Nam ka puk suuna ki kaŋga ŋgol ɦay. Suu warna gegelay puk kaŋga kay ndaramma ndaramma. Asi di ana, «Coloygi koloo, hoŋoygi suu maygisina balamasiya, mbas maygira aygi vuɗ hura ki day eg ŋgew mayra ka wi hahaw saɗira.»


Ndak mayra li dla cora daɓ sek kaŋga puka. Sa ka a tlak koloɗi. An gi kura ki hu ɦoŋ ziikŋa, ndaɗ ŋgal suu ŋguy kamma ki halaŋ.


Hinigi Yerusalem suu vi Benjaminna, halagi lii daŋŋa kagi a ŋgayra. Buugi tokolomma hu Tekoa, hu Bet-Kerem, takagi dlara, ay ii ko ma mbayawna na ɗow, hahawra ka mbaya, ni dla cora ŋgolla.


Nam hin pereɗ irim ki kay li ma ziim ma ŋgolna huna, nam hin puk kaŋgaa, nam hin ndi kaŋga wa ni, sa fam ka oloɗi.


Saɓak ma las suuna halaŋ hin bulum ki fokomu, mul ma banara u namma lay.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ